وندر لاند

**sherif222** · 03-03-2009 07:24 PM

يا جماعة ممكن حد يوصفلى الطريق من المعادى بالعربية أروح لملاهى وندر لاند اللى بيقولوا انها فى مدينة نصر والله أعلم ... معلش ما عنديش خبرة بالطرق والأولاد من ساعة ما جبت العربية بيلحوا عليا نروح هناك فأكون شاكر جدا ليكم

**AboELsoud** · 03-03-2009 07:33 PM

بص يا باشا انا معرفش ازاي تطلع من المعادي على كوبري اكتوبر
بس اللي اعرفه لما تركبه هاتنزل نزله مدينه نصر في طريق النصر و هاتفضل مكمل على طووووول هاتسيب اول لمين (شارع يوسف عباس)
و هاتسيب تاني لمين (شارع الطيران )
هاتخش في التالت (شارع عباس العقاد) و هاتفضلل ماشي على طووول
هاتلاقيها على اليمين بعد الحديقه الدوليه
رحله سعيده

**EslaM_NagY** · 03-03-2009 08:15 PM

المشاركة الأصلية كتبت بواسطة m_a_aboelsoud

بص يا باشا انا معرفش ازاي تطلع من المعادي على كوبري اكتوبر
بس اللي اعرفه لما تركبه هاتنزل نزله مدينه نصر في طريق النصر و هاتفضل مكمل على طووووول هاتسيب اول لمين (شارع يوسف عباس)
و هاتسيب تاني لمين (شارع الطيران )
هاتخش في التالت (شارع عباس العقاد) و هاتفضلل ماشي على طووول
هاتلاقيها على اليمين بعد الحديقه الدوليه
رحله سعيده

نفس الى كنت حقوله بالملى.

**sherif222** · 04-03-2009 12:02 AM

معلش يا جماعة فين كوبرى اكتوبر ده ؟؟؟

**ecybrarian** · 04-03-2009 10:53 AM

انت عارف الدائري بتاع كارفور..خليك على الدائري بتاع كارفور في اتجاه القاهرة الجديدة..وبعدين انزل من مخرج العين السخنة (بعد كارفور بشوية) وبعدين ادخل شمال مع الصنية وعدي من تحت النفق. وبعدين خليك ماشي طوااااالي (خليك ماسك الجانب اليمين علشان الشمال في حفر بتظهر على فجأة)..هاتلاقي بنزينة وطنية على ايدك الشمال..كمل طوالي كمان لحد أول تقاطع (هاتلاقي بنزينة التعاون على ايدك اليمين)..خش يمين مع البنزينة في شمال مع الصنية في أول يمين عمومي (ناصية ارابياتا الشبراوي) امشي لحد اول ميدان (تقاطع ذاكر حسين مع عباس العقاد) وادخل شمال في عباس العقاد هاتلاقي وندر لاند على بعد 300 متر على ايدك الشمال.

لفه شكلها طويلة..بس بجد ارحم 100 مرة. الكلام إللي جاي هايخليك تدحل في الزحمة بس شغال برضه. ادخل الاتوستراد لحد عباس العقاد (بعد جامع رابعة) وبعدين كمل لحد آخر عباس العقاد.

او ادخل شارع الطيران (يمين ميدان رابعة) لحد شريط المترو. وبعدين لف u-Turn وخللي شريط المترو على ايدك الشمال وطوالي لحد عباس العقاد وبعدين يمين للآخر.

***أصل انا متربي هناك في حي الزهور فحافظ كل الطرق..وتحت امرك

**sherif222** · 04-03-2009 08:05 PM

شكرا جدا جدا جدا يا أخى .. وصفة جميلة لأنى بحب التفصيل

**eng.octooo** · 04-03-2009 08:09 PM

انت عارف الدائري بتاع كارفور..خليك على الدائري بتاع كارفور في اتجاه القاهرة الجديدة..وبعدين انزل من مخرج العين السخنة (بعد كارفور بشوية) وبعدين ادخل شمال مع الصنية وعدي من تحت النفق. وبعدين خليك ماشي طوااااالي (خليك ماسك الجانب اليمين علشان الشمال في حفر بتظهر على فجأة)..هاتلاقي بنزينة وطنية على ايدك الشمال..كمل طوالي كمان لحد أول تقاطع (هاتلاقي بنزينة التعاون على ايدك اليمين)..خش يمين مع البنزينة في شمال مع الصنية في أول يمين عمومي (ناصية ارابياتا الشبراوي) امشي لحد اول ميدان (تقاطع ذاكر حسين مع عباس العقاد) وادخل شمال في عباس العقاد هاتلاقي وندر لاند على بعد 300 متر على ايدك الشمال.

لفه شكلها طويلة..بس بجد ارحم 100 مرة. الكلام إللي جاي هايخليك تدحل في الزحمة بس شغال برضه. ادخل الاتوستراد لحد عباس العقاد (بعد جامع رابعة) وبعدين كمل لحد آخر عباس العقاد.

او ادخل شارع الطيران (يمين ميدان رابعة) لحد شريط المترو. وبعدين لف u-Turn وخللي شريط المترو على ايدك الشمال وطوالي لحد عباس العقاد وبعدين يمين للآخر.

***أصل انا متربي هناك في حي الزهور فحافظ كل الطرق..وتحت امرك

+10000000000000000

**heshaaam** · 06-03-2009 04:17 AM

بص انت ملكش غير الاوتو ستراد والدائرى زى ماقلك هشام

اكتوبر بعيد عن المعادى وانت شوف ايهم اقرب لك كارفور ولا الاوتوستراد

كارفور هيبقى طريق طويل وسريع تخده لو الدنيا زحمة وهتخلع من قرف المعادى وم نصر بس اطول كويس ف الذروة

الاوتوستراد سريع بس ازحم وكمان هتتزحم كتير ف م نصر وابعد عنه ف ايام الافراح وخروج الموظفين بس حلو ليلا وهتمشى اقل بس جوة م نصر