انفراد بالتفاصيل ..... مشروع استبدال التاكسي في ظل قانون المرور الجديد

اعلن يوسف بطرس غالي وزير المالية الليلة في برنامج القاهرة اليوم عن خطة الدولة لاستبدال 71 الف سيارة تاكسي قديمة خلال عامين بالاتفاق بين البنوك والوزارة من جهه للتيسير علي المالكين للتقسيط وبين الوزارة والمنتجين من جهة اخري لتخفيض الاسعار

وستكون السيارات الجديدة مجهزة كتاكسي اجرة ومرخصة ومزودة بعدد
والموديلات المرشحة كالتالي


فيرنا السعر 58800 قسط 970
اسبرانزا 516 السعر 53500 قسط 870
اسبرانزا 113 السعر 43000 قسط 600
بيجو باريس السعر 76000 قسك 1400
شيفورليه لانوس السعر 55870 قسط 870
لادا 2107 السعر 45000 قسط 670

وسيكون الاجراء المتبع هو تسليم السيارة القديمة وانهاء اجرائات التسجيل والترخيص والاستلام من مكتب واحد علي ان يكون التسليم خلال 48 ساعة من تسليم القديمة والتي سيتم تخريدها

وستدعم الالدولة 40 الف سيارة فقط من اصل 71 الف سيتم استبدالهم

والاولوية للبادئ في الاستبدال

هذا خبر خاص لنيل موتورز

صراحة لسة شايف الموضوع حالا على القاهرة اليوم مع عمرو اديب مشروع ممتاز و هيخلصنا من البلاوى الى ماشية فى الشارع دى


ياريت يتم بسرعة فعلا

طيب الرجل صاحب التاكسى هياخد كم من التاكسى القديم نظير التاكهين

ماشاء الله عليك يا دكتور
دايما انفرادات وتقدم مستمر واخبار حلوه إن شاء الله

اقتباس:

---

المشاركة الأصلية كتبت بواسطة ahmed_sami

صراحة لسة شايف الموضوع حالا على القاهرة اليوم مع عمرو اديب مشروع ممتاز و هيخلصنا من البلاوى الى ماشية فى الشارع دى


ياريت يتم بسرعة فعلا

---

فعلا يا ريت يتم
الخوف من السواقين ليزرجنوا فيها
ويعملو قلق علشان يمدوا المهلة

اقتباس:

---

المشاركة الأصلية كتبت بواسطة lada2010

طيب الرجل صاحب التاكسى هياخد كم من التاكسى القديم نظير التاكهين

---

حيستفيد بفرق السعر بين المشروع والعربية العاديةوحياخد عربية ارخص من السوق وتقسيط وكاملة ومترخصة

وهو كده كده مش حيعرف يبيعها

اقتباس:

---

المشاركة الأصلية كتبت بواسطة أشرف فتحى

ماشاء الله عليك يا دكتور
دايما انفرادات وتقدم مستمر واخبار حلوه إن شاء الله

---

شكرا علي مجاملتك

والف شكر لسيادتك
نورت الموضوع

يا مسهل

اما نشووف

اللي يعيش ياما يشوف
واللي يجي مصر يشوف اكتر

اللي حرق دمي أن هما كانوا مستنيين أصحاب شركات السيارات والحرامية الكبار يحصلهم أزمة عشان يطلعوا المشروع للنور أنما أنهم ينفذوا المشروع عشان يرحموا الشعب من الأزمة المرورية ومن التلوث ومن الحوادث مستحيل دة يحصل يا جماعة الحكومة عندنا زي ما قال دكتور الأقتصاد اللي أستضافوه بتحمي التجار الكبار والمضاربين والمتربحين من أقوات الشعب لكن مستحيل تحمي الشعب واللي غاظني أكتر أنه عمر أديب يقوله فين التنمية يقوله أسئل الشعب يقوله في بلاد كتير أتقدمت يقوله أتقدمت بشعوبها يعني أحنا بقينا عبء على الحكومة وأحنا السبب في التخلف والفساد اللي حاصل في البلد ... آه يا بلد .

اكيد السواقين هاتعمل اضرااااااااب
زي بتوع النقل الكبيييير

الاخ الفاضل moha

شكرا على تعبك و مواضيعك التي تثري المنتدى

اقتباس:

---

المشاركة الأصلية كتبت بواسطة mo7a_mo7a

حيستفيد بفرق السعر بين المشروع والعربية العاديةوحياخد عربية ارخص من السوق وتقسيط وكاملة ومترخصة

وهو كده كده مش حيعرف يبيعها

---

دلوقتي الفيرنا مثلا ب 64 الف و لو صاحب تاكسي عنده مثلا بيجو 504 و عايز يبدلها هيحسبوا له سعر التاكسي الفيرنا الجديد ب 58800 يعني هل يأخذوا منه البيجو ال 504 بالفرق اللي هو حوالي 5200 فقط ؟؟؟؟؟؟؟؟؟؟؟

بالذمة مش دي سرقة ؟؟؟؟؟؟؟؟؟؟؟؟

و بعدين الدولة ستأخذ التاكسيات القديمة و تبيعها برضه لتجار سيارات لتحويلها لملاكي و طبعا هتبيعها بسعر أعلى من 5200 جنيه .

الاحسن ان سواقين التاكسي يبيعوا عربياتهم ملاكي بمعرفتهم و ياخذوا ثمنها يدفعوه مقدم لتاكسي جديد بالقسط .

الوحيد اللي ممكن يقبل بهذا السعر لو عنده مثلا فيات قديمة 128 أو 125 أو 1100 أو 1300 من الستينات و السبعينات .

اقتباس:

---

المشاركة الأصلية كتبت بواسطة magyver

اكيد السواقين هاتعمل اضرااااااااب
زي بتوع النقل الكبيييير

---

المشكلة بالنسبة لسواقين التاكسي أن لهم بدائل يعني في ميكروباص و تاكسي العاصمة و الميني باص الاخضر و عربيات الجمعية و الاتوبيسات يعني لو أضربوا ما حدش هيعبرهم لكن سواقين النقل و أصحاب المقاطير ليس لهم بديل لهذا عندما أضربوا شلوا حركة النقل و رفعوا سعر الاسمنت فرضخت الدولة لهم و مدت لهم المهلة سنتين كمان

هو السؤال ما هو الافضل لصاحب التاكسي هل هو تحويله و بيعه على انه ملاكي او تسليمه للحكومة لتخريده؟

معنى كدة ان التاكسى القديم حيتباع بفرق سعر العربية يعنى مش حيعدى 5000 جنية طب فين الدعم اللى الحكومة بتقول عليه دة والله العظيم الواحد تعب حرام اللى بيحصل فبلدنا واحنا واقفين نتفرج وعاملين نضرب على قفانا..بس انا شايف يا جماعة ان الموضوع دة كمان حيكون مصلحة حلوة وسبوبة لاصحاب التاكسى القديم لان هو كدة حيكون معاة تاكسى جديد زيرو ومترخص وجاهز ويقدر يتحكم فسعرة لو حب يبيع وكمان حيستغل الظروف ان مافيش تراخيص للتاكسى وممكن يبيع القديم الخردة غالى لمجرد انة بيبع ترخيص تاكسى وساعتها حيكون مرغوب جدا ويدفع فى كتير لانة حيستبدلة بزيرو ارخص من سعر السوق بكام الف ولا انتو اية رايكو؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة meromar

.بس انا شايف يا جماعة ان الموضوع دة كمان حيكون مصلحة حلوة وسبوبة لاصحاب التاكسى القديم لان هو كدة حيكون معاة تاكسى جديد زيرو ومترخص وجاهز ويقدر يتحكم فسعرة لو حب يبيع وكمان حيستغل الظروف ان مافيش تراخيص للتاكسى وممكن يبيع القديم الخردة غالى لمجرد انة بيبع ترخيص تاكسى وساعتها حيكون مرغوب جدا ويدفع فى كتير لانة حيستبدلة بزيرو ارخص من سعر السوق بكام الف ولا انتو اية رايكو؟؟؟؟؟؟؟؟؟؟؟

---

قرارات الدولة تكون في صالح التجار و الحيتان الكبيرة و أصحاب رأس المال , صاحب التاكسي القديم بيأخذ نفس الترخيص القديم و عربيته القديمة لا يقدر سوى على حلان : اما يبيعها ملاكي أو يسلمها للدولة تأخذها منه ب 5000 جنيه و بعدين تروح الدولة بايعاها لتجار السيارت ب 8000 أو ب 10000 و ده هيوقع سعر كل العربيات القديمة اللي أكثر من 25 عاما

مهو لو صاحب التاكسى القديم قلبها ملاكى وباعها على الاساس دة فالحالة دى حيخسر ترخيص التاكسى يبقى مش حيقدر يبيع عربيتة القديمة ملاكى باى حال من الاحوال ..لازم حيسلمها للحكومة عشان ياخد نفس ترخيصة القديم

على الله يكون المره دى بجد وينفذوه

الوزير قال انهم هايكهنوا العربيات ديه لعدم بيعها ملاكي مره اخري و ده علشان يخفوا من العربيات القديمه اللي بتوقف الطريق و بتعمل تلوث جامد في الشارع...

كمان قال ان الموضوع جاهز علي التنفيذ... يعني هايبتدوا قريب قوي يستبدلوا التاكسيات...

اقتباس:

---

المشاركة الأصلية كتبت بواسطة eg_falcon

هو السؤال ما هو الافضل لصاحب التاكسي هل هو تحويله و بيعه على انه ملاكي او تسليمه للحكومة لتخريده؟

---

هو لو عمل كده هايخسر رخصة العربيه الاجره و مش هيعرف يجبها تاني...

الموضوع ده هايبقي متنفس لمصنعي السيارات من الركود الحالي في السوق...

ممكن طبعاً يأثر علي الحمله... و يأثر علي اسعار العربيات

اقتباس:

---

المشاركة الأصلية كتبت بواسطة meromar

مهو لو صاحب التاكسى القديم قلبها ملاكى وباعها على الاساس دة فالحالة دى حيخسر ترخيص التاكسى يبقى مش حيقدر يبيع عربيتة القديمة ملاكى باى حال من الاحوال ..لازم حيسلمها للحكومة عشان ياخد نفس ترخيصة القديم

---

بالذمة هذه سرقة علنية من الدولة و التجار للسائقين , يعني مثلا لو واحد عنده تاكسي بيجو 504 يتباع على 5200 جنيه يعني أرخص من السيات 131 ؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة karimone

الوزير قال انهم هايكهنوا العربيات ديه لعدم بيعها ملاكي مره اخري و ده علشان يخفوا من العربيات القديمه اللي بتوقف الطريق و بتعمل تلوث جامد في الشارع...

كمان قال ان الموضوع جاهز علي التنفيذ... يعني هايبتدوا قريب قوي يستبدلوا التاكسيات...

---

للأسف أنا شاكك في موضوع التكهين هذا لانهم سيأخذوا العربيات القديمة و يبعوها لتجار السيارت بسعر أعلى طبعا من السعر اللي أخذوه من سواقين التاكسي و هم بدورهم كتجار أما هيعيدوا ضخها في سوق المستعمل أو يتم فكها كقطع غيار للملاكي القديم من نفس الفئة و كله مكسب على حساب السواقين و كثير منهم غلابة

هيكهنوها ازاي؟؟؟؟؟؟؟؟؟؟؟؟؟

هيبيعوها خرده

كويس ... خطوة ايجابية في رأيي .. بس يا ريت ميكونش في ظلم لأصحاب التاكسيات ..

بس هي اية بيجو باريس دي ..؟؟ انا معرفهاش..

شكراً

اقتباس:

---

المشاركة الأصلية كتبت بواسطة karimone

هو لو عمل كده هايخسر رخصة العربيه الاجره و مش هيعرف يجبها تاني...

---

سؤال يا أخ كريم ما المانع أنه يقلب العربية ملاكي و يبيعها بسعر كويس و بعدين يشتري عربية جديدة بالقسط بمعرفته و ليس عن طريق الدولة ثم يقدم طلب ترخيص جديد بتاكسي على العربية الجديدة ؟؟؟؟؟؟؟؟؟؟؟

أم ان هناك بند في القانون أنه لو حول رخصة التاكسي لملاكي لا يستطيع التقدم بطلب ترخيص تاكسي لعربية أخرى ؟؟؟؟؟؟؟؟؟

اقتباس:

---

المشاركة الأصلية كتبت بواسطة abdelmessih67

سؤال يا أخ كريم ما المانع أنه يقلب العربية ملاكي و يبيعها بسعر كويس و بعدين يشتري عربية جديدة بالقسط بمعرفته و ليس عن طريق الدولة ثم يقدم طلب ترخيص جديد بتاكسي على العربية الجديدة ؟؟؟؟؟؟؟؟؟؟؟

أم ان هناك بند في القانون أنه لو حول رخصة التاكسي لملاكي لا يستطيع التقدم بطلب ترخيص تاكسي لعربية أخرى ؟؟؟؟؟؟؟؟؟

---

اللي انا عارفه في موضوع التاكسي ان المرور موقف الترخيص للعربيات الاجره الجديده علشان كده كان في معارض كتير بتبيع النمر بارقام عاليه توصل لحد 15,000...

العربيات الجديده اللي مرخصه تاكسي دلوقتي كان معاهم نمر اجره اصلاً...

و اعتقد بخصوص تمن العربية الجديد احسبها بفوايد التقسيط هتلاقيها اكتر من 5000 بكتيييييير

اقتباس:

---

المشاركة الأصلية كتبت بواسطة abdelmessih67

بالذمة هذه سرقة علنية من الدولة و التجار للسائقين , يعني مثلا لو واحد عنده تاكسي بيجو 504 يتباع على 5200 جنيه يعني أرخص من السيات 131 ؟؟؟؟؟؟؟؟؟؟؟؟

---

نسيت فوايد القسط

احسبها كده الكل هيطلع كسبان


صاحب التاكسى لانه خسر شويه من تمن العربيه وكسب ان مفيش فوايد


شركات السيارات لما تبيع العربيات من غير قوايد احسن ما تصدى


الناس اللى بتركب تاكسيات هترتاح من البهدله فى العربيت القديمه

اقتباس:

---

المشاركة الأصلية كتبت بواسطة mobitek

نسيت فوايد القسط

احسبها كده الكل هيطلع كسبان


صاحب التاكسى لانه خسر شويه من تمن العربيه وكسب ان مفيش فوايد


شركات السيارات لما تبيع العربيات من غير قوايد احسن ما تصدى


الناس اللى بتركب تاكسيات هترتاح من البهدله فى العربيت القديمه

---

نسيت موضوع الفوائد ده يا أخ موبيتك بس برضه لو حسبت فرق السعر 5200 و الفوائد مثلا عشرة ىلاف جنيه يبقى المبلغ الذي تم تخفيضه للسائق = 5200 + 10000 = 15200 و ده برضه شوية على عربية زي البيجو ال 504 و كانت بتتباع ب 35 و 40

أنما ممكن السعر ده في هيونداي بوني أو 125 أو 1300 .

اقتباس:

---

المشاركة الأصلية كتبت بواسطة abdelmessih67

نسيت موضوع الفوائد ده يا أخ موبيتك بس برضه لو حسبت فرق السعر 5200 و الفوائد مثلا عشرة ىلاف جنيه يبقى المبلغ الذي تم تخفيضه للسائق = 5200 + 10000 = 15200 و ده برضه شوية على عربية زي البيجو ال 504 و كانت بتتباع ب 35 و 40

أنما ممكن السعر ده في هيونداي بوني أو 125 أو 1300 .

---

بعد اذن حضرتك
الفوائد على 6 سنوات مبلغ كبير جدا ممكن يوصل ل30 الف او اكتر بكتير
وده ممكن تحسبه بواقع 6فى المائه سنويا فايده مركبه
او ممكن تحسبه من واقع ثمن اى سياره ملاكى كاش وسعرها بعد القسط هتلاقى الفايده اكتر بكتير

ثانيا العربيات دى سعرها نزل جدا حاليا
يعنى مفيش بيجو 504 تمنها ممكن يوصل ل 25000 جنيه حاليا

ثالثا وده الاهم ده مش اجبارى يعنى كل واحد هيحسبها ويعرف انه كسبان او خسران وعلى اساسه يقرر

رابعا وده الاهم ده عرض من الدوله ممكن يحل مشاكل ناس كتير بس يا رب يتنفذ وميرجعوش فى كلامهم او يطلع القرد بتاع موبينيل يقول يارب اتسخط قرد لو الموضوع ده مفيهوش انه

بدء المشروع القومي لإحلال 34 ألف سيارة تاكسي بمصر

http://www.egynews.net/wps/wcm/conne...pg?MOD=AJPERES

34 ألف سيارة تاكسي ستستفيد من المشروع
أعلن الدكتور يوسف بطرس غالي وزير المالية المصري بدء تنفيذ المشروع القومي لإحلال وتحديث السيارات القديمة، حيث ستبدأ بنوك الأهلي المصري ومصر والإسكندرية الأحد 8 مارس/آذار 2009 في تلقي طلبات أصحاب التاكسيات القديمة في الحصول علي قروض لاستبدالها بسيارات حديثة.

وقال الوزير في تصريح له الخميس إنه تم الانتهاء من أعداد كل مستندات تنفيذ المشروع، والذي سيستفيد منه نحو 34 ألف سيارة تاكسي مضي علي تصنيعها أكثر من 30 عاما.

وحول حزمة المزايا التي ستقدمها وزارة المالية للمشروع، قال غالى إن المالية ستقدم 5 آلاف جنيه عن كل سيارة يتم تحويلها إلى خردة، بالإضافة إلي إعفاء السيارات الجديدة من كافة الرسوم الجمركية وسداد الخزانة العامة لضريبة المبيعات نيابة عن ملاك تلك السيارات بما يتراوح بين 7 آلاف جنيه و13 ألف جنيه حسب نوع السيارة الجديدة.

وأضاف أن من المزايا الأخرى الاتفاق مع شركات الدعاية والإعلان لمنحها حق لصق إعلانات علي السيارة من الخارج، وذلك نظير مبلغ سنوي يكفل سداد بوليصة التأمين علي السيارة لمدة 5 سنوات والمقدمة من شركة مصر للتامين بأسعار خاصة، وأيضا سيحقق هذا الاتفاق عائد سنوي لمالك السيارة يتراوح بين 1200 و2000 جنيه يتم خصمها من قيمة القرض.

وبالنسبة لتأثير هذا المشروع علي الصناعة المحلية للسيارات، أوضح الوزير أن جميع السيارات التي سيتم شراؤها في أطار المشروع هي سيارات منتجة محليا فقط، وهو ما سيساعد علي المحافظة علي أعداد العمالة الحالية بمصانع السيارات العاملة في السوق المصرية، والحفاظ علي تلك الصناعة في ظل الأزمة المالية العالمية.

وأشار غالي إلي انه تم الاتفاق مع 5 شركات منتجة للسيارات لتوفير السيارات المطلوبة وهي شركات لادا واسبرينزا وهيونداي وشيفروليه لانوس وبيجو، كما تم الاتفاق مع مسئولي الشركات الخمس علي تقديم أسعار مخفضة لقطع الغيار بنسبة خصم تصل إلي 30%، مع منح المستفيدين من المشروع أولوية الدخول لمراكز الصيانة دون حجز مسبق.

خطوات تنفيذ المشروع
وحول خطوات تنفيذ المشروع، قال نبيل رشدان مساعد وزير المالية المصري أنها تبدأ من خلال التقدم بطلب للحصول على قرض من أحد فروع البنوك المشاركة في المشروع، حيث سيقوم البنك باطلاع أصحاب السيارات التاكسي القديمة على عقد القرض وكافة المستندات والشروط الخاصة بالحصول على القرض وكذلك أنواع وأسعار السيارات المشاركة في المشروع وقطع الغيار وتكاليف الصيانة.

وأوضح نبيل رشدان انه بعد موافقة صاحب التاكسي يقوم البنك بإجراءات الاستعلام عن العميل وإبداء الرأي فى الموافقة على تقديم القرض خلال فترة لا تزيد عن 5 أيام عمل.

وفى حالة موافقة البنك على منح القرض، يقوم البنك بإخطار صاحب التاكسي بالموافقة والاتفاق معه على نوع ومواصفات السيارة التي يختارها وتوقيعه على كافة المستندات المطلوبة للحصول على القرض، ثم يقوم البنك بإخطار الشركة الموردة بالموافقة على منح القرض بموجب خطاب رسمي على أن يتم تسليم مالك التاكسي القديم سيارة جديدة خلال 5 أيام عمل من تاريخ الخطاب، ويسلم صورة من الخطاب.

وأضاف رشدان انه صاحب التاكسي ستوجه بعد ذلك إلى الساحة المخصصة من جانب وزارة الداخلية، والتي تقع في أول طريق القاهرة/الإسكندرية الصحراوي خلف الإدارة العامة لقوات أمن الجيزة "معسكر مجندي مرور الجيزة" وذلك لتسليم السيارة القديمة للتخريد وتسليم اللوحات المعدنية للسيارة مع صورة خطاب البنك بالموافقة على منح القرض، ويقوم المهندس المختص بإدارة المرور التابعة لوزارة الداخلية بفحص السيارة القديمة وتحرير محضر استلام لها وإصدار شهادة تخريد لها مع تسليم مالك السيارة صورة من المحضر وأصل شهادة التخريد.

ويقوم مندوب وزارة المالية ـ بحسب المصدر ـ المتواجد في ساحة التخريد بإنهاء الإجراءات اللازمة لصرف مبلغ خمسة آلاف جنيه للبنك المقرض لصالح العميل خلال يوم عمل واحد.

ثم يقوم مالك السيارة بالتوجه للشركة الموردة لاستلام السيارة وعمل الإجراءات اللازمة لترخيصها في إدارات المرور المخصصة من وزارة الداخلية للمشروع، وهي إدارة مرور التبين بمحافظة حلوان، إدارة مرور السلام بمحافظة القاهرة، إدارة مرور نكلة بمحافظة الجيزة وسوف تكون من ضمن المستندات المطلوبة للترخيص شهادة تخريد السيارة القديمة.

منقول من موقع اخبار مصر

ألف شكر للأستاذ موحة

اقتباس:

---

المشاركة الأصلية كتبت بواسطة mo7a_mo7a

حيستفيد بفرق السعر بين المشروع والعربية العاديةوحياخد عربية ارخص من السوق وتقسيط وكاملة ومترخصة

وهو كده كده مش حيعرف يبيعها

---

ما معنى إنه كده كده مش هيعرف يبيعها ؟؟