أحسن لون للماروتي

**bassem707** · 03-03-2009 03:47 AM

يا جماعة أنا إن شاء الله ناوي قريب أجيب عربية سوزوكي ماروتي

وكنت عاوز اسأل عن موضوع اللون ، طبعا انا عارف انها اذواق ، لكن انا قصدي اللون من ناحية انه احسن لون لايق على العربية
وأحسن لون في السمكرة ( لو لاقدر الله الواحد اتخبط او حصلتله اي خدوش في الدهان )
أقصد السمكرة مابتبقاش باينة فيه يعنى ..
وبرضه من حيث اكثر لون بيفضل زاهي ومحتفظ بشكله ، وكمان بالنسبة للغسيل والتلميع ، أيه أحسن لون في رأيكم ؟؟؟

ياريت اللى يقول رأيه يراعي الحاجات اللى انا قصدت أسأل عليها دي

**robeir** · 03-03-2009 10:57 AM

اعتقد اللون الدهبى او الفضى

**lord23** · 03-03-2009 02:22 PM

الذهبي ثم الفضي ثم الاسود بس تنكل الاكر بتاعت الباب

**bassem707** · 03-03-2009 03:30 PM

المشاركة الأصلية كتبت بواسطة lord23

الذهبي ثم الفضي ثم الاسود بس تنكل الاكر بتاعت الباب

أولا اشكرك على ردك الجميل

بس كان ليا سؤال بما اني جديد في عالم السيارات ، يعني ايه انكل الأكر ؟؟

وهل الذهبي احسن في موضوع السمكرة فعلا ؟

لأن ناس كتير نصحوني ( بس مش للماروتي كانوا بيتكلموا بصفة عامة على العربيات ) إن افضل لون هو الأبيض من حيث سهوله اخفاء اي مشاكل تظهر فيه ، وانه سهل التنظيف

تفتكر الكلام ده صح ، وهل حد من الأعضاء هنا ليه رأي تاني ؟؟؟؟

**m7nsh** · 05-03-2009 01:18 AM

بص ياباشا زى ما حضرتك قلت فعلا ازواق

انا معايا الأسود منها و هو الصراحه نادر حبتين يعنى فعلا ملقتوش غير مره واحده بس وسط 30 ماروتى ,, بس حقيقى بيطلع عينك ,, تكون لسه غاسل العربيه و ظابطها وتلاقيها متربه فى لحظه !! بيلم تراب بغبااااء .. لكن شياكه اكتر ( فى رايى )

اللبنى او الأزرق الفاتح لون محترم جدا فى العربيه دى و الأحمر برده

بس عموما الأبيض فعلا بيتداوى بسهوله ,, بس الصراحه ع الماروتى لما بشوف ماروتى بيضا ,, بحس انى داخل على اوتوموبيل اسعاف !! ( أزواق )!!

فانت ككل عشان متوهكش ,, هات لون تكون مرتاحله و يكون فاتح (يفضل ) عشان التراب و الأرف اللى فى بلدنا و يكون لذيذ ع العربيه ولايق عليها و هو فى رايى اللبنى

انا شايف ان اشيك لون عليها هو الأسود بس بعد تجربتى معاه ,, اديت صوتى للسماوى :)

و الف مبروك مقدما و عاوزين نباركلك عليها قريب يا جميل ;)

**A_H_M_A_D** · 05-03-2009 08:57 AM

رأيي إن الذهبي أو الشامبين هما أحسن لونين
من مميزات دهان الماروتي إنه بيحافظ على لونه لفترة طويلة جدا
أنا كان عندي ماروتي موديل 2000 و لغاية مابعتها من شهر و لون الفابريكة بتاعها زي ماهو
مجربش و عمل بقع زي عربيات تانيه كتير حديثة باشوفها مع إني كنت باركنها في الشمس علطول