عصاية الفتيس

**H.ibrahim** · 01-09-2007 10:14 AM

[color=blue]السلام عليكم و رحمة الله وبركاته
امبارح كنت راجع على دائرى المعادى الساعة 3 ليلا و كنت ماشى بسرعة 100-110 كم/ الساعة على الغيار الخامس و حبيت انزل نفق طريق الغردقة فا هديت شوية و جيت انقل لوضع المور لقيت عصاية الفتيس سايبة تماما و مش راضية تنقل اى غيار- الغريب بقى ان العربية بقيت ماشى بيها على الخامس و طبعا لما باهدى كنت بافصل بالدبرياج على الاخر و احاول انى لا اتوقف بالعربية لحد لما وصلت البيت الحمد لله و طبعا النهاردة روحت الشغل بالمواصلات عايز اعرف العطل ده من ايه و المشكلة ديه ممكن تحصل فجاة بدون اى سابق انذار - كمان مش عايز الميكانيكى يعمل شغل على مع العلم ان العربية بيجو104 موديل 78 و ان الفتيس عندى داخل الموتور طبقا لكلام الميكانيكى و الله اعلم - اسف على الاطالة و لكن باحب اتعلم من اخوتى الخبراء بالمنتدى , جزاكم الله خيرا - وكل عام وانتم والامة الاسلامية بخير ( رمضان كريم ) [/color] :x :x

**Nader** · 01-09-2007 10:50 AM

مدام العربية قديمة كدة يبقي ممكن تكون المعلقة اللي بتمسك عصاية الفتيس، ودس حاجة بسيطة ان شاء الله.

**sab3aawy** · 02-09-2007 10:39 PM

ممكن اكتر من سبب

اهونها طبعا ان يكون الإتصال بين العصاية والفتيس اتفك منه حتة، هى المعلقة دى موجودة فى بعض موديلات الفيات، لكن انا معرفش إيه البديل فى عربيتك بس فى شتى الأحوال لازم يكون فيه مجموعة مفصلات بين العصاية والفتيس ممكن يكون واحد فيها اتفك

فيه احتماات تانية دمها ثقيل ان شاء الله ميكونش واحد منها، لأن ممكن يكون البنز اللى بيمسك اللافيه(وصلة النقلات الداخلة الى الفتيس) فى الفورش (حدوة الحصان المسئولة عن تحريك التروس) اتكسر وفى هذة الحالة يجب حل الفتيس بالكامل واصلاح العيب

بس فى 90%من الحالات يكون العيب الأول هو السبب