انا خلاص جبت اخرى

**KIA_SEPHIA_2001_K** · 03-03-2009 03:36 PM

السلام عليكم

يا جماعه انا خلاص بجد من الميكانيكه والتوكيل

مفيش حد قادر يفدنى من الخبطه الى بتحصل وبقيت حاسس ان العريبه بتغظنى

اروح التوكيل يقولوا قواعد نغير زى مهيه ارجع تانى ليهم يقولى كبالن اسبهم وامشى

اروح لميكانيكى يقولى قواعد اغير قواعد وبرضوا مفيش اى تحسن ارجع تانى ليه يقولى مفهاش حاجة

اروح لمراكز تانيه من الاصدقاء فى حدائق القبه يقولى فتيس

اروح لمحمد عبده فى فيصل يقولى مش فتيس

اورح لغيره يقولى اسطوانه دبرياج اروحا لتوكيل على اسطوانه الدبرياج يقولى مفهاش حاجة

اروح لمركز تانى يقولى بوش كبالن

اروح لو احد عاشر يقولى ماتور وخايف ارلاوح لحد تانى يقولى عريبه :10D5C8~1107:

ومبقاش عندى ثقه فى حد ورحت لناس كويسه جدا وكان كل واحد براى وفى ميكانيكه لما سمعت الكلام قلتلى كبر دماغك

**حماده المصري** · 03-03-2009 03:49 PM

ياباشا هدي اعصابك مش كده

هو لو الخبطه بتحصل في اوقات واوقات لا اعتقد ده طبيعي في كل العربيات

وانا احيانا بتحصل معايا خصوصا لما بدي التاني واشيل رجلي بسرعه ممكن تحصل خبطه متهيالي دي من سلك الدبرياج
وشوفتها في عربيات كتير

ياريت حضرتك تشخصلي الي بيحصل وإن شاء الله نقدر نفيد

ياريت تقولي محمد عبده ده فين في فيصل وانا متهيالي انه بتاع دايو
ولو انت ساكن في المنطقه دي إن شاء الله عندي ميكانيكي هو مش طلقه بس محترم ومش مفتري ممكن تروحله واروحله معاك هو حبيبي ونقعد ونشوف ونتكلم ويجرب وهو في برضو ايده حلوه في العربيه مش بيبوز ويخرف

**max_ziro** · 03-03-2009 05:57 PM

ياعم كبر دماغك بقى انت مش وصلالك لية
قولتلك عندى نفس الطقة و كبرت دماغى و مدام العيب عندى و عندك و محدش عارف من اية و اية الحل يبقى نكبر دماغنا و قلدنى و ولا كأنة موجود ولله سعات بلاقية راح لوحدة
عادى ياعم بلا دوشة و مصاريف على الفاضى و هتيجى ف الاخر تكتشف صدفة مصدر الصوت دة اية ..

**KIA_SEPHIA_2001_K** · 03-03-2009 07:15 PM

الكلام جميل وكل حاجة بس للاسف كل ماخد خطوه يحصل فتوه جدديه والتوكيل يقولى القواعد والاسطوانه سليمه

**samirayad** · 03-03-2009 07:59 PM

ياريت تشرح اللى بيحصل معاك وبترتيب من أوله......وبالتفصيل وأنا حفكر معاك بأذن الله (لعل وعسى )

**Ghamrawy** · 03-03-2009 11:38 PM

هدى نفسك يا بيه مش مستهالة خالص بس يا ريت تقولنا الموضوع بالترتيب و باكبر تفصيل ممكن

**tananybasha** · 04-03-2009 02:23 AM

بالراحة كدة و واحدة واحدة و احنا معاك ان شاء الله
بص قول اللى بيحصل على هداوة قدام كباية شاى بالنعناع و ربنا يقدم اللى فية الخير

**KIA_SEPHIA_2001_K** · 04-03-2009 10:34 AM

اشكركم يا جماعه وانا هقول على قد مقدر الى بيحصل والى حصل معايا

كانت البدايه انى لم باجى ادوس فرامل اوى مع واقفه العريبه بلاقى صوت خبطه ومكنتش بحط فى دماغى لانى كل كل شوية هدوس فرامل اوى وطالما مفيش اى مشكله فى الفرامل يبقى عادى انا بقول على موضوع خبطه الفرامل جايز يكون برضوا ليه علاقه بالخبطه الى بتحصل

مع الوقت لما كنت باجى اشيل رجلى من على الدبرياج بسمع صوت خبطه وساعات مكنتش بسمعوا بس الموضوع ذاد وبقى رخم ان ديما بسمع صوت خبطه وانا بشيل رجلى من على الدبرياج وبلاقى هزه فى الفتيس والماتور

ولما باجى ادوس دبرياج وادى غيار من غر مطلع واجى امور واشيل رجلى من على الدبرياج بسمع خبطه خفيفه وسعات كتير مش بتحصل

وانا ديما الصيانه فى التوكيل بس قبل مروحت التوكيل قولت اشوف مبيكانيكى يكون املوضوع بسيط واخد فكره قلى قواعد

اخت بعضى وطلعت على التوكيل اعمل صيانه لتغير الفلاتر والسيور والكلام ده واقولهم على الموضوع ده يا جماعه الموضوع كذا قلى هنبص على القواعد بصوا على قاعده التفتيش مقطعوه طيب اكيد هيه السبب وسعتها انمكنتش اعرف يعنى ايه قواعد والكلام ده شالوا القاعده القديمه وشوفتها فعلا مقطعوه بس مش قطعه الى هيه مدمره وركبوا واحده جديده ب 250 جنيه تمام ركبوا واطلع جرب زى مهيه كان اخر اليوم خلاص والميعاد انهم يقفلوا رجعت للمهندس زى مهيه قلى هنبص طيب على القاعده الى عن زيت الباور سليمه والقاعده الى عند القنطره سليمه بس قلى القنطره واخده خبطه وده غلط على التفيس قلى عاوزة تتغير قلتلوا ماشى وبص على القاعده الى تحت العمه وعشان يبص عليها كان لازم انوا يفك العمه كلها لانها تحتيه ولاقها طالع عنيها ومدمره قولت يبقى اكيد ديه السبب حديد بيخبط فى بعضوا

اجى تانى يوم غير يا عم القنطره قلى 500 جنيه قولت ليه يعنى بس لان بكون ضمان الحجات بتعتهم ولان الجديد بيقولوا زى الخياره مطب واتنين وبتتقطم قولت مش مهم المهم اريح بالى وغير القاعده واطلع اجرب الموضوع زى مهوة كان برضوا فى اخر اليوم ايه يا جماعه الشغلانه ديه جه واحد من الى شغالين هوة عاترفنى لانى ديما بروح صيانه هناك وكده ركب الرعيبه قلى ده بوش كبالن تعالى يا بشمهندس اسمع بص اه فلعا بصتلوا قلتوا يعنى القاوعد مككنش فيها حاجةقلى اديك شوفت القواعد واحده ضايعه خالص والتانيه بايظه ومكنش ينفع اقولك كبالن قبل مشوف القواعد وخاصا ان الكبالن الواحد 1500 قولت مش مشكله اديها صيانه وفعلا قاعده كانت ضايعه

مشبت على انها بوش كبالن وطبعا كل الى جه فى دماغى اجيب كبالن من بره ارخص وانا مكنتش حتى اعرف يعنى ايه كبالن من هنا لهنا ودخلوى على النت وبفضلكوا عرفت ان فى حاجة اسمها كبلن خارجى وكبلن داخلى والداخلى بيبقى فى صليه والخ وبقيت استاذ فى الكبالن والكبلن الداخلى هوة السبب لان الصلايب ديه عباره عن تروس وبلى ومع الوقت اتكلت اما الخارجى فى الملفات والطقطقه والخ

انزل بقى اسئل واخويا كان معايه فى منطقه تانيه ها لقيت اه لقيت بكام قلى ب 400 هوة ايه ده الى 400 قلى الكبلن اخويا مكنش فاهم انى عاوز داخلى والراجل كان بيقولى على الخارجى قولتوا داخلى سال قلوا بكام الواحد ب 125 قولت اشطه هتهم وقبلتوا ابص عليهم متسعملين اروح لناس بتاعت كبالن قلى دول مستعملين ومتلمعين ومتوضبين طيب ارجع ليه تانى قلتوا انت بيعهم على انهم جداد قعد يقولى مفيش جديد منهم المهم قلى طيب تعاىل خد فلوسك بكره قولت مش مشكله واخت فلوسى تانى يووم وكل مسال حد مفيش منهم جديد

اروحلميكانيكى يقولى على فكره ديه مش كبالن الى بتعامل معاه امال ايه يا عم الحج ديه قواعد منا غيرت فى التوكيل طب ارفع العريبه بص القواعد طريه ارجع للتوكيل ارجع للتوكيل اقولهم القاوعد طريه والماتور اكنوا اوز يخرج بره العريبه والتيس بيتحرك يبصوا اه فعلا طريه قلتهم متلزمنيش قلى هنجبلك جداد قلتوا متلزمنيش مهيه هيه شلى القواعد القديمه وقلتوا كمان القنطره قلى ليه وديه ملها قلى انا عاوزها مخبوطه وتكون لزقه فى الماتور عشان ميتحركش وده مكنش السبب السبب انى لقتها استيراد ب 150 جنيه وفعلا شلى كل حاجة واخت فلوسى ومكنوش عاوزين يدونى الضريبه عملتهم موال ومشكله واخت الضريبه ومشيت بصراحه فرحت لانى كنت حاسس انى دفعت كتير ومشيت ورجعت للميكانيكى قلى هتلى استيراد
ومن هنا ابتدى مشوارى مع الميكانيكه واسئل يقولى استيراد وكنت اوى مره اسمع عن الاستيراد اتكلم فى التيلفونات واسئل وانزل ابص لقيت ان فى حجات استيراد فعل اكويسه احسن من الجديده واخت فكره وتعالى بكره لحد مشتريت قاعدتين وقنطره وكبالن والحساب 750 كلوا استيراد
اروحوا يقولى بصراحه مش مستريح للكبالن وديهم لبتاع كبالن رحت قلى متوضبين
قلى هنحتاج قاعده واحده لان التانيه سليمه قلى قلت ماشى الراجل حببينا ومش هيقول لا قلى اولقاعده التانيه مش بتعتها طبعا ده كلوا وانا مخنوق وعمال اشتم ومتنرفز اخت الكبالن على قلبى لان العريبه متشال منها قاعديتين مينفعش تمشى ورحت للراجل قلتوا الكبالن مش عاوزها متوضبين طبعا قعد يقولى ازاى ومش ازاى وكلام كبير والقواعد واحد مش عاوزها والتانيه مش بتعتها واخت فلوسى ومشيت بس اخت منوا القنطره بس واروح شارع رمسيس والتوفيقيه اجيب من عند حلمى سليمان الراجل النصاب ده اخويا قبلها بيوم سال على القنطره قلوا 170 والقاعده 110 لما رحت قلى لا القنطره عشان خطرك 220 والقاعده 160 ليه يا عم دنا اخويا قلى لا محدش قا لكدا قولت مش مهم كدا كدا انا جبت قنطره هجيب بس القاعده واختها ورجع توانا طالع عينى بهدله وقرف ومشى ومواصلات وحسبى الله ونعم الوكيل وركب يا عم نفس الخبطه بس الماتور هدى ومبقتش حاسس انوا عاوز يخرج من العريبه

اقول للميكانيكى مالخبطه زى مهيه يقولى لا بيتهيالك يا عم انت يابا يرضيك يقولى ده عادى عدت عريبه 127 من جمبى يعتبر مفهاش كبالن والعريبه كلها بتتهز يقولى شوفت عشان دفع امامى وانا فى علقى عاوز امسكوا اضربوا راح قلى بص هية مش كبالن قتلى قاعده علويه يومين سبتوا مشيت وانا عمال اسب والعن فى العريبه وعلى الناس والقواعد والكبالن

قلت اشوف يغروا اشوف غيروا يقولى ديراج ديسك واسطوانه ههههههه قولت مفيش مشكله لسه فى الصمان مع التوكيل اروح اتلوكيل بصولى على الديسك والاسطوانه يقولوا ليه مفهمش حاجة انتوا ملكوا بصولى عليها انا لسه فى الصمان وبشتكى قلى هتدفع فلوس قلتوا ماشى اخدوا العريبه جربوها ورجع قلى حرام عليك نفك العريبه الاسطوانه زى الفل والسحب حلو قلتوا معلش مزاجى وكنت قبلها بقى عمال اخد دورس فى اسطوانه الدبرياجح وازاى اعرف اناها ضاعت وبايظه يبصوا عليها كل حاجة تمام ده كبالن بوش يا باشسا وتتكلف 3500 ماشى ومشيت ومدفعتش فلوس قلى استنى ابصلك عهلى الماتور حط المتاور على الجهاز وظبط فيه شوية حجات ومشيت برضوا من غير فلوس واتخنقت لدرجه ان مهندس ملى هناك قلى انت تروح التوكيل المعتمد لان هنا مبقاش متعمد روح محمد ذكى هنا اى كلام وقلى انا نفسى مرشح نفسى هناك قلت ماشى وطبعا مرحتش لانى خلاص اتخنقت

ادخل النت اشوف الناس بتصلح فين وانزل اروحواتكلم فى التيلفون اروح كبرى القبه يقولى فتيس ههههههههههههههههههههههههه ورفع العريبه من الجمب ومشى قلى شوف الصوت ده فتيش مشيت بدون اى تعليق واروح لغيره قلى طبيعى انك لما ترفع العريبه وتمشى هتعمل صوت انت بتنقل الزيت بتاع الفتيش وغلط ومش عارف ايه وبعدين لو فتيش الغيار هينتر ومش هيجى اصلا والعريبه مش هتمشى

قلت ماشى اروح لغيره يقولى قواعد اقوله مغيرهم يقولى كبر دماغك لحد مبقيت اروح من غير مقول انى عملت ورحت اشوف رد الفعل الى بقى يقولى جلب ومقصات والى بقى يوقلى قواعد والى بقى يقولى بوش كبالن واكترهم بوش كبالن

ابتديت اسئل عن حد بتاع كبالن استيراد محترم محدش ادانى جواب ينفعنى محدش يعرف ليا ناس تقولى تعالى والكبالن رخيصه فى الاسمعاليه الكولبن على 150 او اكتر قولت اشطه اتريه الكوبلن الواحد يعنى انا عندى ارخص

دلوقتى للاسف انا وصلت لمرحله انى مبقتش عارفايه العيب والسبب من كتر الى اتقال قلتولى اعمل ايه اعمل ايه

انا عارف انكوا اتخنقتوا اكيد من الكلام لانو اكتير على فكره ده باختصاااااااااااااااااااا ااااااااااااااااااار شديد وسبت حجات كتير واشكركم واسف جدا جدا جدا جدا للاطاله