موضوع الغاز دا محير جدا ّ
كل فتره حد يشكر فيه وحد تاني يشتم فيه وعن تأثيره علي الاداء
الحقيقه فين؟
عرض للطباعة
موضوع الغاز دا محير جدا ّ
كل فتره حد يشكر فيه وحد تاني يشتم فيه وعن تأثيره علي الاداء
الحقيقه فين؟
انا نفسي أشوف واحد على الاقل فعلا حول للغاز و مشي بيه
لكن لو المهندسين شكرولي فيه للصبح ....
بالمناسبه يا ا/أمير صاحبك معاه عربيه ايه؟ محولها غاز؟ سوقتها؟
لو الغاز ممتاز ليه اللي حولو نسبه قليله؟
اعتقد يا د.أمير ان التغيير ده لو تم ممكن بل أكيد هيخرج العربية من الضمان .. الافضل ان اللي عاوز يحول سيارته لغاز يكون بعد اتهاء فترة الضمان ...
هي صحيح موفرة بس العيب ان محطات الغازقليلة بالنسة لمحطات النزين ودايما بتكون زحمة بسيارات التاكسي ومش منتشرة في المحافظات الأخرى يعني هتتضطر ترجع تاني للبنزين لو بتسافر كتير خارج القاهرة
واضح ان لسه برضو بعد الكلام ده كله في ناس عندها قناعه ان الصني غول بنزين
واضح ان شعبنا بيعشق الاشاعات و اللي يشتغله بكلمتين علي القهوه انما يسمع الواقع و الحقيقيه يضايق
الموضوع للرفع و ياريت مشاركات الاعضاء بغض النظر عني هي اللي تثبت عكس الكلام ده
كويس ان الموضوع لسة شغال .. استكمالا للقراءات السابقة
آخر7متوسطات مسجلهم :
216 كم / صفيحة طريق طوالي + جزء داخل المدينة
234 كم /صفيحة :طريق طوالي + جزء داخل القاهرة
195 كم / صفيحة داخل القاهرة
214 كم / صفيحة داخل القاهرة
172.5 /صفيحة !!!!!!!!!
223 كم/صفيحة : داخل القاهرة
238 كم / صفيحة : طريق طوالي - بالتكييف جزء من الرحلة
أول قــــــــــــــــــــــــ ـــــــــــــراءة لصني اي اكس اوتوماتيك2010
فتــرة تليين داخل البلد و شويه طرق سريعه بنزين 92
قياده هــــــــــــــــــــــــ ـــــــــــادئه بدون تكييـــــــــــــــف
200 كيلـــــــــــــــــــــو في الصفيــــحـــه (على مدى اسبوعين)
وانا عارف انى لسه فى التليين.....
السلام عليكم
الموضوع مفيد جدا وشكرا للدكتور امير وجميع المشاركين
بس عموما محتاجين نعمل توحيد في موضوع قياس إستهلاك البنزين ورأي انه لن يعطي قراءة سليمة إلا لو عملنا الأتي:
1- طبعا زي ما الزملاء قالوا يا نحسب طوالي صرف (ويذكر السرعة) يا جوه البلد صرف , يا بالتكييف طول مسافة الحساب يا بدون تكييف.
2-زي م الزملاء قالوا نمشى مسافة في حدود 200 كم , دي المسافة المعقولة علشان نحسب فيها الإستهلاك اقل من كده كتير الدقة هتقل.
3-لا يعتد ابدا بالشرط بتاعة مؤشر مستوى البنزين في الحساب العلمي والدقيق لأني مجرد مبين تقريبي.
4-التفويل يتم كالأتي وديه اهم حاجة واعتقد في ناس مبتعملش كده: تفويل التانك مش مجرد لحد لما الطلمبة بتاعة البنزين الي في المحطة تفصل لكن لحد متشوف البنزين داخل الزور (لو قلت للعامل بتاع المحطة فول لحد الزور هيفهم وهتلاقية بيخرج المسدس بتاع الطلمبة بره سنة سنة وبرضة راجع عليه) لانها بتفرق في حدود بضع لترات وده يفرق جدا في الحساب.
وبعد كده زي مالجميع عارف نشوف ميشينا كام كيلو ونقسمهم على عدد اللترات المستخدمة ونضرب الناتج في 20 (حجم الصفيحة المتعارف عليها) يبقى كده عندنا إستهلاك كام لتر في الصفيحة.
كده نضمن ان كلنا بنحسب صح واكننا عملنا حاجة زي توحيد قياسي للموضوع ده.
للعلم لو فولت لحد مالطلمبة تفصل مش معناه ان التانك اتملي للاخر وإن كل مرة هتروح تفول هتفصل الطلمبة عند نفس المستوى لأن ده داخل فيه عدة عوامل منها معدل سريان البنزين من طلمبة المحطة ومقاس المسدس وعدلته وقربه من مدخل تعبئة الوقود وخلافة.
اتمنى اكون قدرت اوضح طريقة سليمة لحساب إستهلاك البنزين.
ومعلش طولت عليكوا
جزاكم الله خيرا
اكيد بقي بعد كم المشاركات المهمه دي و بقياسك الشخصي بنفسك نقدر نقول بكل ثقه ان استهلاك الصني بيكون معتمد علي اسلوب القياده و كونها في طرق مزدحمه ولا طرق طوالي
العفو انا من قبل ما اجيب الصني و انا متابع مشاركات سبعاوي الله يكرمه و اخدت عهد علي نفسي اني افيد الناس كلها اللي بتفكر فيها
و حاليا انا مش بحط استهلاكي بسبب ان البوجيهات تعبانه قوي و محتاجه تتغير و ده بيخليني ادوس بنزين ازيد من المعتاد بس استنو علي شويه كده و هتلاقو حاجات جديده بعيده عن التوكيل اللهم الا اذا كان عند حسن ظني و ده موضوع تاني هبقي اعمله مخصوص في خلال اسبوع كده
ليا تعليق صغير علي اسلوب التفويل لحد الزور ده هل انت واثق ان الاسلوب ده مش هيكون موحد دايما في كل مره و هل ممكن البنزين الزياده ده يكون غلط علي الطرمبه او اي حاجه تانيه؟