حركة رخمة جداً

**yarislover2009** · 02-03-2009 10:35 AM

حركة رخمة جداً

يا جماعة يوم الجمعة اللي فاتت حصلتلي حاجة رخمة جداً رغم أن الدنيا كانت برد و هوا قوي و رغم أني كنت مغطية العربية اليارس بتاعتي تحت البيت لقيت حد ربنا يسامحه مخربش على العربية بمسمار و علشان عربيتي لونها اسود فالخربشة باينه قوي. حد ممكن يقولي ممكن أصلحها أزاي لأني زعلانه عليها قوي خصوصا انها جديدة مكملتش شهرين معايا

**moudyman** · 02-03-2009 12:07 PM

أنا أسف اني أقولك إن مش حينفع تتصلح غير انها تتراش الحتة علي إتخربشت أنا عندي زيها فالباب الشمال و سألت فالتوكيل اللي لزم تترش الحتى دي بس و فالتوكيل لو حترشي حتى أصغر حاجة عندهم ب-٣٠٠ جنيه بس أحب أقولك إن تاني يوم أنا استلمت فيها العربية قبل معلق نمر نزلت و هي لسة بالستكرس علها نزلت لات واحد إبن حرام كحتلي الباب بمسمار و حطت المسمار فالكاوتش علي ورا فمعلش متديإش و أهي أخدت العين :)

**Samir Elshahawy** · 02-03-2009 02:22 PM

و لا تزعلي نفسك , عندي برضه ياريس سودا و بها نفس المشكلة و في الجهة الشمال و كانت لسه ماكملتش 3000 كم

بس أنا ناوي أجيب قلم دوكو أسود و أمشي بيه علي الخط الابيض بتاع المسمار , بس لما أفضي و أفوق من اللي أنا فيه

**eng.octooo** · 02-03-2009 03:28 PM

بجد حاجة تدايق انا نفسى اشوف واحد من الى بيعملو اكدة هامتووو هاعملة ............... ومش لازم تعرفوا الباقى

**lancerevolution** · 02-03-2009 04:22 PM

ممكن الكومباوند ينفع
و ممكن تمشيها قلم دوكو بلون العربية و براحة كدا تمشى على الخطوط ممكن شكلها يتحسن شوية

**amir** · 02-03-2009 06:05 PM

المشاركة الأصلية كتبت بواسطة lancerevolution

ممكن الكومباوند ينفع
و ممكن تمشيها قلم دوكو بلون العربية و براحة كدا تمشى على الخطوط ممكن شكلها يتحسن شوية

الكلام ده لو الخرابيش ماشلتش طبقه الدهان و وصلت للصاج
لو الصاج بان يبقي مالوش لازمه الكومبوند

العربيه عندي فيها نفس المشكله و روحت لسمكري علشان يعملها بكومبوند و بولش
بس مش بتنفع مادام وصلت للصاج لازم تترش

**M.Mokhtar** · 03-03-2009 02:43 PM

ولا تزعلى نفسك
عاجلا او اجلا هيحصلها كده

و90% من اللى معاهم عربيات حصلتلهم كده
وعلاجها الرش ومش هينفع اى حاجة تانيه

مش عارف اللى بيعمل كده بيبقى بفكر ازاى؟ او وجهه استفادته حتى لو قاصد انه يضايق صاحب العربيه؟
للدرجه دى مفيش احساس بالاخرين؟ او خوف من ربنا؟

هى كده اخدت العين وكويس انها جت على قد كده
ومش تعالجى الموضوع ده دلوقت
سبيها كده فتره عشان العربيه مش تتحسد خصوصا ان لونها اسود واللون ده تحفه على اليارس
مع ان العربيه صغنونه والاسود بيصغر العربيه اكتر بس بيعجبنى اوى عليها

ولو مأمنه على العربية
على ما تكملى كمان 6 - 7 شهور هتلاقى الفنون المصريه كلها عندك
حكه من هنا على خبطه من هنا (يارب مش يحصلك اى حاجة من دى)
هتروحى مره وحده تلمى الحاجات دى كلها فى التأمين وتريحى دماغك

**ahmed_bq** · 03-03-2009 04:41 PM

متزعليش نفسك خالص
دا زي مبيكونو بيدورو على العربيات الزيرو فعلا
بس عايز اقولك حاجه ... كده العربية بتاعتك خدت ختم الجودة بتاع الشوارعية الصيع ... عارفه لو رشيتي الحته دي هتستفزيهم زياده وهيعملوها تاني لكن كده هيا مختومه

انا عربية والدي كرولا ومكنت لسه كملت اسبوع وواحد جزمه مسك الشنطه شرحها ... شخابيط شخابيط في الشنطه خلى العربية شكلها معفن ... واترشت طبعا ومن يومها لازم العربية تتغطى

**AshTurbo** · 03-03-2009 04:43 PM

لقيت حد ربنا يسامحه مخربش على العربية بمسمار

ربنا يسامحه ؟؟ قولي ربنا ياخده ربنا يجحمه هو واللي زيه دول وباء أعوذ بالله منهم أنا عندي خطين من الأكصدام للأكصدام من اليمين ومن الشمال يعني زي ما تقولي اللي عملهم عنده زوق قالك يعني شكل العربية وحش بخط واحد لما أديها خط من الناحية التانية تبقى أشيك .

بس أنا ناوي أجيب قلم دوكو أسود و أمشي بيه علي الخط الابيض بتاع المسمار , بس لما أفضي و أفوق من اللي أنا فيه

و ممكن تمشيها قلم دوكو بلون العربية و براحة كدا تمشى على الخطوط ممكن شكلها يتحسن شوية

زي مالشباب قالوا ودة أشيك حل وأوفر طبعاً وأنشاء الله جربي مش هتخسري حاجة وعندي أنك تعملي كدة بدل ما ترشي العربية وتقللي من قيمتها وفي الآخر يبقى أسمها رشه خوارج .