فكرة خيرية لوجه الله

**the-hero** · 03-03-2009 06:11 PM

السلام عليكم ورحمه الله وبركاتة
أيه رأيكم نعمل مجموعات تبرع بالدم للمحتاجين منا ومن قرايبنا والمعراف وكل اللى نعرفهم من المواطنين
دلوقتى بقت ظاهرة الحوادث كتيرة أقوى مع وجود نودرة فى فصلائل الدم وغلو ثمن أكياس الدم فى المستشفيات وبنك الدم
فبقترح تكوين جماعة مساعدة المحتاجين لنقل الدم
وانا على أستعداد للتبرع بالدم لأى محتاج فى اى حته بقدرتى أروحها
ومننساش ان أحنا على طريق وممكن لاقدر الله نقع فى أى موقف زى ده
والكل عارف طبعا مدى أهتمام الحكومة بصحة المواطن
وربنا يكفينا ويكفيكم شر حوادث الطرق والكوارث كلها
انه ولى ذلك والقادر عليه
والسلام عليكم ورحمه الله وبركاته

**eng.octooo** · 03-03-2009 08:21 PM

فكرة حلوة بس مش قابلة للتطبيق يعنى صعب تلاقى المواعيد متوافقة وغير كدة انت مش هاتبقى تحت التليفون بالطلب دة لازم بنك للدم وطبعا محدش هايسيب دمة لمكان ممكن يبيعة او يتصرف فية بطريقة غير صحيحة
انا عن نفسى اوافق بس اعرف الموضوع كويس الاول

محدش يزعل من الصراحة دة راى شخصى مش اكترررر

**the-hero** · 03-03-2009 09:00 PM

هى صعبه شويه بمعنى
ان فى حد قريبه او جاره او حد يعرفه محتاج نقل ده
يقول يا جماعة عاوزين نقل دم لشخص ما عنده ظروف او اهله مش عارفين يجيبوا له ده او عنده اى عزر
وفى ناس فعالة للخير كتير وهتلبي ندائه ان شاء الله
وانا واحد من الناس ديه وفى غيري كتير

**MoOoD** · 03-03-2009 09:02 PM

محتاج أعرف شويه معلومات عن التبرع بالدم
قرأت فى مجله من زمان إن المتبرع لابد ان يتبرع كل فتره..هل هذا الكلام صحيح.
وايه معلومات عن التبرع مشاكله فوائده ياريت تذكرها
-----
من الممكن ان يترك الأشخاص الراغبون فى التبرع رقم الهاتف المحمول وذكر المنطقه التى يسكن بها أو المدينه مع ذكر فصيله الدم..
وفى حاله إحتياج أى شخص من الممكن أن يتصل على أقرب مجموعه ...هذا مجرد إقتراح
جزاك الله خيرا أخى على الفكره

**mohmd76** · 03-03-2009 09:47 PM

شروط كثيرة يجب ان تعرف قبل التبرع بالدم
اولا قلب سليم 100 % وضغط معتدل ولا توجد اى امراض بالقلب صمامات او تمدد شرايين او ضغط مرتفع او منخفض
ثانيا السلامة والعافية من اى امراض مستعصية او معدية او متوطنة
ثالثا بنية جسدية وجسمانية قوية ووزن مثالى وجيد لا يقل عن 60 كجم
السن من 20 الى 40 عام مع كل الشروط السابقه