ريو....الإبن الغير شرعي لعائلة كيا!!

**Ahmed82** · 03-03-2009 04:40 PM

اتابع المنتدي من فترة ليست بقليلة واحب اشكر ادارة المنتدي علي المجهود الرائع وكذلك الزملاء المحترمين المشتركين.
المهم منذ اكثر من 4شهور قررت ابيع عربيتي واشتري جديد وقررت اتأني في اختيار العربية عشان مش ناوي ابيع يعني عاوز عربية عمر بامكانيات جيدة وتوكيل محترم وقطع غيار لعقولة.السيولة اللي متوفرة حوالي 80000.من غير ماطول شوفت الكيا ريو في معرض العربية عجبتني جدا وسألت عليها الكل شكر فيها.
السؤال: ليه حالة التجاهل الرهيب من التوكيل في الدعاية والترويج والمنافسة بها?
بقالي 4شهور لا شوفت ليها اعلان لافي جرنال ولاغيره مش عارف ليه كل الدعاية وحتي العروض للسيراتو و البيكانتو اللي نجحوا بفضل تكثيف الدعاية اولا ثم اثبات الكفاءة كعربيات.
ده طبعا ادي الي تفوق كاسح للسيارتين علي حساب منافسيهم واشهرهم الهيونداي وده برضة هوا اللي ادي الي نفس التفوق الكاسح للنيو اكسنت علي الريو وانخفاض سعر اعادة بيعها لقلة انتشارها.
وجهة نظري المجردة ان الريو مظلومة بجد وانها افضل من النيوأكسنت او علي الأقل تستحق المنافسة الشريفة.
وأخيرا لم اري توكيل يملك 3 موديلات منافسة ويهمل احدهم بهذا الشكل في حين ان الهيونداي تنافس وبقوة بأكثر من 10 موديلات.
كلمة للوكيل ياتدعمها ياتسحبها
اسف علي الإطالة

**ahmedehab** · 03-03-2009 08:48 PM

عندك حق والله

**kliken** · 03-03-2009 09:23 PM

الريو من العربيات اللى فعلا مظلومه عندك حق مع انها عربيه تحس انها قويه و محترمه و الهاتشباك بتاعها جامد

**amek** · 03-03-2009 11:40 PM

انا برده محتار بين الريو ولافيو و الاكسنت.........الريو عجبانى بس ناس قالتلى انتشارها مش اوى..وقطع غيارها فى التوكيل بس.............
ارجوك لو تقدر تفيدنى بمعلومات عنها وعامله ايه معاك...؟..

**AHMEDCAR** · 04-03-2009 11:27 AM

احب اقول حاجه الريو و النيو اكسنت نفس الشاسيه و فاعده العجلات و كل حاجه الاتنين واحد

بس الريو لو 1400 تختلف علشان النيو اكسنت مافيش منها غير 1600

متهايالى الصور دى اكبر دليل

**mramzy** · 04-03-2009 11:34 AM

مش عايزين نسنى ان هونداى اشترت كيا من فتره وعلشان كده هتلاقى قطع الغير عليها العلامتين بس بحس ان الكيا واخده عنيا اكثر من لاهونداى من حيث التقفيل والفخامه