السلام عليكم جميعا
معايا فكترا 99 موتور 2000 لما بامشي على 140- 150 وآجي أفرمل بلاقي الدركسيون (بيترجرج) فى إيدي لغاية لما العربية توصل 60 تقريبا. رصصت الجنوط ولكن لسه العيب موجود. ممكن حد يفيدني؟
شكرا للجميع
عرض للطباعة
السلام عليكم جميعا
معايا فكترا 99 موتور 2000 لما بامشي على 140- 150 وآجي أفرمل بلاقي الدركسيون (بيترجرج) فى إيدي لغاية لما العربية توصل 60 تقريبا. رصصت الجنوط ولكن لسه العيب موجود. ممكن حد يفيدني؟
شكرا للجميع
السلام عليكم .... محمد باشا الرجرجه دي اما عيب ترصيص ( اتاكد تاني منه ) او تكون مساطر الفرامل ( المداس ) فيها رفه ( نتيجه ان تيل قديم خلص وجرحها ) . فك العجل وبص علي المساطر ولو وحشه غيرها . بس استني لما بقيه اخواننا يردوا عليك برده وربنا يوفقك .
بيتهيألي..
ممكن يكون التيل وحش.. او عايز يتغير..
او الطنابير وحشة.. فيها ريجة..
الطنبير ياباشا او الكوتش عامل بية كام الف معدى 50 الف غيرة
طنابير , لو ترصيص او كاوتش هيبان فى المشى العادى مش شرط فرامل
يا جماعة رحت للميكانيكي وقاللى إني محتاج أغير كاوتش ميزان!!!!. يطلع إيه كاوتش الميزان ده؟
انا اعرف ان في عمود ميزان لكل عجله اماميه وفي كل عمود محور 2متحرك وكاوتشه ضغط زيت .وهو مختص بتقليل الشعور بالمطبات وهو واصل مابين الشمعدان من تحت واعلي مسطره الفرامل .بس العمود ده مايظهرش تلفه غير في المطبات فقط .جرب زي ما قولنالك واكشف علي الطنابير وربنا يوفقك ويطلع الموضوع بسيط ان شاء الله .
الميزان دة عبارة عن بار معدن واصل بين العجلتين على انفس المحور ومتثبت فى شاسية العربية من النص
وظيفتة المحافظة على ثبات العربية فى الملفات عن طريق انة بيقلل body roll او درجة ميل العربية
الميزان فى الفكترا عبارة عن بار معدن راكب على كاوتشين ميزان من تحت وفى نهاية البار من الطرفين (تيش) بار تانى بس رأسى ومتثبت فى المساعد نفسة فى النص (دة بالنسبة للامام) فى الخلف متثبت فى المقصات
اعراض تلفة العربية هتحدف فى الدورانات الجامدة
اخى الكريم
ان كنت بتحس اكتر برجرجة تحت رجلك
يبقى مشكلتك فى الطنابير
تلاقيك غسلت العربية مياة بعد ما رجعت من مشوار
المياة جيت على الطنابير وهى سخنة
وحصل تغير فى بناء الجزيات ( قفعت )