امبارح يا جماعه وانا ماشي بالعربيه لقيتها مش راضيه تاخد غيار وقفت علي جنب شويه وبطلت ودورت تاني برضه مفيش ....... وهوب وانا بدوس علي الدبرياش لقيته طري جدا والدواسه بقت زي المياه
قلت اكيد سلك الدبرياش اتقطع كانت الساعه حوالي 10 بالليل فكنت لازم اتصرف روحت مبطل ومدي التاني ودورت والعربيه معشقه وكانت مهزله والناس قعدت تتريق واللي يقولك شوف الجدع اللي العربيه بتنط منه
طبعا اتبهدلت طول الطريق والعربيه اجري افرمل تنط دانا عملت بيها العجب كنت عامل زي سواقين التاكسي:::::
المهم اتصلت بغبور وبعتولي سيارة الخدمه المتنقله وكانت المهزله الاكبر في كيفية طلوع العربيه علي الونش فضلت ادور فيها انا والراجل ووالدي وهي متعشقه علشان نحركه لغاية لما الفتيس طلع ريحة شياط والله كان هاين عليا اعيط
والعربيه دلوقتي في ابو رواش وربنا يستر
ملحوظه اخري : العربيه عامله 21 الف و طقم الدبرياج بايظ وعايز يتغير والمفروض انه يتغير مع السلك
ملحوظه اخري:انا كنت في التوكيل من اقل من شهر وطلبت منهم انهم يبصوا علي طقم الدبرياج وطلع التقرير سليم

منتظر تعليقاتكم