أغبي أدارة مرور بمصر

**Samir Elshahawy** · 04-03-2009 12:19 AM

ربنا يسترها معاك ومع الكل لكن رجاء خاص هدي اعصابك وانت سايق مفيش حاجة تستاهل واهم شئ انك ترجع بيتك بالسلامة

سيدي الفاضل .. أشكرك شكرا جزيلا

فعلا أنا كنت عصبي النهاردة جدا خاصة في المساء أثناء العودة , بجد مش أنا اللي كنت سايق ده كان واحد تاني

بس فعلا انا بأمر اليومين دول بضغوط رهيبة في الشغل و البيت و كل حته ده بخلاف مشاكل الطرق و اللي بأعانيه يوميا من سائقي السيارات الأخري بأختلاف أنواعها و قوانين و أجراءات و روتين البلد

أنا كنت عايش بره مصر علشان كده مخنوق من اللي بيحصل هنا و كل ما أسافر و أرجع أبقي ها أتجنن من أوجه المقارنة

أنت أكيد تعرف أن اللي يتغرب عن بلده بيعرف قيمتها و يتمسك بيها أكتر و بيبقي نفسه يشوفها أحلي من كل بلاد الدنيا اللي شافها

انا كان نفسي اوصل رسالة النهارده بس للأسف ماوصلتش و ده اللي ضايقني , لكن معلش "وعسي أن تكرهوا شيئا و هو خير لكم"

**Dr Ahmed** · 04-03-2009 12:28 AM

مافيش مرور فى مدينة أغبى من التانى علشان محدش منهم يزعل لإنهم غالبا بيتنافسوا على اللقب ده

فى بنها بقيت أنكسف ألتزم بأى قاعدة مرورية لإن القانون السائد هو مخالفة القانون وتحت بصر عتاولة المرور وفى أهم ميادين بنها وبجوار فيللا مدير الأمن - فاضل حاجة أكتر من كده؟

بصراحة -وعلى منا فاكر - الحال قبل القانون الجديد كان أقل سوءا

وبعدين هو دى الحاجة الوحيدة الفاشلة؟؟؟؟؟؟؟؟؟؟؟؟
الفشل شاااااااااااااااااااااااا امل يابلد

**mo7a_mo7a** · 04-03-2009 12:32 AM

المشاركة الأصلية كتبت بواسطة bishoy02010

مهوة بجد مستفز بزيادة شوفت داخل يقول إيه ... على فكرة انا مكنتش شوفت رد صاحب الموضوع يلا حصل خير :) وشكرا على النصيحة

العفو يا فندم نورت

**l0new0lf** · 04-03-2009 09:35 AM

الاتاوات المفروضه من ادارات المرور مختلفة و كل محافظه لها نظامها
يعنى انا كنت رايح راس البر من شهرين و ماشى 70 و كل الناس عدتنى و وقفونى فى كمين السلام سرعه 120 كل ده علشان النمر ملاكى جيزه
و برضه فى كفر الشيخ اى نمر غريبه العسكري هيجيلك ياما تديله 10 جنيه فى حب تنميه المدينه ياما يلدعك مخالفه محترمه

**حماده المصري** · 04-03-2009 09:44 AM

ربنا يكون في عونك يا صاحب الموضوع
بس ابقى خلي بالك بعد كده وربنا يستر

بصراحه الاستاذ موحا موحا

ونعم الانسان المتزن

اخلاق عاليه وثقافه عاليه

بصراحه بتابع لك معظم ردودك ومواضيعك

ربنا يبارك فيك ويكرمك موحا

**lancerevolution** · 04-03-2009 10:04 AM

الى عايز يمشى فى بلد من غير مرور على الإطلاق و لا إشارة و لا أى غم روح منوف البلد دى ما فيهاش عسكرى مرور رغم إن فيها إدارة مرور العساكر بيبقوا بس عند كلية الهندسة و بيبقوا واحد أو إتنين قاعدين تحت الشجرة مع سواقين الميكروباصات "الى بتمشى بطاقة الرياح" ولا فى الماغ خالص
أنا بروح الكلية دى بقالى سنتين و نص لسة شايف أول عسكرى إمبارح بعيدا عن الكليةو حتى كمان كان قاعد على جنب فى الضل
هناك فى منوف محدش بيربط حزام و مافيش موتسيكل لابس خوذة و كله تمام

**Haitham10** · 04-03-2009 05:54 PM

المشاركة الأصلية كتبت بواسطة l0new0lf

الاتاوات المفروضه من ادارات المرور مختلفة و كل محافظه لها نظامها
يعنى انا كنت رايح راس البر من شهرين و ماشى 70 و كل الناس عدتنى و وقفونى فى كمين السلام سرعه 120 كل ده علشان النمر ملاكى جيزه
و برضه فى كفر الشيخ اى نمر غريبه العسكري هيجيلك ياما تديله 10 جنيه فى حب تنميه المدينه ياما يلدعك مخالفه محترمه

+++++++++++1
صححححح

**حماده المصري** · 04-03-2009 05:57 PM

المشاركة الأصلية كتبت بواسطة l0new0lf

الاتاوات المفروضه من ادارات المرور مختلفة و كل محافظه لها نظامها
يعنى انا كنت رايح راس البر من شهرين و ماشى 70 و كل الناس عدتنى و وقفونى فى كمين السلام سرعه 120 كل ده علشان النمر ملاكى جيزه
و برضه فى كفر الشيخ اى نمر غريبه العسكري هيجيلك ياما تديله 10 جنيه فى حب تنميه المدينه ياما يلدعك مخالفه محترمه

في الموقف الاول انا لو مكانك وفعلا موصلتش سرعه 100 وماشي 70
وعايزين يلبسوني سرعه 120 انا كنت هديت الدنيا

والمفروض ان في رادار يصورك وهو عمره ما هيصور وانت ماشي 70
مش للدرجه دي يعني

تاني موقف مقبول انما مش كده

**sh23** · 04-03-2009 06:12 PM

المشاركة الأصلية كتبت بواسطة SE_coralsea

بس فعلا انا بأمر اليومين دول بضغوط رهيبة في الشغل و البيت و كل حته ده بخلاف مشاكل الطرق و اللي بأعانيه يوميا من سائقي السيارات الأخري بأختلاف أنواعها و قوانين و أجراءات و روتين البلد

*******
((( اللهم لا إله إلا أنت سبحانك أني كنت من الظالمين )))
كلمات بسيطة لها مفعول أكيد

الموضوع: أغبي أدارة مرور بمصر

LinkBack

أدوات الموضوع

عرض

-

-

-

-

-

-

المواضيع المتشابهه

طلب من أدارة المنتدى

أغبي نزلة كوبرى فى مصر .

الكلمات الدلالية لهذا الموضوع

المفضلات

المفضلات

ضوابط المشاركة