موضوع مهم لكل البروتوناويه -:{ ورشة بروتون }:- شاركنا خبرتك و معلوماتك و استفساراتك

**MohabSaeed** · 31-03-2009 01:52 AM

المشاركة الأصلية كتبت بواسطة abo3bdolrahman

أنا عن نفسى ما أشتريتش لسه أى قطع غيار من بره التوكيل بس كنت رحت كده و لفيت لفه فى الحرفيين فى جسر السويس و لقيت بروتون مقطعة كثييييييييييييييييير واجا و جين 2 و ويرا و الأسعار كانت مهاوده مع ملاحظة إنها مستعملة بس الموضوع ده بيبقى كويس فى الحاجات الخارجية زى الإكصدامات و المرايات و الفوانيس و الكاسيت و كل الأسعار قابلة للفصال جدا خصوصا لو هاتشترى و أفتكر قطعة الغيار الوحيدة اللى جبتها من هناك و كانت جديدة هيا فلتر الهواء للواجا 2006 بالمحرك 4G18 كان ب 100 ج.م و كان فى التوكيل ب 190 ج.م !!!!!!!!!!!
و مرايات جين 2 كانت كاملة ب 400 ج.م قبل الفصال و التوكيل كان ب 950 ج.م بدون التركيب

الف شكر يا ابو عبد الرحمن على المعلومات المهمه ديه , فعلا احنا ممكن نستفيد بقطع الغيار الاستيراد فى الفوانيس و الاكصدامات , مكن الازاز , مرايات ... الحاجات الى ملهاش دور فى اداء العربيه .

طيب انا بفكر فى فكره مش عارف هى مجديه ولا ملهاش لازمه !!! و فى بالى من ساعة ما اشتريت العربيه .
انا كنت عاوز اجيب فرش الابواب الجلد الى فى الواجا البريميوم و سألت على العربيات الحوادث الى فى التوكيل عرفت انها بتروح لشركه التأمين و التوكيل مايقدرش يفك منها حاجه لانها مش ملكه .و شركات التأمين بتبيع العربيه كلها فى مزادات و مش بيتبيعها قطع .
هل ممكن الاقى فرش الابواب ده فى الحرفين ؟ ولا الموضوع مش مستاهل .
انا فكرت اعمل الموضوع ده عند سروجى بس لاقيت شكل الجلد بيبقى وحش و عامل زى الميكروباصات .
المشكله ان قماش اللابواب بيتوسخ بسرعه لان لونه بيج فاتح و تنظيفه مش سهل و علاشان كده كنت عاوز اجيب الفرش الجلد .
ايه رأيك ؟

**abo3bdolrahman** · 31-03-2009 12:33 PM

نفس اللى أنا كنت رايح علشان أجيبه من الحرفيين بس ما لقيتش فرش برميوم و كان الراجل كمان مصر إن الباب بيتباع كله بس وعدنى لو جاب ممكن ندخل الفرشين فى بعض بس مش أكيد

**Karim Salem** · 31-03-2009 06:49 PM

اخوانا انا عندى مشكلة فى الفرامل بقالها اكتر من سنة.
الموضوع انى كنت على طول بعمل الصيانة كل 5الاف فى التوكيل
و عند ال35 ألف قلتلهم الفرامل موش مظبوطة المهم غيروا التيل و قالوا ان الطنابير محتاجة تتغير - فالمهندس اللى هنالك قال انها موجوده عندهم بس ب1000 جنيه - فاقترح انهم يخرطوها و خلاص
المهم خرطوها و من ساعتها كل لما ادوس على الفرامل العربية تترج
من ساعة ما حصل الموضوع ده و انا اخدت عهد انى معتبش التوكيل تانى بما انى بدفع كل مرة بتاع 500 جنيه و موش عارفين يصلحوا عيب فى الفرامل
المهم بقيت بروح اصلح العربية فى ورشة فى الحرفيين - حكتلهم على المشكلة - افتوا انهم يعيدوا خرط الطنابير و يغيروا التيل
عملنا كده و محصلش حاجة
المهم طنشط الموضوع خالص و على ال50 الف قلتلهم غيرولى الطنابير - روحت جبت طنابير نوعها بريمبوا (قالوا ان ديه احسن ماركة) بحوالى 350 جنيه و كان عليها ضمان لمده سنه
المهم ركبتهم و فضل برضه العيب موجود
روحت بعد شهرين كده قلتلهم الطنابير ديه موش تمام و العيب لسه موجود فى العربية
غيروا الطنابير تانى و جابوا نوع تانى اسمه ماستر و المشكلة هى هى
هيا الفرامل كويسة يعنى العربية بتقف كويس
و لما بدوس على الفرامل جامد مبحسش بالرجة
هيا بتبان لو انا ماشى فى طريق طوالى و عاوز اهدى فبريح رجلى على الفرامل الاقى العربية فيها زى رفه (رجه - غربلة ) حاجة موش طبيعية
لما ادوس اجمد تختفى خالص
انا بجد زهقت من المشكلة ديه و كرهتنى فى العربية
لانى بحاول احافظ على العربية و اقل صوت بسمعه فيها بيفضل مضايقنى لحد ما اعرف ايه العيب و اصلحة

**momenhamdy** · 31-03-2009 08:09 PM

المشاركة الأصلية كتبت بواسطة Karim Salem

اخوانا انا عندى مشكلة فى الفرامل بقالها اكتر من سنة.
الموضوع انى كنت على طول بعمل الصيانة كل 5الاف فى التوكيل
و عند ال35 ألف قلتلهم الفرامل موش مظبوطة المهم غيروا التيل و قالوا ان الطنابير محتاجة تتغير - فالمهندس اللى هنالك قال انها موجوده عندهم بس ب1000 جنيه - فاقترح انهم يخرطوها و خلاص
المهم خرطوها و من ساعتها كل لما ادوس على الفرامل العربية تترج
من ساعة ما حصل الموضوع ده و انا اخدت عهد انى معتبش التوكيل تانى بما انى بدفع كل مرة بتاع 500 جنيه و موش عارفين يصلحوا عيب فى الفرامل
المهم بقيت بروح اصلح العربية فى ورشة فى الحرفيين - حكتلهم على المشكلة - افتوا انهم يعيدوا خرط الطنابير و يغيروا التيل
عملنا كده و محصلش حاجة
المهم طنشط الموضوع خالص و على ال50 الف قلتلهم غيرولى الطنابير - روحت جبت طنابير نوعها بريمبوا (قالوا ان ديه احسن ماركة) بحوالى 350 جنيه و كان عليها ضمان لمده سنه
المهم ركبتهم و فضل برضه العيب موجود
روحت بعد شهرين كده قلتلهم الطنابير ديه موش تمام و العيب لسه موجود فى العربية
غيروا الطنابير تانى و جابوا نوع تانى اسمه ماستر و المشكلة هى هى
هيا الفرامل كويسة يعنى العربية بتقف كويس
و لما بدوس على الفرامل جامد مبحسش بالرجة
هيا بتبان لو انا ماشى فى طريق طوالى و عاوز اهدى فبريح رجلى على الفرامل الاقى العربية فيها زى رفه (رجه - غربلة ) حاجة موش طبيعية
لما ادوس اجمد تختفى خالص
انا بجد زهقت من المشكلة ديه و كرهتنى فى العربية
لانى بحاول احافظ على العربية و اقل صوت بسمعه فيها بيفضل مضايقنى لحد ما اعرف ايه العيب و اصلحة

طبعاً حضرتك الموضوع دا فعلاً بيضايق اوي
طب بس انا ليا سؤال هو حضرتك و انت علي السرعات العاليه قبل ما تدورس فرامل و لا حاجة بتلاقي في رجه او غربله في الدريكسيون و لا دا بيحصل لما فقط بتدوس فرامل ؟؟؟
لان انا شاكك في حاجة بدل حضرتك غيرت التيل كذا مره و الطنابير و علي فكره الطنابير (الدسكات) الي انت ركبتها من احسن الانواع فأنا شاكك ان الموضوع الوقتي يكون ليس له علاقه ولا بالتيل و لا الطنابير وبدليل علي كدا ان حضرتك بتقول ان الفرامل قويه مش ضعيفه

يبقي الاحتمال الي موجود انه ممكن يكون الكاوتش عايز يترصص علشان كدا بيعمل الغربله دي لما تيجي تدوس علي الفرامل

او في فرده من فرد الكاوتش فيها عالي وواطي او ممكن يكون خت مطب جامد من فتره فأثر علي الجنط و عوجه عوجه خفيفه و برده دا كله ممكن يؤدي الي غربله في الدريكسيون

**MohabSaeed** · 31-03-2009 11:57 PM

المشاركة الأصلية كتبت بواسطة abo3bdolrahman

نفس اللى أنا كنت رايح علشان أجيبه من الحرفيين بس ما لقيتش فرش برميوم و كان الراجل كمان مصر إن الباب بيتباع كله بس وعدنى لو جاب ممكن ندخل الفرشين فى بعض بس مش أكيد

ده واضح ان الموضوع صعب

. كويس انك قولتلى لانى كنت حنزل الحرفين اسأل عن الفرش الجلد , عموما لو وصلت لحل ياريت تقولى يا ابوعبد الرحمن .

المشاركة الأصلية كتبت بواسطة Karim Salem

اخوانا انا عندى مشكلة فى الفرامل بقالها اكتر من سنة.
الموضوع انى كنت على طول بعمل الصيانة كل 5الاف فى التوكيل
و عند ال35 ألف قلتلهم الفرامل موش مظبوطة المهم غيروا التيل و قالوا ان الطنابير محتاجة تتغير - فالمهندس اللى هنالك قال انها موجوده عندهم بس ب1000 جنيه - فاقترح انهم يخرطوها و خلاص
المهم خرطوها و من ساعتها كل لما ادوس على الفرامل العربية تترج
من ساعة ما حصل الموضوع ده و انا اخدت عهد انى معتبش التوكيل تانى بما انى بدفع كل مرة بتاع 500 جنيه و موش عارفين يصلحوا عيب فى الفرامل
المهم بقيت بروح اصلح العربية فى ورشة فى الحرفيين - حكتلهم على المشكلة - افتوا انهم يعيدوا خرط الطنابير و يغيروا التيل
عملنا كده و محصلش حاجة
المهم طنشط الموضوع خالص و على ال50 الف قلتلهم غيرولى الطنابير - روحت جبت طنابير نوعها بريمبوا (قالوا ان ديه احسن ماركة) بحوالى 350 جنيه و كان عليها ضمان لمده سنه
المهم ركبتهم و فضل برضه العيب موجود
روحت بعد شهرين كده قلتلهم الطنابير ديه موش تمام و العيب لسه موجود فى العربية
غيروا الطنابير تانى و جابوا نوع تانى اسمه ماستر و المشكلة هى هى
هيا الفرامل كويسة يعنى العربية بتقف كويس
و لما بدوس على الفرامل جامد مبحسش بالرجة
هيا بتبان لو انا ماشى فى طريق طوالى و عاوز اهدى فبريح رجلى على الفرامل الاقى العربية فيها زى رفه (رجه - غربلة ) حاجة موش طبيعية
لما ادوس اجمد تختفى خالص
انا بجد زهقت من المشكلة ديه و كرهتنى فى العربية
لانى بحاول احافظ على العربية و اقل صوت بسمعه فيها بيفضل مضايقنى لحد ما اعرف ايه العيب و اصلحة

مشكله غريبه فعلا ؟
- طيب انتا بتحس بالرجه ديه لما بتفرمل على سرعه عاليه ولا منخفضه .
- هل الدركسيون معاك ثابت على السرعات العاليه " من 90 : 120 " ؟
- المشكله ديه بدأت معاك ازاى ؟؟؟

**hemedah** · 02-04-2009 11:10 AM

يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92

**Karim Salem** · 02-04-2009 11:14 AM

معلش انا اسف لتاخيرى فى الرد
انا احب اضيف انى لسه مغير الكاوتش كله
جيبت اربع فرد جداد و مليتهم نيتروجين
و عملت الترصيص عند اشرفكو اللى فى الحى السادس
العربية الحمد لله ثابتة معايا و على السرعات العالية مفيش غربلة
انا بسافر بيها اسكندرية كل اسبوعين و كنت لسه فى الغردقة الشهر اللى فات - العربية جريت بيها لحد 160 الدريكسيون ثابت مكانه و مبيحدفش
هو الموضوع بيبتدى يبان من اى سرعة فوق ال60
يعنى لو انا ماشى على 60 مثلا و قدامى اشارة و ادوس سنه صغيرة على الفرامل علشان اهدى الاقى العربية بتترج - لو دوست اجمد حاجة بسيطة بيحيث العربية تقف تختفى الرجة و العربية تقف
برضة لو ماشى على 100 و حبيت اهدى نفس السيناريو بيحصل بمعنى ان لو ريحت رجلى حاجة بسيطة على الفرامل الاقيها بترج
لو دوست اجمد الاقى الرجة بتختفى
بجد انا موش عارف ساعات بقول ديه اكيد الdefault بتاع العربية و انا موش واخد بالى
اجى اركب عربية اخويا الفيرنا و اجربها الاقى الفرامل طبيعية اريح رجلى ادوس جامد فى الحاليتين لا بترج و لا حاجة (ما شاء الله طبعا لانى كنت هبتدى احسده ان عربيته مبترجش)

**Ayman_52** · 02-04-2009 11:16 AM

المشاركة الأصلية كتبت بواسطة hemedah

يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92

على فكره المشكله دى سمعتها اكتر من مره من اصحاب البيرسونا...

واظن بارودا المشكله دى عند ا/اسامه شحاته...ياريت حضراتكم تتابعوا مع بعض ...ولو تروحوا التوكيل مع بعض ..عشان يشوفوا المشكله دى..

وابقوا طمنونا عالاخبار

**hemedah** · 02-04-2009 12:45 PM

يا ريت و الله نتجمع فى موضوع الكركرة ده

**MohabSaeed** · 02-04-2009 04:59 PM

المشاركة الأصلية كتبت بواسطة Karim Salem

معلش انا اسف لتاخيرى فى الرد
انا احب اضيف انى لسه مغير الكاوتش كله
جيبت اربع فرد جداد و مليتهم نيتروجين
و عملت الترصيص عند اشرفكو اللى فى الحى السادس
العربية الحمد لله ثابتة معايا و على السرعات العالية مفيش غربلة
انا بسافر بيها اسكندرية كل اسبوعين و كنت لسه فى الغردقة الشهر اللى فات - العربية جريت بيها لحد 160 الدريكسيون ثابت مكانه و مبيحدفش
هو الموضوع بيبتدى يبان من اى سرعة فوق ال60
يعنى لو انا ماشى على 60 مثلا و قدامى اشارة و ادوس سنه صغيرة على الفرامل علشان اهدى الاقى العربية بتترج - لو دوست اجمد حاجة بسيطة بيحيث العربية تقف تختفى الرجة و العربية تقف
برضة لو ماشى على 100 و حبيت اهدى نفس السيناريو بيحصل بمعنى ان لو ريحت رجلى حاجة بسيطة على الفرامل الاقيها بترج
لو دوست اجمد الاقى الرجة بتختفى
بجد انا موش عارف ساعات بقول ديه اكيد الdefault بتاع العربية و انا موش واخد بالى
اجى اركب عربية اخويا الفيرنا و اجربها الاقى الفرامل طبيعية اريح رجلى ادوس جامد فى الحاليتين لا بترج و لا حاجة (ما شاء الله طبعا لانى كنت هبتدى احسده ان عربيته مبترجش)

؟؟؟؟؟؟
من قال لا اعرف فقد افتى , الحقيقه انا مش عارف ايه ممكن يكون السبب , حضرتك غيرت كل حاجه مشكوك ان العيب منها غيرت كاوتش و اقراص و تيل !! و العربيه على سرعات مش بتغربل .
كان نفسى افيدك بحل المشكله بس الحقيقه معنديش فكره .
ان شاء الله توصل لحل الموضوع ده .

المشاركة الأصلية كتبت بواسطة hemedah

يا جماعة لو حد معاه برسونا مانيوال يفيدنى
الموتور بيكركر كتير جدا .. زى ما يكون الكهربا مش مزبوطة
الى معاه بيرسونا و ما اخدش باله .. يجرب
اكبس بنزين جامد و انت طالع و بعدين سيب دبرياج
هتسمع صوت كركرة جامد ... و برضو و انت ماشى على التانى او التالت اكبسلها بنزين مره واحده .. المفروض تجرى .. هتسمع كركرة
حد يشوفلنا حل .. على فكره بحط بنزين 92

1- غير محطه البنزين " حط دايما من شل " .
2- اظبط الECU و Air to fuel ratio

انا مش معايا بيرسونا بس حقول لحضرتك ازاى المشكله انتهت عندى .
* قبل صيانه ال80 العربيه كانت بتسقف و هى ماشيه على اى سرعه و مجرد لما المس بنزين تسقف .
ظبط الموتور على اسكانر و ظبط الهوا مع البنزين و المشكله انتهت الحمد لله .
لكن بتظهر معايا لو حطيط بنزين مضروب لكن لما بحط من شل مش بتسقف .!!!

و شوف برده باقى الاراء .

ممكن تقولنا العربيه ماشيه كام كيلو ؟