انوار الصنى

**ahmed69** · 02-03-2009 04:22 PM

السلام عليكم ورحمة الله
استفسار من الاخوة اعضاء المنتدى الكرام
انا عايز اغير لمبات اضاءة العربية بتاعتى حاسس انها مش كفاية السؤال هو ايه هى قدرة اللمبات اللى ممكن اجيبها من غير ما احتاج اركب كتاوت او اعمل اى تعديل فى العربية مجرد فك وتركيب انا بشوف ارقام مثلا 200\260 مثلا دة معناه ايه وايه رأى حضراتكم فى الزينون وتكلفته كام
وشكرا مقدما لحضراتكم واسف للاطاله
نيسان صنى سوبر صالون 2009
احمد عبد الله

**aboezz44** · 02-03-2009 11:13 PM

السلام عليكم اخى استاذ احمد
اولا نور العربيه من وجهة نظرى المتواضعة ممتاز ولا يحتاج اى تعديل ولكن ممكن حضرتك تكون محتاج نور اقوى للطريق الى بتمشى فيه
المهم يا اخويا انا على الرغم من اقتناعى بنور السياره الا انى غيرته كله
النور الواطى (الى فى العدستين الكبار)مركبلهم نور ابيض تلجى وهما ضعف القدره بتاعت اللمباط الأصليه يعنى 110w ,24v
ومش مسببين مشكله لأنى سألت مهندس الكهرباء الى فى التوكيل وقالى ان النور الواطى بتاع العربيه مجهز بكتاوت لتحمل لمبات ذات جهد اعلى وفعلا انا لما ركبت اللمبات لقيتهم شغالين زى الفل على الرغم من ان جهدهم اعلى بس المشكله ان اضائتهم ضعيفه بس منظرهم على الطريق تحفه
والنور العالى ركبتله لمبات اسمها Night Breakerبتدى اضاءه زيادة 90% وبنفس الوات بتاع اللمبه الأصليه ومش بتحتاج اى كتاوت ولا اى توصيلات
وكتبت عنها فى المنتدى يمكنك زيارة الرابط التالى
http://nilemotors.net/Nile/showthread.php?t=61985
لتتطلع على الموضوع وانا شايف انها بديل للزينون من حيث قوة الأضاءه بس هيه غير ممنوعه فى المرور
بالنسبة للزينون انا ممكن اقول لحضرتك ان اكتر نوع محترم فى مصر هوه الHID-PLUS
ودا كورى وسعر اللمبتين بالضمان لمدة سنه على اللمبتين والماتور 800جم بالتركيب لو عايز رقم التوكيل ابعتلى على الخاص وانا ابعتهولك ان شاء الله وفيه حاجه صينى بالضمان لمدة سنه برده ب500جم
بس خد بالك من المرور لأن الى بيتمسك بزينون دلوقتى بيتبهدل
وانا تحت امرك فى اى استفسار
واتمنى انى اكون افدتك
وارجوك سامحنى انى طولت عليك

**ahmed69** · 03-03-2009 09:51 AM

استاذ احمد
اشكرك جدا اولا على ذوقك واهتمامك بالرد وثانيا على المعلومات المفيدة جدا اللى حضرتك شرحتها وانا ان شاء الله هاعمل زى حضرتك واركب انوار عادية بس اقوى وابعد عن الزينون انا مابحبش اتعامل مع بتوع الشرطة عموما بس كنت عايز اعرف اجيبهم منين بحيث يكونو مضمونين
وشكرا لحضرتك جدا
احمد عبد الله

**amrehab** · 03-03-2009 10:21 AM

انتا ركبت الحاجات دى فى التوكيل يا ابو عز ولا برة؟؟

**aboezz44** · 03-03-2009 04:38 PM

المشاركة الأصلية كتبت بواسطة amrehab

انتا ركبت الحاجات دى فى التوكيل يا ابو عز ولا برة؟؟

انا ركبتهم بره لأنهم مجرد لمبات بتشيل لمبه وتحط لمبه فا مش محتاجه فن او مستاهله خوف وكمان الفوجات ركبتها بره
واى استفسار بخصوصهم انا تحت امركم
والله المستعان

**aboezz44** · 03-03-2009 04:46 PM

المشاركة الأصلية كتبت بواسطة ahmed69

استاذ احمد
اشكرك جدا اولا على ذوقك واهتمامك بالرد وثانيا على المعلومات المفيدة جدا اللى حضرتك شرحتها وانا ان شاء الله هاعمل زى حضرتك واركب انوار عادية بس اقوى وابعد عن الزينون انا مابحبش اتعامل مع بتوع الشرطة عموما بس كنت عايز اعرف اجيبهم منين بحيث يكونو مضمونين
وشكرا لحضرتك جدا
احمد عبد الله

ابو حميد انتا اخويا ولا شكر على واجب
بخصوص اللمبات تجيبهم منين ؟ انا بعتلك العنوان على الخاص دا المحل الى انا اشتريت منه اللمبات دى وهوه بيديك عليها ضمان سنه وهوه موزع معتمد ليهم

وربنا ييسر ليك الأمر
واى حاجه تانيه انا تحت امرك

**amrehab** · 04-03-2009 02:08 AM

طب ممكن يا ابو عز تقولى الفوجات اتكلفت كام وايه حوار الضفيرة بتاعتهم اتركبت ازاى وعملها زرار لوحدها ولا ايه؟؟؟
وشكرا لزووقك العالى وكلامك المحترم

**aboezz44** · 05-03-2009 01:20 AM

المشاركة الأصلية كتبت بواسطة amrehab

طب ممكن يا ابو عز تقولى الفوجات اتكلفت كام وايه حوار الضفيرة بتاعتهم اتركبت ازاى وعملها زرار لوحدها ولا ايه؟؟؟
وشكرا لزووقك العالى وكلامك المحترم

بارك الله فيك يا حبيبي
بالنسبه لموضوع الفوج لايت فيه موضوع انا كنت كاتبه ممكن تتطلع على الرابط ادناه
http://nilemotors.net/Nile/showthrea...E6%D1%DF%C8%CA
ادخل كده واطلع عليه واى استفسار انتا تحتاجه انا تحت امرك