ولاد ال....مدارس

**أشرف فتحى** · 03-03-2009 11:03 PM

اللى بيركن او ساكن جنب مدرسه طبعا فهم انا هاتكلم على ايه اولادنا وبناتنا واخواتنا الطلبه واللى بيعملوه فى العربيات اللى واقفه فى امان الله
عايز مثال؟؟
اقولك
اول مره كنت عند مدرسه خاصه فى شبرا وسبت العربيه حوالى ساعه رجعت لقيت الاريال مش مكسور متدمر ومالوش اثر بخلاف الخرابيش اللى بيعتبروها فن من نوع جديد

تانى مره لقيت العيال بيهزروا مع بعض فبيقلدوا الافلام الاكشن وبيجروا وبيتنططوا على العربيات اللى فى البارك اللى جنب محطه المترو وطبعا على بال ما بعتلهم البواب كانت العربيات اتدمرت كانها مقلوبه ومستعدله سقف وكبوت

تالت مره كنت فى مشوار فى مدينه نصر ولقيت تلاته سايبيين الدنيا كلها وقاعدين على كابوت عربيه اكسنت والكابوت بقى عامل زى المرتبه من تقلهم رحت بسلامه نيه شخطت فيهم علما بانى ما اعرفش صاحبها بس العربيه صعبت عليا ونزلت من العماره لقيتهم رجعوا قاعدوا عليها تانى قمت معاهم بالواجب طالما ما بيحثوش وكان جزاتى وانا ماشى شويه شتايم محترمه

رابع مره ركنت قدام مدرسه والعيال بعد ما زوغوا مش لاقيين حاجه يعملوها قاموا جابوا طوب بيلعبوا بيه كوره وكان نصيبى طوبه محترمه فى سقف العربيه معلمه لحد دلوقتى

خامس مره نزلت اصلى وسبت العربيه وشها للرصيف وشادد فرامل اليد بس مش للاخر رجعت لاقيت العيال عاملين مسابقه زى شد الحبل شويه قدام وشويه ورا ولما الفريق اللى بيزق من ناحيه الكبوت شافونى جى عليهم جرى وشكلى هاقتل حد فيهم جريوا وطبعا اللى ورا من ناحيه الشنطه مش شايفنى ومكملين زق لغايه ما دخلوا العربيه فى الرصيف وجريو

وكتييييييييييييير من كده

حد عنده حل؟؟؟؟؟

**EslaM_NagY** · 03-03-2009 11:50 PM

للأسف مفيش حل غير انك تكهرب العربية.

**mo7a_mo7a** · 03-03-2009 11:52 PM

ههههههههههههههههههههههههه ههه

انت فكرتني اصل انا عندي نفس الماساه بس في الكلية
علشان الطلبة بردو بس دول بقي بيحبو علي العربية
انا لقيت حل حلو ان العربية تتساب في الشمس فمحدش يقعد عليها
لكن العيال اللي انت بتتكلم عليهم ملهمش اي حل خالص الا انك تعين علي العربية حارس
او تركن بعيد
وعمار يا مصر يا بلد العجائب

**mo7a_mo7a** · 03-03-2009 11:54 PM

لعلمك حتي لو حطيت جهاز انزار حيعملوه لعبتهم
يشغلوه ويجروا ويقفوا يتفرجوا عليك ويضحكو

انت صعبان عليا يا اشرف

**M.Osman** · 04-03-2009 12:03 AM

انا لما اكون هركن في حتة متوقع ان هيكون فيها عيال بقفل السنتر لوك من غير انذار ... لأنى مرة سبتها تحت البيت مقفولة بالإنذار .. مقولكش...هههه ..كل خمس دقائق ... عمالة تصفر .. !!