لازم نتكلم بصراحه عن frv

**m1988** · 03-03-2009 04:30 PM

انا جايب العربيه بقالى اكتر من 4 شهور ولما بمشى على الاول بسمع صوت صفاره جامد اوى لدرجة كل الاماشى جنبى بيبص عليه وروحت التوكيل قبل الصيانه قالى ده عيب دسكات وهى مشكله فى العربيه وحنحلها وفعلا الصوت راح لكن بعديها بى اسبوعين الصوت رجع اكتر من الاول وكمان فى طلعت اى كوبرى بيظهر اوى ورايح بكره ولما اشوف ايه الحكايه انا بابا عنده واحده تانيه سبلندر بجد احسن منها بكتير وندمت ان انا مجبتش زيها هى frv حلوه جدا مع صحبى ومعندهوش الصوت ده وكنت بحبها جدا بس كرهتها بعد المشكله ديه

**Ramy7_7** · 03-03-2009 06:21 PM

السلام عليكم ورحمة الله وبركاته
أولاً أشكرك جدا جدا على طرحك للإستفسار ده وكمان أنك ما بخلتش علينا بأى حاجة أنت عرفتها عن العربية الجميلة ديه .
تانى حاجة ربنا يباركلك فيها وإن شاء الله العيب ده ها يروح منها وتلاقيلوه حل .
على فكرة العربية ديه أنا من أول ما شوفتها أنبهرت بيها وهى فعلاً تستحق كده بس أنا لما روحت كذا معر أتفرج عليها مكنتش مصدق عنيا على أنا شوفته .
يا ترى بقى شوفت إيه :-
لاقيت إن العربية تقفيلها سيئ جدا جدا جدا من عندك الكابوتمن قدام ومن عند الشنطة من حيث أنك لما تبص على الحز بين الكابوت وهو مقفول وبين الفانوس تلاقيه مش مظبوط عليها م الناحيتين وكذلك الشنطة برضو لاقيت العيب ده فى عربيتين من الشنطة من الخلف وكل العربيات اللى شوفتها فى كل المعارض موضوع الكابوت ده مش مظبوط تماماً على العربية من قدام .
ده فعلاً يا جماعة اللى زعلنى جدا جدا من العربية ديه وبعدين ما بالك أنهم مقفلين الكابوت بطريقة رديئة وسيئة كده مش عارف بقى الله أعلم العربية من جوه فيها إيه وإيه تانى برضو مقفلينوا بطريقة سيئة من جوة كده وحسيت فعلاً بالفرق بين العربية ديه (frv) وبين الإسبلندور الممتازة واللى ما فيش مقارنة بينهم من حيث كل حاجة وتقفيل الإسبلندور أحسن بكتير جدا جدا .
وبعدين يا جماعة الكلام ده مش مجرد أنى شوفت عربية واحدة ولا أتنين ده كل العربيات اللى شوفتها فيها عيب تقفيل الكابوت من قدام ده كتير قوى ، لكن عيب الشنطة ده شوفته فى عربيتين بس .
ياريت اللى شايف أى عيب من العربية ديه يقولنا عليه .
مع السلامة

**ezzatfox** · 03-03-2009 06:47 PM

كلام مظبوط .. انا العربية دى كانت عجبانى جدا لغاية ما شفت الحاجات اللى انت اشرت ليها
دة بالاضافة الى ان تقفيل الموتور شكلة ميطمنش و الباب لازم ترزعة عشان يقفل معاك .
و كان فى حاجة تانية مش عارف عدلوها و لا لسة ان العربية بسماعتين امامى فقط و صوتهم مش اد كدة و الازاز الكهرباء كان امامى فقط .

**M.Alshafie** · 03-03-2009 07:30 PM

و الله انا حزين جدا ان فى ناس لسه بتقول رايها من غير ما تجرب
انا العربيه دى معايا بقالها حوالى 4 شهور برضه و ما فيهاش صوت و لا حاجه الصوت اللى فى عربيه m1988 ده عيب فردى فى عربيه واحده حظه جه كده معلش و على فكره ده بيحصل فى اى عربيه و بعدين البا و لا محتاج يترزع و لا حاجه و السماعتين اللى قدام صوتهم حلو جدا لدرجه انى اجلت فكره انى اجيب سماعتين ورا انا مش عارف انتوا جبتوا الكلام ده منين و على فكره الفرق اللى فى الكبوت ده اللى هو اصول من الفانوس شويه ده فى تصميم العربيه يعنى مقصود مش عيب فى التقفيل لو عيب فى التقفيل هيبقى فى كله و لا عربيه و لا اتنين
و على فكره الفرق ده بقى فى تصميم عربيات كتيره دلوقت
ياريت يا جماعه نجرب و بعد كده نحكم انا العربيه معايا و بسم الله ماشاء الله زى الفل

**khaledazizeg** · 03-03-2009 07:39 PM

المشاركة الأصلية كتبت بواسطة m1988

انا جايب العربيه بقالى اكتر من 4 شهور ولما بمشى على الاول بسمع صوت صفاره جامد اوى لدرجة كل الاماشى جنبى بيبص عليه وروحت التوكيل قبل الصيانه قالى ده عيب دسكات وهى مشكله فى العربيه وحنحلها وفعلا الصوت راح لكن بعديها بى اسبوعين الصوت رجع اكتر من الاول وكمان فى طلعت اى كوبرى بيظهر اوى ورايح بكره ولما اشوف ايه الحكايه انا بابا عنده واحده تانيه سبلندر بجد احسن منها بكتير وندمت ان انا مجبتش زيها هى frv حلوه جدا مع صحبى ومعندهوش الصوت ده وكنت بحبها جدا بس كرهتها بعد المشكله ديه

بس مش معنى كدة ان العربية سيئة
داه عيب ظهر عندك انتا بس لغاية دلوقتى
وفى ناس اشترتها من 4 شهور وبتشكر فيها
وبعدين احب أقول لحضرتك حاجة انا كان معايا لانوس 2005 بعد اما جبت العربية بشهرين غيرت الطنابير وعند ال20000كم غيرت طقم دبرياج كامل وغيرت مستر فرامل عمومى ومساعدين وبلاوى كتيرة دخلتلى فى 8000جنية هل معنى كدة ان العربية سيئة ؟
لا طبعا
ليه؟
لأن بيقلك على قد لحافك مد رجليك
مع العلم ان اللانوس بقت مالية الشوارع بالرغم من مشاكلها الكتيرة بس كل واحد وعلى قد فلوسة
وانا ربنا كرمنى الحمد لله ربنا كرمنى بالfrv والعربية ما شاء الله زى الفل وأسعفتنى كتير
بعد ستر ربنا
العربية انقذتنى من انى كنت ممكن اشيل واحدة من كام يوم وكنت هخبط كتير بس الحمد لله العربية اسعفتنى وما شاء الله ثباتها تحفة
والله كنت ماشى ومعايا 4 أفراد وكنت ماشى بسرعة 190كم\س وكمان ماحدش حس بالسرعة خالص الا اما كنت بطير من جنب العربيات وكمان كنت مشغل التكييف
انا كل الى مضايقنى حاجة واحدة ان الفرامل بتعمل صوت صفارة لما بهدى السرعة بس أنا مش مديلة اهتمام لأنى علطول مشغل الكاسيت
لكن مش علشان حضرتك سمعت صوت تقول ان العربية وحشة
وبالنسبة للفارق الى حضرتك بتتكلم عنه بتاع الكبوت والفوانيس حضرتك بص على الجيتا الجديدة 2009 وهتلاقى نفس الفارق تقريبا
وانا كان معايا اللانوس عمر ما كان الفانوس متظبط مع الكابوت

**khaledazizeg** · 03-03-2009 07:41 PM

المشاركة الأصلية كتبت بواسطة ezzatfox

كلام مظبوط .. انا العربية دى كانت عجبانى جدا لغاية ما شفت الحاجات اللى انت اشرت ليها
دة بالاضافة الى ان تقفيل الموتور شكلة ميطمنش و الباب لازم ترزعة عشان يقفل معاك .
و كان فى حاجة تانية مش عارف عدلوها و لا لسة ان العربية بسماعتين امامى فقط و صوتهم مش اد كدة و الازاز الكهرباء كان امامى فقط .

يا راجل حرام عليك داه صوتهم ممتاز بالنسبة لسماعتين هيا مشكلتهم انهم مافيهمش bass عالى
حضرتك اركبها وعلى الصوت

**khaledazizeg** · 03-03-2009 07:49 PM

وبعدين احب اوضح حاجة انا وانا كنت بفكر فى الfrv كنت بفكر فى الجيتز
الجيتز لاقيتها ضيقة من جوا وبعدين التابلوة والعدادات انا من رأيى مش شيك مع العلم انها المفروض شبابية
واحكيلكوا موقف حصل معايا
انا كنت ماشى بالعربية وبجرى لاقيت واحد بجيتز قاعد يشد معايا
والحمد لله كنت بجيبة لان موتورة 107 hp وأنا 101
وهوا وزن عربيتة اصغر وأخف منى
وكنت فى ملف جامد على سرعة 80 تقريبا وقابلنا عربية عطلانة فى نص الطريق انا الحمد لله وبستر ربنا وبعد كدة الفرامل والثبات عرفت اتفادا العربية الى عطلانة وهوا بقى والا عرف يعمل حاجة كل الى حصلة داس فرامل العربية لفت منه جامد قام خابط فى عربيتين كانوا راكنين
اهوا بقى فى الموقف داه لانفعة التقفيل الجيد والا انها معروفة واضمن والا اى حاجة خالص
من ساعتها وأنا حمدت ربنا انى وفقت فى اختيارى

**Mostafa Hessen** · 03-03-2009 10:20 PM

المشاركة الأصلية كتبت بواسطة m1988

انا جايب العربيه بقالى اكتر من 4 شهور ولما بمشى على الاول بسمع صوت صفاره جامد اوى لدرجة كل الاماشى جنبى بيبص عليه وروحت التوكيل قبل الصيانه قالى ده عيب دسكات وهى مشكله فى العربيه وحنحلها وفعلا الصوت راح لكن بعديها بى اسبوعين الصوت رجع اكتر من الاول وكمان فى طلعت اى كوبرى بيظهر اوى ورايح بكره ولما اشوف ايه الحكايه انا بابا عنده واحده تانيه سبلندر بجد احسن منها بكتير وندمت ان انا مجبتش زيها هى frv حلوه جدا مع صحبى ومعندهوش الصوت ده وكنت بحبها جدا بس كرهتها بعد المشكله ديه

أخى الكريم بصراحة انت بتظلم العربية جدا لأن الحمد لله العربية ذى الفل ماشاء الله معايا وعامل 2500كم مفيهاش مشاكل خالص وبالعكس ممتازة جدا جدا وكون عندك مشكلة فدى بردك مشكلة بسيطة زمحتاجة منك تروح مركز الخدمة وحيصلحوه ان شاء الله..

**Mostafa Hessen** · 03-03-2009 10:27 PM

المشاركة الأصلية كتبت بواسطة Ramy7_7

السلام عليكم ورحمة الله وبركاته
أولاً أشكرك جدا جدا على طرحك للإستفسار ده وكمان أنك ما بخلتش علينا بأى حاجة أنت عرفتها عن العربية الجميلة ديه .
تانى حاجة ربنا يباركلك فيها وإن شاء الله العيب ده ها يروح منها وتلاقيلوه حل .
على فكرة العربية ديه أنا من أول ما شوفتها أنبهرت بيها وهى فعلاً تستحق كده بس أنا لما روحت كذا معر أتفرج عليها مكنتش مصدق عنيا على أنا شوفته .
يا ترى بقى شوفت إيه :-
لاقيت إن العربية تقفيلها سيئ جدا جدا جدا من عندك الكابوتمن قدام ومن عند الشنطة من حيث أنك لما تبص على الحز بين الكابوت وهو مقفول وبين الفانوس تلاقيه مش مظبوط عليها م الناحيتين وكذلك الشنطة برضو لاقيت العيب ده فى عربيتين من الشنطة من الخلف وكل العربيات اللى شوفتها فى كل المعارض موضوع الكابوت ده مش مظبوط تماماً على العربية من قدام .
ده فعلاً يا جماعة اللى زعلنى جدا جدا من العربية ديه وبعدين ما بالك أنهم مقفلين الكابوت بطريقة رديئة وسيئة كده مش عارف بقى الله أعلم العربية من جوه فيها إيه وإيه تانى برضو مقفلينوا بطريقة سيئة من جوة كده وحسيت فعلاً بالفرق بين العربية ديه (frv) وبين الإسبلندور الممتازة واللى ما فيش مقارنة بينهم من حيث كل حاجة وتقفيل الإسبلندور أحسن بكتير جدا جدا .
وبعدين يا جماعة الكلام ده مش مجرد أنى شوفت عربية واحدة ولا أتنين ده كل العربيات اللى شوفتها فيها عيب تقفيل الكابوت من قدام ده كتير قوى ، لكن عيب الشنطة ده شوفته فى عربيتين بس .
ياريت اللى شايف أى عيب من العربية ديه يقولنا عليه .
مع السلامة

أخى الكريم الكبوت مفيهوش فروق ولا حاجة بالعكس هى تصميمها كده وشيك جدا وفعلا لو بصيت على الجيتا 2009 حتعرف وممكن تبص على اليارس وممكن الأفيو كل دول فيهم فروق...
بلاش نقول كلام غير سليم أما بخصوص تقفيل الكبوت فحرام عليك شكله كويس ولا انت متفرجتش على النيسان صنى من جوة الكبوت يا جماعة بلاش نحكم بلا تجارب..
يا اخوان العربية ماشية مع كل الناس زى الفل محدش عنده مشكلة كبيرة أو خطيرة والحمد لله ...
محدش فيكو سمع عن مشاكل الأفيو ده فى واحد خلال شهر كان مرجع أفيو للوكيل واضطر يخسر 5000 جنيه ويرجعها بسبب مشاكلها والناس اللى معاهم جين تو والعربية جابت موتور قبل 5000كم ومشاكل كتير قوى فى عربيات تانية الحمدلله الكلام ده مش موجود
بلاش نحكم بلا تجربة...