انا معروض عليا العربية الى بالعنوان لونها كحلى مشاية 60 الف
موديل 2006
معروضة 140 الف فاحاسس انة قليل جدا جدا جدا جدا جدا جدا جدا عليها فهل ممكن يكون فيها حاجة
عرض للطباعة
انا معروض عليا العربية الى بالعنوان لونها كحلى مشاية 60 الف
موديل 2006
معروضة 140 الف فاحاسس انة قليل جدا جدا جدا جدا جدا جدا جدا عليها فهل ممكن يكون فيها حاجة
والله السعر حلو وربنا يباركلك فيها
وبعدين وديها صيانة واحكم
وبعدين ممكن يكون مزنوق وعايز يخلص منها بسرعة
او مزاجه عالي ملوش في التجارة
لأني أعرف ناس كتيرة بتبيع كده
برده شوفها ولو ملكش فيها ياريت تضيف معلوماتها هنا
لو 2006 يبقي لازم تعدي ال 200000
السعر ده مستحيل!
اذا كان البي ام 316 1600 سي سي اغلي من كده
السعر ده قليل جدا جدا
انا عارف انة قليل مانا علشان كدة مستغرب
take care momken tkoon 7wadeth aww nos sen
لا مش حوادث مش رشة اى حتا فيها
السعر ده مش حلو ولا حاجة
السعر ده مستحييييييييييييييييييييل
اكيد العربيه فيها حاجة
او صحاب العربيه فيه حاجة (مزنوق فى قرشين - عاوز يخلص منها بسرعه)
حاول تراجع التوكيل اللى كان بيعمل صيانه عنده وشوف ملف العربيه
ياباشا يا السعر فيه حاجة يا الموديل اللى حضرتك كاتبه غلط !
على فكره انا حصل الموضوع ده قدام عينى
مرسيدس موديل 2004 ومتحركتش من الجراج من 2005 وعاملة 48000 بس
العربية C180 compressor واتباعت على 195000 وقلنا ساعتها انها فيها نصبه علشان العربية المفروض ثمنها لا يقل عن 220000
يبقى انت جايب موديل 2006 ب 140000
يعنى تقريبا نازل من ثمنها على الاقل 80000 جنية
اكيد العربية ديه فيها مصيبة محترمة
اكيد حضرتك تقصد 240 الف صح
واية اكتر مصيبة تبقى فيها .. حتى لو حوادث ونصين .. اية المشكلة يعنى لو العربية كويسة بعد التصليح .. دا انتا لو هتجيبها وتصلحها ب 40 الف تانيين تبقى جادة بردوو
الجحمد للة العربية اتباعت ومالحتهاش كل دة على ماسالتش علية يوم وانا كنت شفت العربية العربية مافيهاش اى حاجة
140الف؟؟؟؟؟؟!!!!! اكشف عليها في التوكيل
وشوف اوراقها كويس واسال عليها اصل السعر دا غير واقعي ابدا
يا شباب ممكن العربية تكون حالتها ممتازة بس أوراقها مضروبة و خللى بالكم لأن فى سوق مدينة نصر ناس كتير وقعت فى المشكلة دى وتكتشف إنك إشتريت الهوا
خللى بالك و ربنا يوفقك
فتيس المرسيدس e200 2001 بالكنترول ب50 الف جنيه علبة الدركسيون 17 الف جنيه تخيل لو طلع فيها كام حاجة من دول هاتجيب تمنها مع ملاحظة انك هاتسيب العربيه فى التوكيل لحد ايبعتوا يجبو الحاجة من المانيا دة من واقع تجربه لوالد زوجتى يعانيها لايام دى بعد ما بدل عربيتة العيون مع العربيه دى وبعد كدة اكتشف البلاوى دى كلها