طب والحل يا استاذ احمد يعنى ااغير الكاوتش تانى ولا ايه دى طبعا حاجه صعبه دلوقتى
عرض للطباعة
طب والحل يا استاذ احمد يعنى ااغير الكاوتش تانى ولا ايه دى طبعا حاجه صعبه دلوقتى
مش للدرجة دي ده كل الفرق 3 مم في النص قطر
http://img102.herosh.com/2009/06/20/513684908.jpg
محمد فؤاد
فيرنا 1600 هاف اوبشن اوتوماتيك مواصفات امريكى
148800 كيلومتر موديل 2001
المشاكل عديدة ولكن حلها سهل
حساسات الفتيس وt.p.s
وباقى المشاكل كانت تغير اشياء دورية
1- زيزت وفلاتر - وسيور - وتيل فرامل - ومساعدين خلفى
2- ضبط زواية - وضبط قفل الشنطة الخلفية
عموما هى عربية محترمة وقوية
عفشت المتسبيشى وموتورها مشابه
لكن الفيرنا احسن بكتير على الطريق لفرق الوزن والثبات على الطريق
انا اعرف عيوب كتير وحلها عن العربية
استهلاك البنزين متوسطه حسب طريقة السواقة
فى البلد 100كم=> 12.5 لتر
فى السفر 100 كم=> 9 لتر
بيسرخ فى الملفات و على طول و انتت ماشى طوالى برضو
باركولى اخيرا طلعت من عهد الفيات و دخلت عالم الفيرنا
استلمتها من شهرين و نص و لينتها على 80كم/س لمسافة 500 كم و سرعتى القسوة كانت 90 (110 حالياً) لغاية ما رحت اعمل الصيانة فى ابو رواش (كان يوم ممل جداً) و مشغلتش التكيف لغاية مكملت 2000ك و دلوقتى عامل 4200 (المعيشة فى القاهرة بتعد جامد على العداد)
المهم لاحظت حاجات كتيرة
- رعشة فى العربية بمجرد ما اعدى 100كم/س مش يترح بالترصيص
- اتزان عجيب بعد 80 كم/س (العربية زى ماتكون على سنة و تعوم)
- طارة الدريكسيون مايلة سنة للشمال بس مالهاش علاقة بالمشى
- فرامل ضعيفة جدا (فرامل اللادا بتاعت الوالد كانت حساسة اكتر بس احسن من اللانوس بمراحل)
- التكيف جيد جداً فى التبريد بس بيقتل الموتور و سحبه (و تصقف لو كانت ماشية على بنزين 90) و الفرامل و الباور و الدبرياج يضعفوا
- بمجرد جلوس اى شخص على الكنبة الخلفية العربية بتهبط جامد و تخبط من تحت فى المطبات (طبعا امشى بالراحة احسن بس السفر مفاجأته كتير)
-تقفيل ردىء فى الفرش الداخلى (غطاء القوايم اليمين، كلبسات فرش الارضية، ممكن تقول رفايع ربنا يستر علينا)
- ملحوظة هندسية، هوا باكيت الابواب ده منظر ولا عشان يمنع التجريح من ابواب السيارات الركونة بجوارك)
- الكراسى مريحة و واسعة و ممكن اقعد مرتاح برجليا الطويلة (الله يمسيكى بالخير يا عزيزة و يرزقك بإبن الحلال إللى يقدرك)
- بس الكنبة ماتشيلش تلاتة مرتاحين (و انا مش عايز اشيلهم عشان بتهبط قوى بالعربية)
بالنسبة للصيانة فى أبو رواش
- ممله ( يا ريت كنت كلمت حد يجيى معايا كنا قضينا اليوم فى مكان تانى و نرجع و ماتكونش العربية دخلت دورها)
- خدوا اكتر من 6 ساعات عشان يغيروا زيت و فلتر و كشف على الميكانيكة الاساسية و تظبيط عفشة (و اتعرفت على واحد على 5 العصر كان سجايره خلصت اكمنوا قاعد من 9 الصبح و استلم عربيته بعدى)
- المهندسين مش فاضين يتابعوا اللى فى الورش ( و طبعا مش فاضين لأسئلة الزباين)
- لم يتم تعديل طارة الدريكسيون فقط اكتفوا بظبط الزوايا (انا اشك إنهم عملوا حاجة غير ربط العفشة)
- تم شد ريجلاج الفرامل و الدبرياج بدون علمى او تسجيله فى اى الاوراق (انا مش عارف ده كان نظام معروف فى الصيانة ولا اهتمام شخصى من المهندس بعد سؤالى عنهم بعد ما إستلم منى العربية ولا ده كرم من الصنايعية)
- عندما سألت عن اسعار بعض قطع الغيار عند المبيعات لم يكونوا مرحبين للإجابة لعلمى فقط (يعنى لازم اشترى عشان اعرف سعرها و توفرها عندهم ؟؟؟؟)
- لا يبدون قابلية لعمل تعديل على نظام الفرامل (ايه فيهل لو عايز اركب نظام abs بتاع الالنترا فى الفيرنا؟)
- ولا كان عندهم فكرة عن كيفية تعديل العفشة عشان مشكلة ارتفاع العربية و التحميل
بصراحة اخره زى فندق 3 نجوم فى وسط عالم الفنادق
نفسى أسأل عن حاجات ليها فى مدينة نصر او الجيزة لزوم النظافة و التلميع و الاكسسوار و إن كان حد عنده فكرة عن تعديل العفشة و الفرامل
ارجوا إن كلامى كان فيه افادة او تأكيد و اشكر مقدما صاحب أى إجابة عن تسؤلاتى
مبروك عليك العربية ياباشا وبالنسبة لكام حاجة ان قلتها صح و حاجات تانية تتضبط
الرعشة دى اعتقد من الجنوط الحديد نفسها وحشة كانت عندى و اختفت تماما لما غيرت لجنوط سبور
احساسك بالتعويم راجع للكاوتش اللاسا الزبالة او النسر !!!! برضوا راحت مع الكاوتش المستورد
الطارة اعدلها فى بريدجستون فى 5 دقايق !! الفرامل دى مشكلة عامة فى الفئة دى بس عايز افهم حضرتك ان بعد ما جنطت و عرضت الكاوتش اتحسنت بنسبة 60 فى المية ولسة بكرة حركب انشاالله طنابير جديدة و تيل الاوتوماتيك
بالنسبة للتكييف فى اى عربية فالدنيا بيقلل ادائها بنسبة 30% تقريبا انت و سعة موتور العربية
باقى اللى قلت علية للاسف موجود بس دة مش عيب فى السيارة دة عيب فى شوارعنا الجميلة !!!