ياجماعه فى حد يعرف محل فى الحرفيين بيبيع حاجات اللانوس استعمال الخارج ياريت لو حد يعرف يساعدنى ولو فى رقم تليفون اكون مشكور جدا لانى عايز ساعه وعقل الاريال وقالولى حتلاقيهم فى الحرفيين
عرض للطباعة
ياجماعه فى حد يعرف محل فى الحرفيين بيبيع حاجات اللانوس استعمال الخارج ياريت لو حد يعرف يساعدنى ولو فى رقم تليفون اكون مشكور جدا لانى عايز ساعه وعقل الاريال وقالولى حتلاقيهم فى الحرفيين
بص انا عارف المحلات بس مش عارف العنوان لكن اعرف اوصفهم انت هاتدخل الحرفيين من ناحيه جسر السويس وتاخد اول يمين اللى هو موازى لجسر السويس وتمشى لحد ما تلاقى يافطه على اليمين مكتوب عليها الحرفيين تدخل يمين وتمشى لحد ماتلاقى الشارع انتهى عند ميدان هاتلاقى يمين وشمال ادخل الشمال لغايه اخر الشارع هاتلاقى قدامك حوالى 5 محلات كلها للدايو بس ولو عايزنى اكون معاك على التليفون لغايه ماتوصل انا تحت امرك ورقمى 0125940480
ياباشا انا متشكر جداجدا على سرعة الرد وعلى زوقك وعلى الوصف الجميل ده بس حضرتك متعرفش تمن الساعه وعقل الاريال ممكن يكونو فى حدود كام
لما تدخل الحرفيين اسال على محل الطيار... على نفس صف المحل ده فيه محل اسمة الروضة و صاحبة اسمة يوسف و بيبيع حاجات استيراد دايو و هيونداى
0126259725
MMamdouh
استاذ ممدوح انا بشكرك جدا جدا بس انا كنت محتاجك فى حاجه تانيه انا ساكن فى مصر الجديده وكنت عايز اعرف منك فين اقرب مكان ليا عنده اسكانر علشان عايز اعمل اسكان على العربيه علشان طرمبة البنزين عندى فيها مشكله ولو هى بايظه ممكن اغير الموتور بتاعها بس بموتور بوش المانى لان فى واحد زميل فى المنتدى عمل كده وشكر فى الموضوع ده ولا احسن اغيرها بواحده كورى كلها حستنى ردك ياكبيرنا وجزاك الله خيرا
اقرب ورشة لحضرتك فى عين شمس اسم الميكانيكى احمد بولة
مكانه: وانت جاى من جسر السويس كأنك رايح عالتجنيد هاتلاقى محل عمو حسنى على يمينك الشارع ده اسمه منشية التحرير(اتجاه واحد ماتخشش فيه) هاتخش انت فى الشارع الموازى ليه (شارع كبير مش حارة) هاتلاقى على شمالك موقف اتوبيسات هاتخش الشمال اللى عند الموقف بظبط هاتلاقى مركز خدمة نضيف هوة ده
الكشف ب30 جنيه نصيحة اخوية خليه يكشف بس على العربية مايصلحش حاجة
انا عن نفسى بكشف فى الحرفيين عند العسكرى بس ده اقرب مكان انا اعرفه على حسب سؤالك