المشاركة الأصلية كتبت بواسطة momenhamdy
طبعاً شاكر جداً ليك يا استاذ مهاب علي الموضوع المحترم
انا والله عندي مشكله ومش عارف لسه الحل فيها ايه وياريت يا استاذ مهاب تشاركني الرأي في حلها و طبعاً الاخوه الاعضاء المحترمين و الافاضل
المشكله في الاتي
اولاً انا العربية كانت في التوكيل في شهر يناير علشان اثر حادث وتم تغير بعض القطع و كان منها كبوت و اكصدام امامي
المهم و الحمد لله استلمت العربية وكل شئ تمام
ولكن بعد ما استلمتها ظهر عيب غريب جداً وملوش اي لزمه و انا مش عارف الحل في ايه لحد الوقتي
طبعاً طبيعي لو العربية بطلناها و هي علي ال D و حولنا نتدورها العربية مش حتدور تمام ولو علي اي غيار غير ال N او ال P مش حتدور العربية
العيب بأ ان العربية بتكون علي ال P و ساعات متدورش تعمل نفس الحركة و كأنها علي ال D وبحاول ندورها طبعاً التعليقه دي ملهاش ميعاد معين يعني ساعات تحصل و ساعات لالالا وبعدين لما يحصل التعليقه دي لازم تجيب الطابله علي ال LOCK و بعدين تدور تاني تدور العربيه وكأن مفيش اي مشاكل خالص و ادائها زي الفل و لا الهوي
ولكن السؤال انا عايز اعرف العيب دا فين
مع العلم اني رحت التوكيل و قالي دا الكنترول عايز يترستر المهم رستره وحتي انا بلغت الاخ المحترم توت بالموضوع دا وكان من قبلها الاخ المحترم استاذ احمد صيام كان عنده علم بالموضوع دا و برده بلغته ان العربية رجعت كويسه بعد موضوع الريستارت دا الخاص بالكنترول
وبعد كدا ظهر العيب تاني وبصراحة روحت للكهربائي بتاعي
قالي ممكن يكون اتوماتيك المارش او المارش او العربية فيها ارضي مش متوصل سليم
رحتله النهارده و الراجل شيك علي العربية كلها بطريقة محترمه جداً علشان ميفقنديش ضمان الضفيره مع التوكيل و الحمد لله اتوماتيك المارش و المارش و الارضي بتاع العربية كله سليم وحتي كمان جرب يعمل وصله مباشره علي المارش من البطاريه علشان يشوف اذا كان سليم و لا لا و كمان شيك علي كل الفيوزات بتاعت العربية وكله تمام والحمد لله
طبعاً الراجل قالي حضرتك كله تمام و مفيش اي مشاكل في الكهربا بتاعت العربية
انا الوقتي حيران جداًجداً ومفيش حاجة ادامي غير البطارية ياريت تشركوني الرأي في المشكله دي لانها بصراحة معكننا عليا اوي
ويارب يكون حل المشكله قريب ان شاء الله
المفضلات