ارجو المساعده من استاذ طارق و الأخوة فى دهان سيارة

**bassem_sams** · 02-03-2009 05:09 PM

انا الحمد لله معايا لانسر بومه مانيوال مصرىاللون فيرانى ماشى بها 2000 كيلو وشويه موديل 2009 و مبسوط بها لكن للأسف بالليل و انا بركن حكت من الأكصدام الامامى فى سيارة اللى امامى بعد ما ركنت قولت اتأكد انه كله تمام لأقيت شويه طلاء من دهان اكصدام واقع و فى لون اسود بس مش كبيرة لكن مضايقانى و حاسس ان العربيه قدمت ارجو مساعده و ايه افضل حل انا مرضتش اسأل ناس لتفتى فقولت اسأل متخصصين اللى عندهم سيارات متسوبيشى و استاذ طارق جزاه الله كل خير لأن اكيد هيكون عنده الحل صح على اساس تجربه
انا منتظر ردودكم و يارب يكون خير و الحمد لله على كل شىء بس انا نفسى ارجع لون تانى يبقى الأكصدام نفس لون سيارة فيرانى مش حته فيرانى و حته سودة
و جزاكم الله كل خير

**مصراوي جدا** · 03-03-2009 12:07 AM

اولا يا استاذ باسم مبروك العربية .. ربنا يديك خيرها ويكفيك شرها واهو الموضوع البسيط اللي حصل ده اخد العين فبسيطة باذن الله

لو الجزء المخدوش من دهان الاكصدام صغير يبقى ممكن بقطنة بلون العربية يتعمل الجزء ده ومش هيبان باذن الله .. ممكن تمر علينا في مركز الخدمة الرئيسي في قليوب في اي وقت وتتعمل علطول

**bassem_sams** · 04-03-2009 01:55 PM

ودى صورة للخدش اللى حصل فى طلاء سيارة

اتمنى ان تكون واضحه

**مصراوي جدا** · 05-03-2009 10:02 AM

دي الحمد لله خدوش بسيطة
ممكن تروح فرع جسر السويس هما شغالين لغاية الساعة 7 مساءا ايام السبت والاحد والثلاثاء والأربعاء
وتتعمل ببساطة هناك وانت واقف

**mahmoudzaied** · 07-03-2009 03:03 PM

يا عم دى بسيطة
وبعدين سيبها مش باينة اصلا
هيا باينة بس بالنسبالك عشان انت عارف مكانها وبتبصلها كتير ومضايقاك
انا رأيي سيبها كدة وخلاص

**bassem_sams** · 18-08-2009 04:07 PM

السلام عليكم
كيف حالك يا بمشهندس طارق و كل عام و انتم بخير و رمضان كريم
بخصوص خدوش زادت شويه فى خدوش عندى فى اكصدام امامى و خلفى بفكر اخذ اجازة بكرة و اروح اعملهم فى فرع اللى فى جسر سويس عند سوق قنال تقريبا ده اللى عملت فيه صيانه الألف لكن مش عارف لو روحت هيوافقوا على انه يعملوهم و لا ممكن يحرجنى و مفروض لما اروح اكلم مين و لو عملوها ممكن اعرف رنج هيترواح بكام بحيث اعمل حسابى هو فى خدوش فى اكصدام امامى الى موجوده فى صورة الأمام و كام خدش وراء فى اكصدام خلفى و خدش واحد فى مرايا جانبيه و باب هى كلها حاجات بسيطه بس انا مش عايزها تكتر بصراحه و اسف على اطاله و الأزعاج

**مصراوي جدا** · 18-08-2009 04:25 PM

اهلا يا استاذ باسم كل سنة وانت طيب

مفيش احراج ولا حاجه انا كلمت دلوقتي الاستاذ ياسر عطوة في الاستقبال في جسر السويس ، وهو هيكون منتظرك في اي وقت وهيخلي حد من الدهان يعمل الخدوش بقطنة بلون العربية (بس لازم العربية تكون مغسولة) وباذن الله تتعمل علطول وانت واقف وبدون تكلفة كمان الموضوع بسيط