عرض للطباعة
و انا رايح الكلية الصبح لقيت الاتوستراد واقف فى حتة كدة الى قبل المنطقة بتاعت الجيش فى المعصرة قلت يبقى فى كمين و مرة واحدة لقيت القدامى بيطلع مطب :majd(4): عملة حوالى 5 6 مطبات جديدة قبل المطبات القديمة الى لسة عملنها اساسا مش عارف لية وانا راجع نفس الكلام بس بعد المطبات القديمة انا مش عارف بيعملوها لية لو عشان الناس طيب ميعملوا كبرى مشاة احسن بدل كل شوية مطبات انا حاسس انى كمان كام شهر الاتوستراد هيبقى كل 2 كيلو مطب
فعلا!
النهاردة واقف 45 دقيقة من بعد اليوترن بتاع حلوان لحااااد مدخل المعصرة!!
واحد صاحبي كان مروح امبارح باليل...و قالي ان عربية خبطت حد...قام أهالي المعصرة طلعوا ولعوا نار في وسط الطريق و قفلوه تماما....حتي النهاردة لاقيت أثار الحرق علي الاسفلت
كده الحتة دي يوميا هاتبقي واقفة بالمنظر ده! لانها حارتين فقط !!!
تم تعديل معادي للنزول الي العمل نصف ساعة بدري!!!!
اناا النهاردة وقفت ربع ساعة بسبب المطبات دى ونقلة الكمين من المطبات القديمة للجديدة و قدامى نقل ضرب كلاكس الظابط قالة انتا مستعجل طيب اركن على جنب يعنى تلاكيك تقريبا انا مش عارف دة كدة حرام بجد الوقت ضايع فى الفاضى دة كلة
حاجه تجنناقتباس:
المشاركة الأصلية كتبت بواسطة NaderNabil
وضع خاطيء و سلبي, و هو وجود تجمع سكني علي طريق سريع و عدم وجود كباري للمشاه و سور يمنعهم من العبور الخاطيء
و لما الحادث الذي لا مفر منه يحصل فعلا
يقومو فارضين حصار و سيطره علي الطريق
تقوم الحكومه عامله شويه مطبات و كان الله بالسر عليم
زي بالظبط طريق منشيه ناصر علي الاوتوستراد
كباري مشاه لا تستعمل و تلاقي الناس راميه بلاها عليك
طيب لو في حد بيتمتع بالحكمه و بعد النظر لو الناس مش عاجبها كباري المشاه طب ما يعملو نفق للعربيات في اماكن معروف عنها كثره عبور المشاه
و بكده الناس تعدي علي رجلها في الطريق العادي و العربيات تمشي تحت في النفق
مع ملاحظه ان الاوتوستراد عند منطقه المعادي عاملين هناك سور حديدي محترم اجبر الناس علي استخدام كوبري المشاه
الله يرحم لما الناس كانت بتعدي الشارع ده
دايما تحس انك هتبات في السجن بسببهم
شكرا لصاحب الموضوع
ده الناس عند المنطقه بتاعت الجيش الصبح كانو بيزنقوا على الطريق(علشان يركبوا) اكتر من البراميل بتاعت الجيش ماهى زنقاه لحد ما بقى حارتين بس, مر كنت هخبط واحد متخلف رمى نفسه على الطريق علشان كان بيجرى و يهرج مع واحد صاحبوا و الاثنين عندهم مش اقل من 20 سنه, و لو كنت خبطه كانت الناس الى واقف دى قتلتنى, فعلا منطقه غبيه.
شكرا جداااااا علي التنبيه
شكرا على التحذير
اه والله حاجة صعبة اوى علشان اروح الكلية و ارجع اعدى على 28 مطب رايح جاى على سنة ان شاء الله العفشة هتبقى مفكوكة خاااااااااااااالص
عايشيين فى بلد ...
ارض مكسرة ....
مطبااااااات....
لجان فى كل حته......
حرررررررام