عرض للطباعة
ياجماعه انا جبتلكو كل الاخبار اللى عند الوكيل
اللانسر الجديده وصلت عند الوكيل فى 3 أ شارع رمسيس (موتور تريند)
الاسعار تبدأ من 124 الف للمانيولا وتنتهى عند 147 الف للاوتوماتيك جميع الكماليات السبورت
وده كلام مدير المعرض نفسه وان العربيه هاتكون متاحه للعرض فى العنوان المذكور الساعه السادسه مساءا
وبماصفات اعلى من الخليجى ويكفى انها بضمان الوكيل مصريه
يبقى تشترى خليجى ب 152 الف ولا مصرى بضمان الوكيل ب 147 الف ؟
بصراحة أكتر حاجة كانت بتخلى الواحد يفكر فى اللانسر هى انها عربية يابانى بسعر الكورى ، لكن بالأسعار دى أعتقد صعب انى أفكر فيها ، ولو معايا ال 150 ألف أعتقد مش هافكر فى اللانسر ، ساعتها ممكن أجيب الهوندا سيفيك أو أجيب أوبل أو حتى أفنسيس. بكدة تبقى العربية خرجت من الشريحة اللى من 80 ل 110 ودخلت فى شريحة الكبار اللى المنافسة معاهم هاتكون صعبة جدا على اللانسر ، وأعتقد بكدة هاتكون نهاية لإنتشار اللانسر الرهيب فى شوارعتا :idea:
أنا شفت واحدة خليجي في معرض و سعرها 145 جنية بس و لونا فضي
و بصراحة العربية أفخم كتييييييييييييييييييييييي يييير من الشكل القديم لا تقارن بيها أصلا
ياجماعه كلكو عمالين تقولو سيفيك سيفيك انتو مش داريين بالدنيا ولا ايه؟
الوكيل (الفطيم) قفل باب الحجز والموزعين بيبيعوها ب 158 الف جنيه اووفر برايس
يعنى اللانسر هاتكون ارخص منها ب 11 الف جنيه وكمان كماليات اللانسر الجديده اعلى من كماليات السيفيك الموجوده فى مصر
فعلا العربيه الجديده افخم كتير جدا ومن جوه اوسعاقتباس:
أنا شفت واحدة خليجي في معرض و سعرها 145 جنية بس و لونا فضي
و بصراحة العربية أفخم كتييييييييييييييييييييييي يييير من الشكل القديم لا تقارن بيها أصلا
كفايه الزينون الاصلى وان الفوانيس الاماميه بتتحرك يمين وشمال مع الدركسيون وكمان ممكن تتحكم فى ارتفاعها
وكمان صندوق الطابلوه مبرد يعنى فيه تلاجه
العربيه من جوه ياجماعه فخمه مووت الطابلوه باللونين الاسود و البيج وبينهم ابانوس بنى غامق وده للابواب برضه
من الخر خطيييييييييييييييييييييره
من وجهة نظري ان كل شريحة لها مايناسبها من حيث مواصفات السيارة و سعرها .... وبالتالي زبون اللانسر سابقا مش راح يكون هو زبون اللانسر مستقبلا ... لان العربية دخلت في فئة مختلفة تماما ... وهي ونصيبها ... ياتقدر على المنافسة ... ياتخرج بره اللعبة :roll:
بالعكس اللانسر انتشارها هايكتر لانها كده هاتكون متواجده فى جميع الفئات
وماتنسوش كده بقى فيه 1300 سي سي و 1500 سي سي و 1600 سي سي
والاسعار تتراوح بين 87 الف ( 1300 مانيوال ) و 147 الف ( 1500 الشكل الجديد اوتوماتيك سبورت)
يعنى كده هاتخدم شريحه كبيره جدا
انا عن نفسى واحد من الناس كنت بحب اللانسر بس بكره الشكل القديم وكنت احب انها تكون بشكل احسن وامكانيات اكبر حتى لو زادت 20 الف جنيه ودة اللى حصل
ماهي المشكلة ان ال 1300 (اللي هيا الشكل القديم) مأعتقدش ان راح يكون عليها طلب زي الأول ... انت عارفنا كمصريين غاويين المظاهر... يعني اللي هايروح يشتري عربية زيرو شكل قديم وييجي يفرجها لواحد صاحبه او واحد قريبه هيحسسه انها موضه قديمة وازاي يضييع فلوسه في شكل قديم ويقعد ياخد في تأنييب بتمنها واكتر ... وفي نفس الوقت انا مقلتش ان الشكل الجديد مش هايتباع ... لأ ... لكن هايتباع لزبون من فئة اخري غير زبون اللانسر الحالي (لأن السعر اعلى بكتيير ... زي ما انتو متوقعين) ... وبالتالي الأنتشار السابق للسيارة لفئة عريضه من الشعب و الناتج من المنافسة السعرية راح يقل لانه طلع لفئة اعلى ... والله اعلم
رأي الشخصي إن السعر على الإمكانيات بتاعة السيارة دة يعتبر مش غالي مقارنة بالأسعار المصرية ( في رأي طبعا إن السوق المصري اسعارة مبالغ فيها جداااااااااااااااااا)
لكن بصراحة كدة يبقى فعلا السيارة خرجت من فئتها القديمة و اللي حقيقي السيارة كسبت كتييييييييير من وجودها في الفئة دة وسط سيارات كتير أخري مش ياباني
لكن كرأي شخصي لو انا : يبقى مش هدفع المبلغ دة في متسوبيشي خصوصا إن شايف إن برضة شكلها من برة و الفخامة الداخلية ليها لسة معدتش الإلنترا 2007 الأتوماتيك مع إن إمكانيتها طبعا أكتر
فلو هدفع المبلغ دة في عربية يبقة هشتري سيفيك أو أعلى شوية و أجيب جيتا مثلا !!!
بالعكس انت لو شفت اللانسر الجديده على الحقيقه زى مانا شفتها هاتقول انها افخم واشيك من اللالنترا مليون مره
وعلى فكره انا لما شفتها كان واقف جمبها النترا كامله من كله Fully Loaded اللى هى اغلى حاجه فى الالنترا (122 الف)
يا جماعة الخير إنتوا بتتكلموا فى آلافات زى ما يكون بتتكلموا فى ملاليم او كل واحد عنده مطبعة فلوس فى بيته :twisted:
طبعا كده اللانسر خرجت بره المنافسة فى الفئة دى و ده نتيجة إستهبال الوكيل طبعا :evil:
لأن بره مصر ما فيش الإستعباط الغبى ده :evil:
أما المصيبة بقى فى الشعب الطيب بتاعنا اللى التجار بتاكل على حسه الشهد :twisted:
طبعا المساكين بتوعنا كل اللى نفسه يجبها هايقعد يعصر على نفسه و يدبق من هنا و من هنا علشان يجمع تمنها و يجبها علشان يبقى برستيج :!:
و التجار تغلى باستعباط و إحنا نشترى بعبط :evil:
و بعدين نرجع نقول كل حاجة بتغلى و ليه و إزاى و إشمعنا مع إننا اللى عاملين فى نفسنا كده :cry:
و بصراحة بقى اللى ما يستغلش الشعب ده يبقى أهبل و عبيط كمان و خلى الشعب يعيش :twisted:
:lol: 8) :lol:
+1اقتباس:
ا جماعة الخير إنتوا بتتكلموا فى آلافات زى ما يكون بتتكلموا فى ملاليم او كل واحد عنده مطبعة فلوس فى بيته
طبعا كده اللانسر خرجت بره المنافسة فى الفئة دى و ده نتيجة إستهبال الوكيل طبعا
لأن بره مصر ما فيش الإستعباط الغبى ده
أما المصيبة بقى فى الشعب الطيب بتاعنا اللى التجار بتاكل على حسه الشهد
طبعا المساكين بتوعنا كل اللى نفسه يجبها هايقعد يعصر على نفسه و يدبق من هنا و من هنا علشان يجمع تمنها و يجبها علشان يبقى برستيج
و التجار تغلى باستعباط و إحنا نشترى بعبط
و بعدين نرجع نقول كل حاجة بتغلى و ليه و إزاى و إشمعنا مع إننا اللى عاملين فى نفسنا كده
و بصراحة بقى اللى ما يستغلش الشعب ده يبقى أهبل و عبيط كمان و خلى الشعب يعيش
انا رأيي
اننا نقاطع التجار
مثلا حد من المنتدى لو يعرف تاجر و معاه رخصه نستورد عربيات من بره و بأسعارها الحقيقيه
إذا كان في المانيا حصل كده بجد في سنه
و على اساسه توكيل سكودا و سيات بقت اسعار عربيتهم في الارض الناس بطلوا يشتروا منهم
ايه يا جماعة الاسعار الغريبة ديه انا كنت فى معرض القوات المسلحة فى الرمل و كان كاتب ورقة على الباب فيها اعلان عن اللانسر الجديده لضباط الجيش و كان سعرها التداءا من 102 الف حتى 124 الف و كان بيحجز ب 50 الف فى الاول
مش عارف يا جماعة بس الاسكندرانية هيعرفوا الكلام اللى انا بقوله ده
اعتقد ان الاسعار دية اسعار الشكل القديم 2008اقتباس:
المشاركة الأصلية كتبت بواسطة hoko_mosha
لا هو قصده الجديده علشان كان كاتب الموتور 1500 سى سى
هل في تفاصيل اضافية عن مواصفات موديلات الجيش؟اقتباس:
المشاركة الأصلية كتبت بواسطة hoko_mosha
وشكرا.
اقتباس:
بالعكس انت لو شفت اللانسر الجديده على الحقيقه زى مانا شفتها هاتقول انها افخم واشيك من اللالنترا مليون مره
وعلى فكره انا لما شفتها كان واقف جمبها النترا كامله من كله Fully Loaded اللى هى اغلى حاجه فى الالنترا (122 الف)
انا فعلا سفت العربيتين و قفين جامب بعض
يمكن من برة المتسوبيشي تكون شكلها جامد
لكن الصالون من جوة و التابلوة بصراحة الإنترا تكسب مستريح
يا جماعة انتو مش واخدين بالكو ان لانسر فى خلال ال10 سنين السابقة (و دول السنين اللى تم فيهم بناء سمعة السيارة فى مصر) و العربية عربية شعبية
بل انها صارت السيارة الشعبية رقم 1
ده مش وصف وحش (عند معظم الناس)
و عشان كلامى يبقى واضح أقول ان كلمة شعبية يعنى اللى الشعب العادى بيشتريها ويركبها
الشعب اللى كان بيشترى عربية مستعملة و ربنا رزقة و يحوش حبه و قال اجيب جديد و خلينى فى المضمون
دول كانوا 90% على الاقل من زباين لانسر
اعتقد ان زبون ال120 ألف و انت طالع مش زبون شعبى
و بالسعر ده اكيد البرستيج هايفرق جامد
واحد ها يقول بس الجديدة شيك جدا وبرستيج ممتاز
بس الاسم لانسر بقى مقترن بفئة معينة و أظن ان كلمة أوكتافيا أو سيفيك أو مازدا3 كانت تعنى برستيج و تميز مهمين لمن سيدفع مثل هذا المبلغ
ده طبعا بغض النظر عن كون اى من هذه السيارات أفضل
اؤيد في وجهه نظرك يااقتباس:
بس الاسم لانسر بقى مقترن بفئة معينة و أظن ان كلمة أوكتافيا أو سيفيك أو مازدا3 كانت تعنى برستيج و تميز مهمين لمن سيدفع مثل هذا المبلغ
ده طبعا بغض النظر عن كون اى من هذه السيارات أفضل
sabbagh
أنا أعتقد إنها لن تخرج خارج المنافسة و سيكون لها إنتشار و لكن كما قال بعض الإخوه الزبون حيتغير و مع إحتمال نزول الجمارك مع العام الجديد سوف يرحع الثمن ل 120أو 125 ألف إصبروا قليلا و أما بالنسبة للفرق مع الألنترا فأعتقد إن الألنترا تفوقت علي اللانسر 2007 و لكن مع موديل 2008 هذا أمر آخر و بالنسبة لوسع اللانسر 2008 فحسب الكاتالوج فأن الشنطة أصغر كما إن الكنبة الخلفية صغيرة ل 3 ركاب و هي نفس مشكلة المازدا 3 فلا داعي للحماس و تأكدوا بطريقة عملية فالعربية الآن شبابية أكثر منها عائلية