نبذه مختصره عن حساس الكامه
أنا حاولت الصراحه أجمع معلومات أكتر عن حساس الكامه وللأسف لم أصل الا الى الآتى................حساس الكامه يعتبر من الحساسات المولده للفولت حيث يقوم بأرسال نبضات توافقيه فى صورة فولت كهربى لوحدة التحكم بصوره معينه ......
**وحدة التحكم بتستخدم أشارة حساس الكامه لتنبيه الرشاشات على حسب ترتيب الحريق ومن هنا بيتم تحديد الوقت المناسب والملائم لبدء ضخ البنزين.....
**أيضا وحدة التحكم بتستخدم أشارة حساس الكامه لتحديد وضع البساتم أثناء شوط القدره (والبستم قبل النقطه الميته العليا مباشرة لبدء عملية أنفجار خليط البنزين والهواء بالأستعانه بشرارة البوجيه ).......
**الأشاره بتاعة حساس الكامه دى بتساعد الى حد كبير وحدة التحكم فى حساب وتحديد حالة ووضع وميعاد الحريق المناسب وهنا بقه بيتم وضع الخطه لحاجه أسمها الRUNNING MODE ....أى الحاله بتاعة وضع الحريق.....
**أذا أكتشفت وحدة التحكم ورود أشاره خطأ لها من حساس الكامه (طبعا بالأستعانه بأشارات الحساسات الأخرى )...وذلك أثناء دوران المحرك ....فأنه يتم تسجيل كود عطل معين داخل ذاكرة وحدة التحكم ويخزن داخلها (بالبلدى كده فى المستودع أو الأرشيف بتاع وحدة التحكم ).....failure records ....ياعنى تسجيلات أخطاء فشل عملية التحكم فى القيام بواجباتها.....وعلى طول بيتم أخراجها وبسهوله بواسطة جهاز كشف الأعطال المقنن (الأسكانر )
** لو حدث فقد لسبب ما للأشاره اللى رايحه من حساس الكامه لوحدة التحكم (مثلا من عدم جودة توصيل نصفى فيشة الحساس أو خطأ أتصال أرضى أو تلف الحساس نفسه ).......فأن عملية ضخ البنزين بالرشاشات بيتم تحويلها مباشرة الى آخر مرحلة ضخ كانت مستخدمه قبل فقد أشارة حساس الكامه اللى رايحه لوحدة التحكم....أى الrunning mode السابقه مباشرة قبل فقد الأشاره بتاعة الحساس......بدون أى توقف للمحرك نفسه ........
**أيضا فأنه فى حالة فقد أشارة حساس الكامه وتبطيل المحرك .....فأنه بيمكن أدارة المحرك عاديا بالطريقه المعتاده ولكن وحدة التحكم بتخللى حالة التشغيل (الحريق ) بنفس وضع الحاله السابقه لتبطيل المحرك مباشرة.....الى أن يتم أعادة أشارة الحساس والرجوع الى حالة التحكم الطبيعى.........هذا ماوفقت لجمعه عن حساس الكامه......وفعلا كان يساورنى الشيطان فى التنحى عن كتابة هذا الموضوع ......بسبب عدم أكتمال المعلومات.....ولكن كانت لى الغلبه على العدو اللدود للأنسان ألا وهو الشيطان .....وقولت لازم أأقول اللى عارفه لأخوتى..........أشكركم