اية رايكوا في برنامج Game Team

**Busquets** · 03-03-2009 04:28 AM

دا برنامج زبالة ول واد دا نفسي أشوفو مرة فل شارع
أنا مش عارف أنا حاعمل أيه بس ممكن أمسك أي حجرة وأكسرها على شعرو الفرحان به
بجد قمة الاستفزاز
وتلاقي بنات تافهة بيتكلموا ويفضل يحور ويرغي ول بت تضحك
طب على أيه !! مش فهم
شفتو مرة وحدة كان من ٣ شهور ولا حاجة
من ساعتها بطلت أشوف القناه دي كلها
وفعلا في قنوات بتجيب بنات من الكباريه عل قناه
تقعد ترقص وتغني
بس دي شفتها زمان على قناه كان اسمها strike مش عارف دي لسة شغالة ولا ولعت !

**medo_2060** · 03-03-2009 05:06 AM

برنامج قمه فى الهيافه والسفاهه
ورأيى انه مالوش مصداقيه نهائى واللى بيعملوه زى ما انا متصور بس الله اعلم صح ولا غلط انهم بيعملوا جوائز كبيره فعلا وموبايلات وكلام من دا عشان حاجتين اولا كل فتره معينه مثلا نص ساعه بتجيلهم اتصالات ب 20 الف جنيه مثلا دا بالميت ايه يعنى لما يدى هديه 500 دولار ولا موبايل عادى وثانيا لما الناس تشوف الهدايا دى يفكروا انهم كدا كدا كسبانين والكل يتصل وهما الكسبانين
وعلى رأى ناقد كان بيقول ان القنوات دى مربحه جدا لانها كل المطلوب عشان تشتغل اوضه ونمره ومذيعه بتهزر
اسف على الاطاله
وشكرا على الموضوع

**powerofhelll** · 03-03-2009 05:27 AM

والله انا مش عارف اقول ايه بس الي انا عارفه انهم بيطبقوا مثل
تفاهة قوم عند قوم فوائدوا
احنا الي بنديهم فرصه يستهبلونا

**Ayman_52** · 03-03-2009 05:44 AM

انا اول مابدات كنت بتابعها ...عشان كنت فاكر مادام حاجه على مزيكا هتبقى فيها مصداقيه...والصراحه كنت فى الاول بحاول ادخل معاهم بس ولا مره ضبطت معايا...

بس هما بقالهم مده من ساعة مانزلوا مسابقه -عين مين دى- وانا بحس انهم ناصبيين وكل اللى بيتصلوا تبعهم

على فكره ياحماعه البرامج دى مش كل اللى بيتصل بيكون عاوز يكسب فلوس....انا اعرف ناس كتيره على تريكس كانوا بيتصلوا لاسباب تانيه خالص غير الفلوس ..وكانت منها اسباب انسانيه!!!!..بس الكلام ده كان ايام -حمزاوى-

وحاجه زى -ميلودى تريكس- مثلا انا ياما كسبت منها وفعلا كانت الشيكات بتوصلى يعنى الموضوع مش كله نصب ولا حاجه.

**eng.octooo** · 03-03-2009 08:00 AM

هما اوفر زيادة عن الزوم وانا مبحبش البرنامج دة خالصصصصصصص

**magyver** · 05-03-2009 02:18 AM

يعنش مافيهاش مصدااقية ازااي
فرضنا ان انا اتصلت وكسبت اية اللي هايحصل بعد كدة

**Ahmed Samy** · 05-03-2009 02:41 PM

المشاركة الأصلية كتبت بواسطة Ayman_52

بيتصلوا لاسباب تانيه خالص غير الفلوس ..وكانت منها اسباب انسانيه!!!!..بس الكلام ده كان ايام -حمزاوى-

إنسانية ازاي ؟

لأ

أفهم الله يكرمك

**Ayman_52** · 07-03-2009 01:38 PM

المشاركة الأصلية كتبت بواسطة Ahmed Samy

إنسانية ازاي ؟

لأ

أفهم الله يكرمك

د/احمد...ايه اخبار حضرتك..ان شاء الله كل حاجه تمام

والله ياباشا ...كان فى تريكس مثلا فى ناس كتيره سواء رجاله او سيدات كبار بيبقوا عايشين لوحدهم وكانت ميلودى تريكس سبب ان ناس كتيره تسال عليهم...وكان المذيع خالد حمزاوى بجد والله كان فيه ناس عالهوا يتصلوا بيه وبيطلبوا منه مساعدات ماديه وكان بيتم التجميع ليهم سواء من القناه او اللى بيتابعوا القناه

على فكره انا الكلام ده لو حد كان قالهولى ماكنتش صدقته...بس بجد انا كنت قريب من الناس دى..وكنت بشوفه

مش عارف ممكن الناس تشوفهم حاجات تافهه... بس بجد انا لما كنت بكلم الناس الكبيره اللى عايشين لوحدهم اللى اتعرفت عليهم من القناه ..كنت بشفوهم قد ايه هما مبسوطين..وكانوا بيقولوا ان حياتهم اختلفت من ساعة مابدوا يشفوا تريكس .كنت بجد بحس بقد ايه الخير اللى كانت ميلودى تريكس..او خالد حمزاوى خصوصا كانوا سبب فيه ...وكان فى ايام بيعملوا جزء من الجوايز تبرعات لغزه مثلا وغيرها

دا كان قصدى بالمواضيع الانسانيه...لان احنا ايام كنا بنتصل بس عشان سواء نساعد ناس عاوزه خدمه...او نسلم على ناس عالهوا عشان نفرحهم..مش اكتر والله.

لو فى ناس كانت بتابع تريكس ...هتعرف اللى انا بقوله

**samaa0078** · 07-03-2009 01:40 PM

ايه ده ليه فكرتنى بالبرنامج الزفت ده والمياصه بتاعه الشباب ال ..استغفر الله العظيم بيرفع ضغطى

**Ayman_52** · 07-03-2009 01:41 PM

المشاركة الأصلية كتبت بواسطة magyver

يعنش مافيهاش مصدااقية ازااي
فرضنا ان انا اتصلت وكسبت اية اللي هايحصل بعد كدة

انا ماعرفش نظام جيم تيم ده....

بس تريكس...بياخدوا عنوان حضرتك وبياناتك كامله...وبيجيلك شيك بالمبلغ اللى كسبته خلال 40 يوم من تاريخ اليوم اللى كسبت فيه....وبيشيلوا 20% ضرايب من الجايزه..

لو عاوز اى خدمه من تريكس....انا تريكساوى قديـــم

الموضوع: اية رايكوا في برنامج Game Team

LinkBack

أدوات الموضوع

عرض

-

-

-

-

-

-

-

-

المواضيع المتشابهه

- game over -

الكلمات الدلالية لهذا الموضوع

المفضلات

المفضلات

ضوابط المشاركة