تقييم مبدئي للسيبا برايد الإيراني بعدمعاينةبالمعرض(البرايدا مصري من مصنعaavكانت أفضل)
أنا رحت المعرض في شارع الطيران وإتفرجت عليها
وركبت جواها وبصيت على الموتور وهو إنجكشن
السيارة هي نفسها البرايد التي كانت تنتج في مصر بمصنع AAV مع بعض الإختلافات
لكن أكبر إختلاف لاحظته هو رداءة الخامات في البرايد الإيراني
الصراحة خاماتها رديئة
الفرش عموماً وفرش الأبواب وأسوأ ما لاحظته كرسي السائق سيء جداً
الكرسي بتاع البرايد المصري كان أفضل منه مليون مرة
بل إن كراسي ال 128 الزيرو تتفوق عليه من حيث الجودة تفوقاً كبيراً
سعرها 46000 جنيه بدون باور وتكييف
و 51000 جنيه مع باور وتكييف
طبعاً السعر 46000 هو الميزة
فلا أجد بديل بنفس حجم السيارة قريب من هذا السعر حتى في الصيني
إلا طبعاً ال 128 وسعرها 40000ولكن تم إيقاف إنتاجها فلا مجال للمقارنة
لكن لو موجودة طبعاً تتقارن بالبرايد السيبا الفاضية
لكن لو حد بيفكر يشتري اللي ب 51000 جنيه أنصحه يشتري الجيلي الصيني ال CK وسعرها تقريباً 56000 جنيه لكن أنظف ألف مرة من البرايد الكاملة وضمان خمس سنوات
والفرق 5000 جنيه يبقى يستلفهم أو يقسطهم أو أي حاجة
وألف مبروك على اللي إشتراها ربنا يعطيهم خيرها ويكفيهم شرها
وياريت ميزعلش من كلامي
ولو هو ليه ملاحظات يوضحلي فأكيد هو جرب عن قرب