مين الكبار دول يبني :Oc_sun1[1]:
ودفعة إتصالات في حدود ال٥٠٠ (مش أكيد لإني في باور)
عرض للطباعة
يا يوكو رد عليا ما تعرفش دفعة إتصالات عندكوا كام ؟؟
اسف ما شفتهاش فوق ما أنا عارف انك باور أصلى فى رابعة اتصالات عين شمس و كنت متخانق مع واحد صاحبى ان حلوان أكتر مننا ومكنش مصدقنى
عايز صور تعديل فيرنا
:verygood:
أشرف باشا
أنا معايا فيرنا 2011 هاف أوبشن
جبتها قبل الثورة
مع شديد الأسف
أسوأ توكيل العربية زي ما دخلت زي ماخرجت
أنا عندي كام شكوي ما أول ألف كيلو و ياريت تفيدني
الاولي كانت العربية بتسحب بنزين بشراهة
الثانية سخونة العربية مع أقل مشوار
الثالثة فى تكة مع أخر مشوار الدركسيون
الرابعة بعد ما أروح مشوار و أبطل العربية وأنزل أشتري حاجة أركب العربية و أدورها العربية تقيلة فى طلعتها زي ما تكون بتاكل بنزين كتير
تقريبا فى مشكلة فى دورة البنزين
الخامسة حاسس أن العربية فى مشكلة فيها مع الديبرياج لأني لما باكون فى زحمة ماشي اول و تاني الديبرياج أحيانا بيعلق أضطر أرفع رجلي من على الديبرياج و احط رجلي تاني عشان يفصل
أخيرا أنا كان معايا فيات دلوقتي بتمني ترجع أيامها و أركب تكييف ليها و تبقي تمام معايا أنا بحب الجري كنت بجيب بال 128 150 أحيانا
بس اهو النصيب
المهم يا باشا حاول تفيدني
اهلا بيك يا عزيزي
اسمحلي اتناقش معاك في كلامك قليلا
لا تتأسف انك جبت العربية لأن الفيرنا عربية جيدة واعتمادية وهتثبت كفاءتها معاك فمتستعجلش عليها وهي الأفضل بجد
*من حقك تقدم شكوى في التوكيل على التليفون بتاعهم على الرقم المختصر 16101 واختار ابداء الرأي وقدم شكوى وصدقني هيحلوا معاك المشكلة بتاعتك بكل تأكيد وعن تجربة -بتاع شكاوى قديم انا -
*خلينا نتفق على ان العربية مش هتديك كفاءتها الفعلية غير بعد اول 5000 كم وخلينا نتفق ان اول 2000 كم هما فترة تليين للموتور عشان يديك اعلى كفاءة ليه
*استخدام البنزين بشراهة دا طبيعي جدا في اول الف كم وهتلاقي ان استهلاك البنزين بتاعها بقا رائع خصوصا بعد ما تعدي ال 5000 كم زي ما قلتلك
يكفي اني اقلك ان صفيحة البنزين على الطريق السريع بمتوسط سرعة 110 كم بتعمل معاك مسافة 400 كم تقريبا ودا شيء رائع جدا
*تقصد ايه بسخونة العربية؟!
مؤشر الحرارة بتاع العربية هتلاقي فيه نقطتين كدة بيكون المؤشر واقف في النص بينهم ودي درجة حرارته الطبيعية لو زادت عن كدة يبقا فعلا حرارتها بتعلى ولكن لو فضلت ثابتة فدي درجة الحرارة الطبيعية بتاعتها وتقريبا هتلاقي المؤشر مرتفع لربع تقريبا دا العادي لا تقلق
*وانت ضاغط فرامل واللا بدون فرامل؟!
لو بدون فرامل يبقا دي مشكلة قلهم عليها عشان يحلوها
*هل بتنتظر ان الموتور يعمل التشيك اللازم بتاعه واللا بتدور وتطلع على طول؟!
يفترض انك تنتظر مسافة نصف دقيقة تقريبا قبل ما تتحرك بالعربية على اساس يكون اتعمل فحص على انظمة العربية كلها وبالتالي تشتغل معاك تمام
*الدبرياج هيتظبط معاك بعد 5000 كم زي ما قلتلك متقلقش
هوبيبقا تقيل شوية في الاول وقد تشعر ان العربية بترفض تاخد اولاني معاك لما تجيب من التاني للأولاني دا طبيعي جدا في فتيس الفيرنا وممكن الحركة تحصل معاك في المرشدير برده طبيعي جدا فيها
ازيكم يا شباب
احب اعرفكم بنفسي وانضم لرابطة الفيرناوية
أشرف الجوهري
24 سنة
فيرنا 1600 سي سي فيراني اللون موديل 2010
20000 كم -الصيانة يوم الخميس الجاي ان شاء الله عشان هي عاملة دلوقتي 19720 كم
اتشرفت جدا بوجودي في المنتدى الرائع دا وتحت امركم في اي شيء