الموضوع: اجييييب افيو وانا مستريح ولا اجى على نفسى فى الفلوس واجيب اوبترا؟؟

والله انا رائي ياباشا تطلع من الفئه دي تعمريها اقل من الفئه الاكبر

ك النترا او سيراتو او اوبترا

الاوبترا عربيه عائليه من الدرجه الاولى ومريحه لجميع الركاب

وتتمتع بثبات كويس مش بطال على الملفات وراحه كويسه جدا على الطرق والخطوط المستقيمه
وزيها السيراتو كمان حلوه وعائليه
النترا اثبت منهم ملفات بس اقل في الراحه سنه

وان كان رايي ان في الفئه الي اقل من 85 تبقى جين 2
بس دي فعلا محدش ضامنها احيانا بتطلع في عربيات عيوب
برضو محدش يعرف درجه تعمير العربيه اد ايه

عامه انا لو مكانك هشوف حالتي ايه هل العربيه الي هجيبها لازم تقعد وتبقى عربيه للسنين لو كده هاجي على نفسي وانا مش خسران واجيب سيراتو او اوبترا وان كنت شخصيا اميل للسيراتو

انما لو عربيه هتقعد سنه ولا اتنين بالكتير هختار جين 2 او نيو اكسنت
او ممكن اتكلم في اليوزد كار برضو اقل من 80 الف دلوقتي في الوقت الحالي والسوق الضايع ده يجيبولك اي من العربيات ال 3 الي فوق
وهتبقى حالتهم كويسه جدا جدا جدا

just go and get the optra

شكرا جزيلا على الردووووووود....انا خلاص حصرت التفكير فى نيو اكسنت او افيو .........................والاسبوع ده حقرر بعد ما حجرب الاتنين..وربنا يسهل ويوفقنى فى الاختيار

انا معايا اوبترا 2007اوتوماتيك العربية زي الفل انا كنت محتار زيك تمام وكنت قارن بينها وبين فيرنا ياريس سيتي
الحقيقة هي واسعة وقوية وقطع الغيار متوفرة وبياعة وشيك وكاملة الكماليات ورخيصة ومش مصري
ولكن الحلو ما يكملش
علبة الدركسيون فيها مشاكل صحيح بتتغير في التوكيل (محترمين جدا )
التكييف ناقص فريون
صوت نحر في الماتور(تم تغيير الشداد وطلمبة المياه)
لكن بردو فك الماتور كذا مرة مش كويس ولسة معملتش 15000 كم
ووقت مهدر لانك لازم تروح الصيانة في الهرم وانا في م.نصر (حاجة تفقع)

اوبترا اكيد أحسن و أقوى و أوسع............

الأفيو بأحس انها مشبوهة......يعني ممكن تطلع كويسة أو وحشة مش مضمونة يعني

و من الأخر كله مش مضمون سيبها على الله

المشاركة الأصلية كتبت بواسطة amek

يا جماعه انا حشترى عربيه الاسبوع ده بس انا بالظبط ممكن اجيب افيو كورى كامله.....بصراحه العربيه عجبانى اوى ......بس للاسف فى ناس برده مقلقانى منها
بتقوللى تعالى علىنفسك وهات اوبترا..
بصراحه الاوبترا شكلها تقليدى بس عربيه جامده بس لو جبتها حاجى على نفسى جااااااااامد اوى فى الفلوس........
فهل فعلا مستاهله ولا الافيو عربيه مناسبه؟؟؟
ارجو الافاده انا محتااااااار جدا
:u_thin1[1]::u_thin1[1]::u_thin1[1]::u_thin1[1]::u_thin1[1]::zb_sor1[1]::zb_sor1[1]:

ما تحيرش روحك و تسمع كلام كتير

أول حاجة تدور عليها أنا عايز أية من العربية ؟ يعنى أية هى الأمكانيات اللى أنا محتاجها فعلياً
تانى حاجة السعر أية بالنسبة للفلوس اللى معايا و لو كنت هتقسط لازم تبص لمستوى دخلك لأنك ممكن تقدر تدفع قسط العربية لكن ماتقدرش تمولها بنزين

بالنسبة لسؤالك

أنا عندى أفيو 2006 عاملة حوالى 80 ألف و ما عنديش فيها أى مشاكل من يوم ما جبتها فى مارس 2006

و عندى أيضاً أوبترا 2008 أوتوماتيك داخلة على 40 ألف و أيضاً ليس عندى معها أى مشاكل من يوم ما جبتها فى مايو 2008

مع علم سيادتك بأن عربياتى الأتنين شقيانين لأنى مشاويرى و سفرياتى كتير