ارجو المساعدة في هذة الاشياء الضرورية لعربيتي الاسبرانزا

**uioprty** · 04-03-2009 02:42 AM

السلام عليكم
اخواني الاعزاء

اطلب مساعدة منكم ضروري ربنا يوفقكم

مضطر اسافر اخلص شغل الي شهر 7 القادم
وهسيب العربية عند ولدتي واخي شاب 21 سنة ؟؟ وطبعا هياخذذ العربية للاسف
عاوز اعرف ممكن اقوم بعمل التالي لحماية العربية واخي
اولا ..تحديد السرعة عند 80 كيلو ...لاني سمعت ان في ناس بيثبتو سرعة العربية ويكون اخرها 80 او 90 كما يريدو
فكيف افعل ذلك وعند من؟؟ وكم يكلف

ثانيا هل ممكن افصل التكيف بشكل سهل ...خوفا من تشغيلة بشكل مستمر في الصيف من اخي وطبعا هياثر علي الماتور والعربية مش ناقصة تحميل

عربيتي اسبرانزا 516 موديل 2007

الله يبارك فيكم المساعدة

**aYaBooY** · 04-03-2009 11:53 AM

التكييف ليه فيشة اى حد بتاع تكييف يشيلهالك و انت واقف
و طبعا ممكن اخوك يروح لحد بتاع تكييف يركبها
موضوع السرعة كان بيحصل في العربيات الكربراتير انهم كانو بينهو عمل الشداد في مسافة اقل و كدة متتجاوزش العربية السرعة
و ممكن تكون بتتعمل عندك في بوابة الانجكشن بس برده اخوك ممكن يروح لحد يفكها
بص لو انت خايف اوي على العربية و دافع فيها دم قلبك ممكن تروح لاي جراج و تخليه يرفعهالك الكام شهر دول و يفك الكاوتشات و تحطها في الشنطة و تغطي العربية
و تاخد المفتاح و تمشي و ده ممكن يكلفك ارضيه بس هايوفر عليك صيانه

**max_ziro** · 04-03-2009 02:06 PM

ممكن تعد معاة و تفهمة براحة انك تعبان فيها و هى مش هتستحمل الى ممكن يعملة فيها كلام من دة يعنى مش بقل انها وحشة بس بقول انك تقنعة ب اضرار الى ممكن يعملة و معتقدش ان التكيف ممكن يأثر عليها بحاجة والله اعلم ..

**tmedhat** · 04-03-2009 09:12 PM

علمة يحافظ عليها و فهمة انك شقيت فى ثمنها و سيبهالو زى ما هى
دة شئ يعلمة الامانة و الحفاظ على حاجة الغير
وربنا معاك انا عارف انك بين نارين

**uioprty** · 04-03-2009 10:31 PM

المشاركة الأصلية كتبت بواسطة aYaBooY

التكييف ليه فيشة اى حد بتاع تكييف يشيلهالك و انت واقف
و طبعا ممكن اخوك يروح لحد بتاع تكييف يركبها
موضوع السرعة كان بيحصل في العربيات الكربراتير انهم كانو بينهو عمل الشداد في مسافة اقل و كدة متتجاوزش العربية السرعة
و ممكن تكون بتتعمل عندك في بوابة الانجكشن بس برده اخوك ممكن يروح لحد يفكها
بص لو انت خايف اوي على العربية و دافع فيها دم قلبك ممكن تروح لاي جراج و تخليه يرفعهالك الكام شهر دول و يفك الكاوتشات و تحطها في الشنطة و تغطي العربية
و تاخد المفتاح و تمشي و ده ممكن يكلفك ارضيه بس هايوفر عليك صيانه

والله فكرت طبعا في الموضوع داا.... بس اعمل اية الحاجة والدتي ..لازم اترك العربية عندها علشان لو احتاجت للتحركة ..بس حلو قوي موضوع الفيشة بتاعت التكييف هعملها يعني اقل حاجة ممكن تتعمل ..انا بخاف من موضوع التكييف قوي...

المشاركة الأصلية كتبت بواسطة max_ziro

ممكن تعد معاة و تفهمة براحة انك تعبان فيها و هى مش هتستحمل الى ممكن يعملة فيها كلام من دة يعنى مش بقل انها وحشة بس بقول انك تقنعة ب اضرار الى ممكن يعملة و معتقدش ان التكيف ممكن يأثر عليها بحاجة والله اعلم ..

وهما طلائع الزمن داا بتوع اوائل العشرينات بيستوعبو .اي كلام..؟؟؟؟ بس طبعا هحاول مجبر اخاك لابطل....

المشاركة الأصلية كتبت بواسطة tmedhat

علمة يحافظ عليها و فهمة انك شقيت فى ثمنها و سيبهالو زى ما هى
دة شئ يعلمة الامانة و الحفاظ على حاجة الغير
وربنا معاك انا عارف انك بين نارين

والله دا انا استلفت فلوس وبعت دهب وسحبت مدخراتي كلها يعني شراء عربية متواضعة في الزمن دا وفي البلد دي تقريبا دمر تعب وتحويشة عشر سنوات راحت وعشرا سنوات جاية
وعلشان كدة مقهور قوي اترك العربية وارجع اجدها واقعة ماتور او فتيس وتكييف او مخبوطة ..ودي اسبرانز حلوة صح بس بس مش بتاعت هبد اكثر من اللازم
والصيانة دلوقتي عندهم بتوصل 1000 جنية دا لو معندكش حاجة في العربية هتتغير

الف شكر يارجالة علي المساعدة والكلمة الطيبة ...جزاكم الله خير علي نصائحكم