انا عندي جولف 2 وعايز اسقطلها موتور حلو الميكانيكي نصحني بـABS 1.8 بس مش عارف اسمع كلامه ولا في حاجة احسن من كدة ياريت يا جماعة لو تفيدوني انا عايز حاجة سحبها حلو:U_thin1[1]:
عرض للطباعة
انا عندي جولف 2 وعايز اسقطلها موتور حلو الميكانيكي نصحني بـABS 1.8 بس مش عارف اسمع كلامه ولا في حاجة احسن من كدة ياريت يا جماعة لو تفيدوني انا عايز حاجة سحبها حلو:U_thin1[1]:
فى واحد فى الاسكندرية اسعار قطع الاستعمال خارج للجولف 2 وعنده حاجته الاصلية بسعر ممتاز رقمه 0120564842
متشكر يا بك بس هاكون شاكر ليك اكتر لو في حد في مصر بس يا ريت لو حد يفيدني اركب موتور ايه في حدود 1600 او 1800 ويكون سحبه حلو
بص يا باشا الشائع تسقيتة فى الجولف الموتور ال 1800 بتاع ال Gti بتاعها
هوة فية منه 8 صباب و فية 16 صباب و طبعا ال 16 صباب اقوى
هو انا سألت كذا ميكانيكي عليه بس نصحوني بالابتعاد عن المواتير التربو لان مشاكلها كتير مثلا بتاكل بنزين كتييييييييير . محدش بيعرف يضبطها. كثيرة الاعطال ولو عطلت بيك في الطريق ما ينفعش تجيب ميكانيكي ماركة علي ما تفرج عشان يشوفهالك مالها او يسعفك بمعني اصح. في ميكانيكي قاللي هات ABS او BB وركب لهم تيربو بس مش عارف ايه الصح وبصراحة انا احترت:U_thin1[1]::U_thin1[1]::U_thin1[1]:
طب ماهتبقى هى هى المشكله ماتور وراكب فى تربو يعنى نفس المشاكل الى أتكلمت عليها وعمتا بسابق خبرتى مع الألمانى حتة أنها تقف بيك فى الطريق دى قليله قوى يعنى أنا فى مره مجموعه غيار كامله أتحرقت فى الفتيس والحمد لله ماشاء الله فضلت ماشيه معايا بالمسايسه
ياباشا انت الفكره فى التربوا والا الماتور كده الاتنين واحد
بالعكس اللى يجى عليه التربو بتاعه احلى اكيد لانه راكب اصلى عليه مش متوفق
المهم انت عندك مواتير كتير وممكن تشوف على يوتيوب السحب والجرى بالارقام وهتبقى شايف بعينك
ولو بتاع جرى هات بقى الماتورvr6 او R28
ال Vr6 ده اشد متور ممكن يركب على جولف
على محسب اسمع عنه هو 6 سلندر مبدئيا قرب ال 3000 سى سى
200 وشويه هورس بور
ملوش قطع غيار فى مصر تقريبا الحوض مش هيبقى فاضل فيه مكان ترمى فيه ابره وتنزل على الارض :)
المعلومات دى مش متجربه ده من اصحابى اللى معاهم جولف
انا سألت واحد دلوقتي علي المواتير دي بس قاللي المواتير دي لا يعلي عليها بس قطع غيارها مفيش انا بحاول برضه اني مع اعديش 1600 او 1800
انا قلت ليك انها قطع غيار مفيش بس محدش هيعدى منك فى مصر
حتى لو ام 5 مش ام 3
ممكن تسئل على القطع اللى بتتغير دورى وتسئل عليها ممكن تظبطها وانت بتشترى المتور اشتريها معاه من بورسعيد او من هنا او حتى من المانيا وخليها عندك لو انت غاوى جداااااا
بس كفايه انك تبقى حاطيت علامه Vr6 على العربيه من ورى كله هيترعب منك
مع انى موقن انك مش هتكفى التالت بتاعه فى مصر كلها :)
انا مركب في عربيتي 1800 بي بي و الماتور قطع غياره منطورة و رخيصة و بشهادة ناس كتير في الحرفيين قالوا انه احسن ماتور فولكس نزلته لانه حمار شغل و اعطاله قليله جدا و تصليحه سهل و بيتظبت مرة في العمر و بالنسبة للجري أنا مابجريش كتير بس عادي جدا بجيب 160 - 180 على الدائري و المحور و مش جايب اخر الماتور خالص و استهلاك البنزين ممتازحوالي 300 كيلو للـ 30 لتر ساعات 280 و ساعات 320 كيلو على حسب سواقتي ساعات بجري و ساعات لأ
شوف من الاخر كد في متور
2000 cc
150 hp
abf
ده موجود في اسكندريه
الموتور ده انجكشن واستهلاكه للبنزين مش كبير زي bb
و طبعا افضل بكتير
الموتور ال BB معروف انه رائع و كمان في موتور 1800 اسمه RV الاتنين كويسين جدا بس خلى بالك الفرق بين 1800 و 1600 مش كبير في قوة المحرك و دي متجربة
نصيحة كمان مهمة جدا : ابعد عن المحركات 2000سي سي اللي فيها fuel distributor لان ضبطها صعب جدا لكن في نفس الوقت بتجري جامد جدا
:S_thum1[1]:اشكركم جدا علي المداخلات الرائعة والمفيدة فعلا وبرضه كنت عايز اخد رأيكوا في موتور abs 1.8 بيشكروا فيه . تقدروا تفيدوني في الموتور ده . مع العلم ان كل اللي جربوا الموتور ده بيقولولي انه انعم بكتير من الـbb. مش عارف انا بقيت محتار يا ريت لو تفيدوني:11:
دة شىء اكيد طبعا اللى جاى الى منة فية احسن كتير.
هو اسمة R32 و دة نزل على الGolf IV و كان 3200cc و 250 حصان و القواعد مختلفة و لازم يغير تقريبا كل حاجة فى العربية و دة فعلا مالوش مسمار فى مصر.
الVR6 نزل من سنة 1991 و كان 2800cc و 12 صباب و 174 حصان و كان فية منة شوية نزلوا 2900cc و كانوا 190 حصان و دول اللى ينفع ينزلوا فى الGolf II من غير شغل كتير, هتعدل حاجة بسيطة فى فردة الشاسية اليمين.
سنة 1999 نزل الجيل التانى و كان 2800cc بردة بس 201 حصان و كان 24 صباب و دة ماينفعش ينزل فى الGolf II اللا بعد تعديل حاجات كتير اوى.
لا لية دلوقتى, فية كذا حد جايبين مواتير و فارتينها عشان قطع الغيار, الشهابى بيجيب حاجتها بردة.
مش اوى بردة الحوض لة فية مكان تركب تربو لو عايز و الناس تشتغل فى الموتور مرتاحين شوية.
أنا برضه كنت بفكر أسقط موتور للجولف 2 عندي
لكن بفكر بطريقة مختلفة خالص
بفكر أركب موتور جولف3 ال 1400 CC ومعاه كل مشتملاته كامل أوتوماتيك
إيه رأيكم ؟؟
لو كدة يبقى خليك مع ال1600 بكل حاجتة عشان نفس ضريبة ال1400 و الفرق بينهم فى الاستهلاك مش كبير بس هتفرق معاك ان ال1400 اخرة 60 حصان فا ضعيف, انما ال1600 فية منة 75 و 100 حصان و دية هتفرق معاك طبعا و انت مشغل التكييف و معاك ناس.
Abs 1.8 موتور حلو مشاكل اقل من اي ماتور تاني ولو انت بتفكر في التربو في الجولف 2 موتور1800 G60 165hp وده فيه سوبر اتشرش بطلع 60 حصان هو بيكون 105 بس ولو عايز موتور نزل في Golf 3
عندك Abf 2000 Cc 150 Hp بيطلع 150 حصان اصلي بدون اي اضافات
بالنسبه لل Bp موتور حامي جدا بس مسكلته الخشانه والترزيع و البديل
قوي جدا 2e 115hp
ممتاز ناعم ليس له مشاكل الا 2000 Cc
انا عندى ady او ممكن نقول عليه الانتاج الحديث لل2e
هو بس انعم منه بشويه واقل استهلاك للبنزين
بص كل الناس قالت ان ال 2e حمار شغل ومش بيعطل وبيظبط نفسه
بس لو هتسقطه لازم تعمل كهربه العربيه عند رشاد مش تعمل عند اى حد تانى لانى انا وواحد صحبى المتورين زى بعض ومعمولين بره رحنا له قالنا الكنترول بتاعه باى باى عشان السلوك ركبه غلط
ولو على التراخيص محدش بيفهم وبيترخص 1400 قله بس ده 1400 والمتور مش مكتوب عليه اى حاجه غير اللى هتقوله
بس طبعا اى متور كبير هتسقطه لازم يكون بعفشه ادام وورى مش تسترخص وتجيب ادام بس
ملحوظه الحرفيين كلها اليومين دول مفيش فيها مواتير خاااااالص
ولا abf ولا 2e ولا حتى bb
كله هتلقيه ناقص حاجه
لان واحد كان بيدور ادامى مش لقى غير متور 2e بعفشه ادام بالكنترول بالوسايط وقاله 8 الاف وده سعر عالى جداااااااااااا
انت لو جبت نص بحاله المفروض مش تدفع اكتر من 6
بس لو عايز تابع ومش تستعجل فى الشراء لحد المواتير متكتر تانى
:shine[1]:محمد بك انا مش عارف اقولك ايه بالظبط علي الافادة الهايلة دي بجد ربنا يزيدك وجازاك الله خيرا علي الافادة الهايلة دي:verygood:
بعد اذنكو يا جماعة E2و Abs موديله كام ومعدل استهلاك البنزين بتاعه وسحبه اخباره ايه يعني بيجري حلو ولا هلاقي عربيات ملاهاش لازمة بتطلع مني
انا معايا 2e
فى من 92 ل 94
وبعد كدة ady هو هو ال 2e
مع اختلاف طريقة وجود حساس كرانك وكمان الرشاشات لكل رشاشات كهربتة ال 2e
الرشاشات كلها على سلك واحد كهرباء ومش هاتفرق كتير الاتنين نفس الكفائة بس ال
ady صوت أنعم شوية
نصيحتى
1-عايز جرى جامد وعايز تكع وتظبط كل شوية هات 2000cc 16V abf وخد بالك الموتور دى مقعدش كتير معايا بيجيب pl لما تثبت بية على السرعات العالية كتير.
2-عايز تدور الصبح وتمشى هات 2e بس ركبلوا كل حاجتة ودى هايتعبك فى الاول ولازم صيانتة اول باول روحة فى الصيانة بتاعتة وحاجتة غالية شوية.
3-عايز بقى موتور حامى ويجرى وأى حمار فى الشارع يصلحة سقط ال 1600 بتاع ال3 كربراتير
او rv
موضوع التربو دى محدش هايعرف يظبطوا كويس الا لو جبتة كلوا من عربية فيها تربوا بالتيمر بتاعة تفكة من عربية كلوا وتركبوا عندك.
ولو عايز تسأل على أى حاجة او عايز مساعدة أنا تحت أمرك .
دى ال abf 2000CC i 16v 157 HP
http://www.postimage.org/aV1Xa_Y9.jpg
دى ال 2E 2000CC i 8V 113 hp
http://www.postimage.org/Pq1WjY2J.jpg
دى ال ABS 1800CC i 8V 90hp
http://www.postimage.org/Pq1WkvYJ.jpg
وفى لسة VR6 و R32 و R36
كل حاجة بتتعمل بالفلوس بس محدش فى مصر هايخليها تديك كفائتها 100%
وفى كمان زى ال ABF موتور اسمة 9A
والأحسن وأسال مجرب الحاجة الى أنت عايزها أتفق مع حد يجبلك نص عربية جولف 3 لو موتور حديث كامل بالمساتر بالطنابير بالعفشة بالفتيس بكل مسمار وفك وركب وهاتدور فى نفس اليوم ودى علشان يبقى كلوا حاجة وحدة مش ضفيرة كنترول بتاعت أوتومتك على ضفيرة موتور مانيول على كنترول بتاع عربية تانية او سنة صنع تانية بتفرق اوى سنة الصنع فى الكنترول والكودات بتاعتة هو هايدور بس مش هايديك الكفائة بتاعتة وأبعد عن الفتى فى المجال دى...
:k47:
تظبط كل شويه ازاى ؟؟اقتباس:
-عايز جرى جامد وعايز تكع وتظبط كل شوية هات 2000cc 16V abf وخد بالك الموتور دى مقعدش كتير معايا بيجيب pl لما تثبت بية على السرعات العالية كتير.
و ما هو pl ؟؟
تظبط كل شوية المكنة يعنى المكنة تحس انها مش 2000 ولا أى حاجة لازم تروح تظبطها ومحدش بيعرف يظبط 16v صح لازم الموتور تلاقية بيرعش على العموم أبعد عن وجع الدماغ وغنيلة :B4_282:
ال PL
دى حاجة جوى الموتور وبتبقى ضعيفة فى المواتير ال 16V
يا جماعة انا مش عارف اشكركوا ازاي علي الافادة الهايلة دي ز بجد جازاكم الله خيرا
يا جماعة معلش هاتقل عليكوا لو بس حد يعرف اسعار المواتير دي عشان ابقي عارف المواضيع ماشية لغاية فين E2 . ABS. E9 or A9. RV. golf 3 1.6 carb.:shyy:
موضوع ممتااااااز