الموضوع: أغبي أدارة مرور بمصر

خلاص بجد لم أعد أستطيع أحتمال تباتة و رخامة و غباء أدارات المروروظباط المرور و قانون المرور الجديد الذي يبيح فرض الأتاوة علي المارة بالطرق

1- النهاردة علي طريق السويس الرخصة أتسحبت بسبب السرعة الزائدة (126 كم/ساعة) , طيب و النقل اللي بمقطورة اللي كان بيعدي من جنبي ده أيه؟؟

2- و بعدين بسبب مباراة تافهة في دوري تافه في نفس البلد التافهة قافلين طريق الكورنيش من نصه , طيب ماتقفلوه من أوله بدل مانمشي 10 كم و بعدين نرجعهم تاني , مش بأقولوكوا أدارة مرور غبية

3- و بعدين لفيت و رجعت بعد ماسميت بدن العسكري اللي واقف و اذا بي داخل علي أشارة (السويس كلها بها أشارتين فقط) و انا بعدي الأشارة قفلت و لاقيت العسكري بيكتب نمرة العربية , طبعا ركنت جنبه و سألته أذا كان أخد نمر العربيات اللي عدت قدامي مباشرة و لا لأ و طبعا سمعته موشح فقالي أنا مضطر أديك مخالفة
-قولت له : و ليه مضطر , ماتخليهم 10 مخالفات علشان تكمل ماهيا ناقصاك أنت كمان

المهم أصبح كل همي أني أطلع من السويس بأي شكل و بأقصي سرعة و الحمد لله خرجت منها و جيت علي خير بأقل خسائر (150 جنيه غرامة فقط)

فعلا مرور السويس من أغبي أدارات المرور بمصر و اللي يروح هناك هايشوف

المشاركة الأصلية كتبت بواسطة mo7a_mo7a

افهم من كده انك لفيتها قبلي وبحري؟؟
اكيد اللي في السويس في كل حتة

وبعدين واضح انك اخدت مخالفة سرعة صحيحة محدش ظلمك
بس لما اضايقت اثر ده علي اعصابك باقي اليوم

روق يا راجل
حمد الله علي السلامة

تحياتي

أنا متشكر جدا علي ذوقك فعلا أنا اتضايقت اولا من نفسي لأني مابحبش الغلط و المخالفة جت غصب عني , و أنا دفعت الغرامة و خلاص بس اللي ضايقني المتناقضات اللي بأشوفها كل يوم في كل حتة في مصر و بالذات المرور لأن دي أكتر حاجة أحنا متعايشين معاها و اللي زاد و غطي ممارسات قائدي النقل الثقيل و خاصة بالليل علي نفس الطريق و سيارات الشرطة اللي بتمشي عكسي و بتركن في الممنوع و كأنهم أشتروا البلد أو أنهم الأسياد و أحنا العبيد اللي بيطبقوا عليهم قوانين الجباية اللي بنام و نصحي نلاقيها تاني يوم الصبح

مش عارف أقول أيه و لا أيه , المهم هو كان فعلا يوم عصيب في كل حاجة

أرسل أصلا بواسطة mohelsherief
*******

سيدي الفاضل..
أنا لم أخطئ بحقك في أي كلمة كتبتها كي يكون هذا هو رد فعلك علي , و لكني ألتمس لك ألف عذر فنحن جميعا نعاني من نفس الظروف و الألام , و لكن لكل منا طريقته في التنفيس عما بداخله من أحساس بالظلم و مرارة الواقع , فأنا ألوم علي البلد و نظامها و أنت تلوم علي , فلابأس طالما أننا ننفس عما بداخلنا قبل أن ننفجر.

و شكرا