أنا كنت مسافر فى مدينة فى إنجلترا من سنتين و لاحظت إن كل العربيات والتاكسيات موديلات حديثة بالكتير 4 سنين من تاريخ إنتاج الموديل و لما سألت سواق التاكسى قاللى إن الضريبة بتزيد على العربية كل سنة بمعنى إن الضريبة فى السنة الأولى أقل من ضريبة السنة التانية والتالتة أكتر و هكذا لحد لما توصل بعد خمس سنين لنسبة كبيرة اللى معاها يبقى شرا عربية جديدة أوفر وأرخص مع دفع الضريبة ومصاريف الصيانة, وبالطريقة دى ما تلاقيش عربيات خردة زى الى ماشية فى شوارع المحروسة , طبعا ده سهل فى أوروبا لأن مستوى الدخل و التأمينات و خلافه عندهم بيساعد على كده, أما فى مصر ماأعتقدتش إن ده ينفع مع شعب 4/3 تحت مستوى خط الفقر,وللا إيه رأيكم؟