معلش ياجماعة بس ممكن اعرف اعراض الفيروس اوتو رن ايه؟
عرض للطباعة
معلش ياجماعة بس ممكن اعرف اعراض الفيروس اوتو رن ايه؟
ملهوش اعراض يا باشا هو بييجي زي القضا المستعجل
من تاثيراته انه بيعمل ملف ini علي كل الدريفات الي عندك
فبيكون صعب انه تفتح البارتيشن بمجرد ضغط كلكتين عليه
لازم كليك يمين واوبن او اكسبلور او من القوايم المنسدله في شريط العنوان
تاني حاجه بيكون معاه دايما فيرس تاني بيخفي قايمه الهيدين من الفولدر اوبشن
لانه ممكن يتشال بسهوله لو حضرتك عملت شو للسيستم فايل
فبكده هو بيعطل قايمه الهيدين وبيعطل فتح البارتشن
واحيانا بيعمل حمل زياده علي الرامات وبيخلي الجهاز يرستر لوحده
شكرا لك ربنا يباركلك .
ممكن اضافة بسيطه ؟
الاوتورن واعوانه ومنهم الامفو والروز بيشيلهم برنامج اسمه combofix.exe وتنزله بالبحث من النت لأنه بيتحدث اولا بأول .
ثم تضع الانتى فيرس الذى يمنع دخول الاوتورن تماما على جهازك www.avast.com المجانى بنسخته المنزليه
شكررررررررررررا جزيلا
بس للأسف متأخر
انا حليته بالطريق الاصعب.
شكرا ياباشا
فى طريقه تانيه جربتها علشان تلغى ال autorun من على الويندوز وبكده تمنع اى فيروس انه يشتغل اول ماتوصل USB او سى دى او على بارتشن عندك
تدخل على Run من Start menu
وتكتب gpedit.msc هتفتح لك ال Group policy
تختار من الشمال Computer configuration
Administrative templates
من اليمين هتلاقى فولدر باسم System
هتدوس عليه هتلاقى كذا حاجه طلعت اختار منها Turn off autoplay
هتدوس عليها هتلاقى setting tab تحتها اختيارات
اختار Enable ومن تحتها All drive ودى ببساطه ان بتفعل خاصيه وقف
التشغيل التلقائى وبتختار كل الدرايفز بما فيها لما توصل USB او تشغل CD
باشا بعيد عن كل الحوارت دي
انت ليه ماخدتش ايمج بنورتون جوست من نسخة الويندوز وهيا نضيفة بكل التعريفات
وكل ما تعمل ابديت للتعريفات كل نسخة كل شهرين تلاتة
انا شغال بيه بقالي 8 سنين ونادرا لما بنزل ويندوز لما لما بغير النسخة نفسها
كيمو باشا
المشكله ان ده الجهاز الجديد علشان القديم اتحرق وكسلت اخد من عليه نسخه الجوست
والنسخ اللي عندي مسحوبه علي الكونفيجريشن القديم
بس انا حبيت اشوف حل نهائي للموضوع
لاني كنت حليت قبل كده موضوع الاوتو رن من غير ما افرمت الهارد كله زمان
فقولت اشوف حل للهيدين بالمره
ماهو ممكن كمان الديب فريز
بس انا طول ما انا قاعد عمال انسخ تكستات ولينكات وبنسي اخزنها في حته تانيه ودايما الجوست او الفورمات بيكون بخساير
لاء الفريز بخساير وده ماينفعش غير السايبرات
لكن الجوست قوي ومرة كل شهر فل
المثل بيقول
العرق في السلم يوفر الدم في المعركة
وانا عارفك مناضل قديم من ايام شارع الاهرام وروكسي