سوال مطبخى هام ومش عايز احراج قدام الناس

**fady.bekatcho** · 01-03-2009 10:24 PM

انا اتدبست فى عزومة شوى يوم الجمعة الى جاى

وناوى اشوى فراخ بس مش بعرف اعمل التدبيلة الصح ليها

ياريت حد يقدر يفدنى التدبيلة تتعمل ازاى وتكون حاجة جامدة

وانا ناوى اعمل جنبيها مكرونة اسبجتى وبطاطس

هو كلنا شباب فى بعض يعنى صحابنا

**Dr.A.Nabil** · 01-03-2009 10:36 PM

هاتها مشويه من الشارع وريح دماغك

**fady.bekatcho** · 01-03-2009 10:45 PM

ما انا فكرت فى كدة

بس الفكرة كلها ان هما عايزنا نشويها بنفسنا

وهتكون اوفر

الجمعة الى فاتت شوينا فرختين كلفتنا 90 جنية بكل حاجة

بس علشان اشترينا شواية جديدة

بس التدبيلة ما كنتش مظبوطة فعلشان كدة بسال علشان عايز التدبيلة الصح

**abdalla45** · 01-03-2009 10:57 PM

انت تستنى بقى اسالك الحاجه بس بكره وارد عليك منا خيبه برده زى حالاتك

**hotboja** · 01-03-2009 11:18 PM

30 طريقة لتدبيله للحم والفراخ

http://akhawat.islamway.com/forum/lo...hp?t43825.html

طريقتى الخاصة بقى سر المهنة مش هتلقى اتطعم منة

بص يا سيدى لو عايز شوى فى الفرن العادى

زجاجة كاكولة زجاج مملؤة بالماء تضع فى صيناية واقفة

وخلاطة التوابل

بصل مخرطة-ملح - فلفل- توابل - وتتدعك الفرخة من الداخل والخارج

ثم تلبس فى الزجاجة اايهاا اللى ان تحمر وتشتوى

لحد لم تحمر من نص ساعة الى ساعة

الطريقة التانية

تقطع الفرخة الى 4
وتدهن بمزيج من عسل نحل + ليمون

وتوضع فى صنية مسطحة ومع رشة فلفل اسود وتوضع فى الفرن

تترك الى ان تحمر

وبلهانة والشفاء

**A.Saad** · 02-03-2009 12:51 AM

اى تتبيلة كل ما تتحط في الاكل بدرى احسن
انا كنت باستعمل
بصل ، فلفل اسود ، كمون ، فلفل اخضر ، ليمون ،

**fady.bekatcho** · 02-03-2009 12:52 AM

مستنى ردك يا عبدلله

وشكرا ليك اخى الغالى على الوصفة الجميلة دى

بس للاسف احنا هشويها على الفحم مش فى الفرن

فانا كنت سمعت ان فى تدبيلة بالبصل والفلفل والخل والملح والفلفل الاسود والزبادى بس مش متاكد منها

فياريت لو حد يدلنى

وهشوف اللينك الى انت بعتة دا

**HeMa_LanCeR** · 02-03-2009 01:04 AM

المشاركة الأصلية كتبت بواسطة musiccairo

انا هقول التتبيله اللي اعرفها
بصل , ثوم , ملح وفلفل وأي بهارات تانيه انت بتحبها وممكن ليمونه كامله تغسلها وتحطها مع الخلطه ديه ولو عاوز تضيف فلفل اخضر اوكي ولو زبادي ماشي مفيش مشكله
تاخد كل ده وتضربوا في الخلاط وتحط الفراخ في التتبيله يوم كامل
وتاني يوم تبدأ بالشوي وبالهنا والشفا
اي خدمه ولا اجدع طباخ او طباخه
متنساش قبل الشوي تشيل الفراخ من الخلطه دي سواء هتشوي فحم او شواء عادي

تمام كده انا لسه شاوي الجمعه اللي فاتت فراخ بارضوا
وياسلام بقي لو معاك شويه مسطرده تدعك بيهم الفرخه قبل الشوي علي طول
وعلي فكره احنا كنا سيبين الفراخ في التدبيله من يوم الثلاثاء لحد الجمعه
كل ماتقعد اكتر تكون احسن
بس اهم حاجه انك تقطع الفراخ كويس وتشرطها كويس علشان تطلع مستويه كلها من جوه

**Mido80** · 02-03-2009 07:59 AM

الله فتحتوا نفسي للاكل. الله يسامحكم خاصة اني ضعيف جدا امام الفراخ المشوية عالفحم. انا متعود اروح مطعم مشهور جدا هنا في الدوحة اكل عندة الفراخ المشوية (المسحبة) اسمة مطعم تركيا المركزي، اي حد عايش في قطر هايعرف المطعم دة، بس اية خرررررررررررررررررررررررر ررررررررررافة وتودي في داهية.

-

الموضوع: سوال مطبخى هام ومش عايز احراج قدام الناس

LinkBack

أدوات الموضوع

عرض

-

-

-

-

-

-

المواضيع المتشابهه

حد عايز كساحات (قدام ووراء ) و عتب

عايز اعمل فلاشر فى الفانوس اللى قدام

حبة احراج بقي

مجرد سوال صغير من الناس اللى بتفهم

عايز انضف فوانيس العربيه اللى قدام !!!

الكلمات الدلالية لهذا الموضوع

المفضلات

المفضلات

ضوابط المشاركة