الفرق بين السيريون و اللانسر البومة

السلام عليكم يا شباب انا كنت بس عايز اعرف انى عربية احسن فى بعض الحاجات زى اللانسرالبومة و السريون
يعنى من حيث قطع الغيار انى عربية اغلى فى القطع الغيار و انى عربية اقوى من حيث البودى و انا عارف ان دى استايل و دى استايل بس انا عايز اعرف انهى اجيبها و مش تكلفنى اكتر من التانية بعد كده و انا بحب العربيتين دول بالذات
و كمان كنت عايز اعرف برضة من حيث التوكيل انى احسن و كنت عايز اعرف برضة هل السريون عالية عن الارض ولا واطية شوية
و تسمحولى كمان لو فى حاجة خطرت فى بالى ابقى اسال عليها فى المشاركات القادمة لانى ان شاء الله هاشترى فى الفترة الى جاية دى و دى هاتكون اول عربية ليا
الف شكر لكل من اهتم بموضوعى

اهلا بك اخي الكريم
هناخد كلامك نقطه نقطه ::
1- من حيث اسعار قطع الغيار فهيا متفاوته
يعني في حاجات هتلاقيها اعلى هنا وارخص هنا والعكس
ولكن في الغالب السيريون ارخص في التوكيل
ولكن اللانسر ارخص لأن قطع الغيار متوافره في كل حته خارج التوكيل
فأظن ان الانسر هتكسب في الموضوع ده اكيد وتوافر قطع الغيار

2- اقوى في البودي متهيالي الموضوع مش هيبقى الفارق اللي يقاس عليه انهي عربيه افضل يعني فارق لا يلاحظ

3-من حيث التوكيل
فالتوكيلين كويسين وجيدين ومفيش مشاكل

4- من حيث التكلفة فبرضه اظن الأتنين قريبين من بعض
يعني حاجات وحاجات
يعني مثلا اكصدام اللانسر خارج التوكيل ومرشوش بــ 1500 جنيه
واكصدام السيريون بـحوالي 900 ومن غير الدهان
يعني في تقارب مع ان ده خارج التوكيل وده من التوكيل نفسه

عموما العربيتين اعتماديتهم عاليه بس اكثر من الأستخارة لكي ترزق الخير اين كان ان شاء الله

الف شكر يا ابو عبد الله على الاهتمام و الرد الواضح
و واضح من كلامك ان اللانسر احسن بس طبعا ممكن يكون من فرق السعر
طيب معلش هاتعبك معايا
انا كنت عايز اعرف بس هل العربية تتحمل زى اللانسر ولا ايه
يعنى انا تقيل اوى 130 كيلو و ولدى كمان تقيل زى فهل هى ممكن تستحمل ولا لا و كمان عشان فترة التلين خطر كل الاوزان دى
ولا ايه
و كمان عشان كده كنت عايز اعرفهل هى واطية ولا زى اللانسر عالية
معلش يا ابو عبد الله تاعبك معايا
ربنا يكرمك على افادتك للناس بمعلوماتك

لو هتحتاج عربية عائلية وواسعة وتتحمل اوزان
هات لانسر
لكن لو عربية صغيرة هاتش باك فى مدينة
هات السيريون
انا رأيي هات لانسر
طبعا احنا بنتكلم على ال 1300
او شوف اى حاجة 1600 فى نفس الرينج

الوزن والطول مش مشكلة خالص مع السيريون
لو حضرتك ركبت السيريون وبعدين ركبت اللانسر هاتحس بفرق لصالح السيريون
اعادة البيع طبعا لصالح اللانسر
الكماليات فى صالح السيريون