السلام عليكم ورحمه الله وبركاته
ان شاء الله نويت اشتري فيرنا 2009
لكن محتار اشتري من انهى معرض كل واحد له سعر
فى توكيل غبور فى اسيوط < اقرب توكيل بالنسبه لي
السعر 68000 جنيه .. الكامله
والنص كماليات بـ 64500 جنيه
ياريت تتفضلوا وتقولوا ما هى الاسعار فى باقى المعارض وعناوينهم
وايضا ما هى النصائح اللى تقدموها لى علشان العربيه تبقا نضيفه وتعيش معايا لانى ان شاء الله مش ناوي اغيرها قبل 5 سنين :C_laugh[1]:
وبالنسبه للصيانه امتا اروح التوكيل ؟
ولو فى استفسارات تانيه هقولكم عليها
افتكرت كام حاجه دلوقتى
بالنسبه للحاجات اللى بتتغير دي تتغير كل قد ايه وايه هى بالظبط (سير الكتينه , البوجيهات ..الخ)
والبنزين ايه الافضل 90 ولا 92 ؟؟ وهل ممكن انى ابدل حسب اللى الاقيه فى البنزينه ولا ده فى ضرر ولا امشى على حاجه واحده فيهم ؟
وايضا بالنسبه للزيت .. ايه افضل نوع واغير زيت كل كام بالظبط
وبالنسبه للمنطقه اللى عندنا للاسف الشوارع كلها مكسرة ومفيش 10 متر على بعض مسفلتين ربنا يخلى بتوع الصرف الصحي .. ايه اللى اعمله بالظبط انا وماشى فى المنطقه دي مع العلم انه اغلب مشاويري فيها حوالى بتاع 10 كيلو كلها مكسرة
يعنى انا ورايح البيت وانا وطالع من البيت لازم امشيهم الـ 10 دول
عارف انى زودتها اسئله بس اعذروني :(
نصيحة اشتريها فول اوبشن عشان بعد كام شهر حتتعب من الفاضية ومش حتعرف تركبهم.
اللهم بلغت
اللهم فشهد.
عشان بكرة حترجع تقول يا رتنى جبتها فول من الاول.
مبررررررررررروك مقدمااقتباس:
المشاركة الأصلية كتبت بواسطة bassam202
اسعار المعارض للاسف مش متابع
الكاتينة بتتغير كل 60 الف
البوجيهات كل 20 او 30 حسب مزاح مركز الصيانة.
والباقى طالما بتعمل الصيانة فى مركز معتمد هما عارفين بيعملوا ايه.
بالنسبة للبنزين انا دائما بحط 92 بس اظن فى ناس فى المنتدى بتحط 90 ومبحصلهاش حاجة بس يفضل طبعا 92.
الزيت غبور بيفضل شل 5 ألاف او 10 زى ما حضرتك تحب.
بالنسبة للتكسير حضرتك ان شاء الله حتركب عربية فيها انعم عشفة فى هيونداى كلها وحمالة أسية.
لو فى اى اسئلة اتفضل اسأل مفيش مشكلة.
اصل دى عربية مش غسالة :C_laugh[1]:
متقلقش يامان انا ناوي على الفول اوبشن بس اللى محيرنى الاسعار عاوز اجيبها بأقل سعر .. كاشاقتباس:
المشاركة الأصلية كتبت بواسطة EslaM_NagY
تسلم يا ريس بالنسبه للزيت اغيره كل امتىاقتباس:
المشاركة الأصلية كتبت بواسطة EslaM_NagY
اقتباس:
المشاركة الأصلية كتبت بواسطة bassam202
انا شخصيا بغيره كل 5000 كيلو وبيكون شل الاصفر.
بص انا لسه شاريها من 3 اسابيع والحمدلله العربيه تماام ولسه كنت في المركز بتاع الخدمه انهاردا في الاسكندريه والحمدلله
اوعى تشتري فاضية ...
فول اوبشن و انت مغمض .. لأن بصراحة الــno option مسروقة!!
يا راجل دي مفيهاش ساعة !
لو هاتجيبها كاش هاتها من الوكيل وتستلمها خلال اسبوع إن شاء الله وياريت تحدد اللون اللى انت عايزه قبل ما تروح
شكرا يا رجاله
ان شاء الله هشتريها من توكيل غبور اللى فى اسيوط
وفول اوبشن والناس هناك والله اخر ذوق
وفى موظف هناك معايا رقم موبايله الشخصى وبكلمه على طول وقالى قبل ما تجيلى بيومين اتصل بيا وقولى اللون اللى عاوزه علشان لو مكانش موجود اجيبهولك وان شاء الله هحطلكم صور ليها :d