لما بتعمل حدثة خبط عربيت حد او حد خبطلك العربية( بتزل تقول اية)

**HANGMAN** · 02-03-2009 03:40 PM

كلنا طبعا عملنا حوادث بعربيتنا او بعربيت اهلينا وفي ناس عندهم خبرة في موضوع الحوادث وفي الي مبيقبلش بالعوض وفي اللي بيقول من اتلف شيئاء فعلية اصلحة ياريت كل يحكيلنا عن خبرتة في الحوادث واول حاجة بتفكر فيها

يعني انا مثلا مرة وحدة خبطتلي العربية ولسة انزل اشوف العربية لقيت الباب اللي جنبي مطابق فبؤلها بكل احترام مش تاخدي بالك لسة مكملتش الكلمة لقيتها بتؤلي من غير قلة ادب شوف انتا عايز كام
بصتلها كدا ومكلمتش رحوت واخد العربية وماشي

**the_first_knight** · 02-03-2009 04:21 PM

الواقع يا سيدي إنك في مصر ....................
كل حاجة هنا بالصوت العالي وفرض الرأي حتى لو كنت غلطان ( من الاخر احنا مش بنحترم بعض خالص ) .

أنا من وجهة نظري إن المتسبب في حاجة يتحمل نتيجة غلطه ( ده عرف في كل الدنيا ... كل واحد ياخد حقه باحترام ) .

الحادثة البسيطة أمرها هين وممكن الموقف ييمر بسهولة سواء بالتراضي أو بقيام المتسبب بالتصليح .

المشكلة لما تكون الحادثة ناتجة عن السرعة الزائدة للطرفين ( هنا قد يحدث احتكاك مباشر بين الطرفين ومحاولة القاء اللوم على الطرف الاخر .......... وطبعا في سيناريوهات كثيرة ....

المشكلة الكبرى لما تكون هناك حادثة مع دراجة عادية أو بخارية أو حتى شخص بيعدي الشارع
( أنا عن نفسي مريت بتجربة من فترة في محافظتي الريفية حيث كنت أسير في طريق فرعي بين القرى وكنت أسير بسرعة لا تزيد عن 70 وكان الوقت نهارا ... المهم ماشي عادي ( طبعا الطريق اتجاهين ويا دوب يكفي عربيتين وعلى اليمين ترعة وعلى الشمال ترعة صرف للأراضي الزراعية ) المهم وانا ماشي لاحظت أمامي على بعد ما يقرب من 150 متر عدد 4 دراجات رايحة يمين وشمال ... قلت أهدي شوية ... وبعدين رجعوا تاني يمين ... قلت خلاص أزود شوية وأعديهم ... أخدت خلاص الشمال ... وفجأه قبل حولي 20 متر منهم لقيتهم رايحين جايين ... وكنت راكب وقتها عربية لادا ... والفرامل مش هتعمل حاجة ... المهم حاولت أخلع من اليمين ... لقيتهم رايحين جايين ... فحاولت أرجع تاني للشمال واعدي لقيت واحد قدامي خلاص ... ففرملت جامد ولقيت نفسي هخبطه ... فأخدت شمال شوية على التراب ... بس للأسف مع الفرملة والتراب اتحدفت مني العربية في ترعة الصرف الصغيرة ... فنزلت مندفع بالعربية لغاية ما اصطدمت بأرضية الترعة وطبعا أخدت خبطة بسيطة كدة في الدركسيون ... طبعا كل الحوار ده حصل في ثواني معدودة ... أنا أول لما خرجوني من العربية كنت خايف جدا جدا لدرجة الرعب ( طبعا مش عشان العربية خالص ) ... أنا كنت خايف بجد أكون صدمت أي حد وحصل له حاجة ... بس الحمد لله كله تمام ... وطبعا اللادا أصيلة ... غيرت رفرف أيسر وفانوس أيسر وسمكرة على البارد في الباب الأيسر .............

أنا اسف علشان طولت شوية ...
الخلاصة إنك هنا في مصر مش هتعرف تاخد حقك حتى لو انت مش الغلطان ...
ورنا يسترها مع الجميع

**Dr_Mido** · 02-03-2009 04:27 PM

انا عربييتى تخصص تكاتك فى خلال الاسبوع اللى فات خابط بتاع 5 تكاتك لانهم بيبصرو يعدو من مكان ضيق جنبى انا ناحيه باب السواق يتنزق فى الاخر وانا طالع بجيبله الاكصدام بالرفرف بالاشارات

بدون ادنى تلفيات عندى

اول مسمع صوت حكه بقف انزل ابص الاقى عربيتى سليمه بسيبه وامشى عادى جدا اكنى دخلت مطب

اكبر تلفيات عندى كان ان الاكصداام ريح شويه لجوة علشان خبطت توكتوك بيعدى بالعرض وبسرعه رحت خابطه برضه
هعلق عليها احترس مدمرة تكاتك

هو ينزل طبعا يزعق بقله هوششش واسيبه وامشى

**nomercy22** · 02-03-2009 05:36 PM

انا حصل معايا موقف غريب كنت ماشى فخبط عربية تاكسي فنزلت وبكل احترام قبل ماابص على العربيتين قدمت اعتذار بمنتهي الادب فليقته عمال يقل ادبة وبشدة بابص على العربيتين لقيتهم الحمدالله مافيهمش اي حاجة فقاولت للراجل انت تاعب نفسك لية لقيتة بيشتم وبيقولي يالا علي القسم بيخوفني فلما حسيت انة بيستهبل وعربيتة مافيهاش اى حاجة نهائى روحت قالب علي الوش التانى وقولتلوا انا باقي اللى عايز اروح القسم وساعتها قالى الله يسهلك وساعتها ادركت ان الزوق ماينفعش ومع الاخص سائقي التاكسي

**MoToRiZeR** · 02-03-2009 05:49 PM

تفعيلاَ لقوانين و أخلاق البني أدمين مرة ريحت علي واحد كان سايق النترا بدون قصد و طبعاَ نزلت علي طول و قلتله انا متأسف .. و هو الحقيقة كان متعاون جداَ و بمنتهي الحب قاللي "و أصرفها منين دي إن شاء الله ؟ الإكصدام ده تمنمية و عشيين جنيه (عشيين مش عشرين) .. انا عايز إكصدام جديد" .. قلتله يا راجل إتقي ربنا دي شوية خرابيش .. دنا ممكن أعملهملك دلوقت بالبولش .. قاللي لا انا عايز التمنمية و عشيين جنيه يا اما أروح القسم .. قلتله لأ أطلب البوليس و انا مستنيك في العربية .. و قمت قاعد في العربية و قافل الإزاز و مشغل الكاسيت .. و سيبته مع نفسه .. كل ده في وسط صلاح سالم و الناس كانت وصلت في الشتيمة لسابع جد .. بس ما أصل الذوق ينفع مع البني أدمين بس ! هتبقي ذوق مع واحد زي ده إزاي ؟ مينفعش تبقي في قفص قرود و تعمل فيها سنجاب مثلاَ .. كلم كل واحد بلغته .

**sh23** · 02-03-2009 05:53 PM

المشاركة الأصلية كتبت بواسطة HANGMAN

كلنا طبعا عملنا حوادث بعربيتنا او بعربيت اهلينا وفي ناس عندهم خبرة في موضوع الحوادث وفي الي مبيقبلش بالعوض وفي اللي بيقول من اتلف شيئاء فعلية اصلحة ياريت كل يحكيلنا عن خبرتة في الحوادث واول حاجة بتفكر فيها

يعني انا مثلا مرة وحدة خبطتلي العربية ولسة انزل اشوف العربية لقيت الباب اللي جنبي مطابق فبؤلها بكل احترام مش تاخدي بالك لسة مكملتش الكلمة لقيتها بتؤلي من غير قلة ادب شوف انتا عايز كام

بصتلها كدا ومكلمتش رحوت واخد العربية وماشي

******
يمكن هي دي نفس اللي خبطت لي باب العربية الوراني
أنا بقي قولت لها ((( الله يخرب بيتك وبيت اللي إداك الرخصة يا عمياء )))

**khaledazizeg** · 02-03-2009 07:38 PM

المشاركة الأصلية كتبت بواسطة nomercy22

انا حصل معايا موقف غريب كنت ماشى فخبط عربية تاكسي فنزلت وبكل احترام قبل ماابص على العربيتين قدمت اعتذار بمنتهي الادب فليقته عمال يقل ادبة وبشدة بابص على العربيتين لقيتهم الحمدالله مافيهمش اي حاجة فقاولت للراجل انت تاعب نفسك لية لقيتة بيشتم وبيقولي يالا علي القسم بيخوفني فلما حسيت انة بيستهبل وعربيتة مافيهاش اى حاجة نهائى روحت قالب علي الوش التانى وقولتلوا انا باقي اللى عايز اروح القسم وساعتها قالى الله يسهلك وساعتها ادركت ان الزوق ماينفعش ومع الاخص سائقي التاكسي

فعلا فى بلدنا ديه الزوق ما بينفعش خالص
وتلاقى معظم الناس الى غلطانة بتنزل تشتم

**khaledazizeg** · 02-03-2009 07:53 PM

انا بقى هحكيلكوا على اغرب موقف ممكن تسمعوه فى حياتكوا
انا كنت ماشى فى امان الله عند جسر السويس قبل شارع الاربعين امام حديقة بدر الشارع هناك مكسر أوى علشان بيدخلوا الغاز
المهم
لاقيت واحد بيجرى ورايا انا افتكرت واحد عايز يشد معايا والا حاجة انا كان معايا ساعتها عربية اختى وهيا عربية ما بتجريش اصلا فسيبته يعدى واهملته خالص
لاقيته بقى بيزنق عليا وبيحاول يقفل عليا الطريق وللأسف نجح فى انه يقفل الطريق عليا والبيه لاقيته نزل من العربية وخلع الحزام ورافعة عليا انا قلت انا عملت فيه كارثة طبعا انا مانزلتش خالص لأن كان معايا ابن اختى سنة ونص قاعد فى الكنبة الى ورا
لاقيته بيدخل ايده جوا العربية بيحاول يفتح العربية قمت علطول قافل الازاز على ايدة وبعد كدة سيبتة يطلع ايدة وفتحت الازاز الاقى البية يقوم كاسرلى الازاز بأيدة وكل الكسر بقى فى وشى وبعدين وشى كله بقى دم انا قلت بس انا كدة كسرتلة عربيتة وأنا ماعرفش نزلت اشوف اية الى حصل عنده الاقى اغرب شئ ممكن يتوقعة أى انسان وهوا ان فيه حبه مياه على الكابوت بتاع عربيتة من الشارع اتحدفوا على عربيتوا وانا داخل مطب
وللأسف انا ما بعرفش اتصرف فى المواقف دية وطبعا جرى بعديها والحمد لله صورت عربيتة ونمرتها ورحت القسم عملتلة جنحتين
1-تهمة الضرب والشروع فى قتل
2-كسر وتلف سيارة
يعنى بالميت سنة سجن
ومكسل بصراحة اروح القسم تانى اشوف هما عملوا اية فى المحضر لأنهم بلغوا عن العربية
العربية نوعها هيونداى اكسنت لونها فضى نمرتها
51690 ملاكى الشرقية
وأن شاء الله هيطلع عين الى خلفوه لانى رحت بواسطة
وربنا يبعد عننا ولاد الحرام امثاله

**YaSSerwIN** · 02-03-2009 08:12 PM

انا مرة كنت ماشى على اليمين جنب البيت ومدى أنتظار بشوف مكان فاضى اركن فيه وماشى على مهلى جدا ً وفجأة الاقى عربية لانسر دخلت فيا

نزلت وزعقت وبتاع الاقيه يقولى انت كل الى عندك فانوس ب 60 جنية اما انا فانوس ورفرف والكابوت باظو احنا نعمل محضر مع ان هو الى غلطان ولما أتصلت وجيبت الشرطة تعاين الموقف وتعمل محضر لقيته بيقولى خلاص ياباشا انا مش عايز منك عوض

ونعمل محضر صلح وخلاص قولته ماشى بعد لما مشيت الشرطة قالى تعالا بقا ياباشا نشوف سمكرى يشوف هاتتكلف كام

قولته نعم وفى الأخر قاعد يحور انها عربية أيجار وساعدنى مع ان العربية بأسمه
وفى الأخر واحد صحبى اداله 50 جنية ومشى فرحان بيهم مع ان عربيته هاتعدى تكلفة التصليح اكتر من 1000 جنية