الموضوع: ماحدش بقى يخاف من حد (لعشاق كرة قدم)

الدوري ولع يا رجالة بعد ماكان قرب يوصل لصراع على الهبوط فقط. الأهلي بمستواه المتواضع مقابل ارتفاع مستوي المنافسين اعاد (تقريبا) الصراع على القمة من جديد بعد تعادلين (بتروجيت وبترول اسيوط) وهزيمة (الاسماعيلي) ولسه مالعبش مع انبي والحرس
وحرس الحدود بعيد عن المنافسة لكنه مستخبي في الذرة للحصول على مركز في المربع الذهبي للعب في اي من البطولات الدولية الافريقية أو العربية. علشان كده الحرس هو الاخطر على كل فرق المربع الذهبي حاليا.
الظريف إن المراكز من السادس إلى الأخير مهدده بالهبوط، وعلشان كده محدش بقى بيخاف من حد. الأهلي بقى زي الأوليمبي بالنسبة لبترول اسيوط. والزمالك اصبح مطمع (يا عيني هايلعب مع انبي غدا). والدنيا بقت بظرميت بس انا مبسوط . وإللي شاف فيكم مبارة الاتحاد (سيد البلد) وانبي اكيد حاسس بما اقول...ولا انتم ايه رأيكم؟؟

جامد جدا موضوع ساندويتش من عند مؤمن ده

بس بجد الناس في السويس متصورة إن بتروجيت بيلعب باسمها..وانت عارف بقى مدن القناة وما ادراك من جماهير مدن القناة

انا معاك إن جمهور انبي ممكن يكون اعضاء النادي (بتروسبورت) او العاملين في شركات البترول..بس بعد كام سنة؟؟؟مش البطولات برضه ممكن تعمل جماهيرية؟؟؟؟ البعض يرى مستقبل الكورة في مصر في صالح اندية المؤسسات...للأسف