حد غيرقفل شنطة الـ127 بمفتاح مشرشر من الناحيتين ؟؟

**roky** · 04-03-2009 11:01 AM

أمبارح أشتريت قفلين للأبواب
تركي ... بمفتاح مشرشر من الناحيتين
تمن القفل للبابين 22جنيه

وأشتريت كمان قفل منفصل (بمفتاح مختلف عن مفتاح الأبواب) للشنطة. مفتاح عادي مش مشرشر من الناحيتين. صناعة صيني و في كيس ماعليهوش أي كتابة و تمنه 28 جنيه

سألت البائع، قالي أنه الـ 127 معادش ينزلها أطقم أقفال (أبواب و شنطة بنفس المفتاح) لكن قفل الشنطة تشتريه لوحده و مفيش منه غير النوع الصيني ده .

لقيت أن القفل الصيني ده زيه زي القفل الأصلي اللي في العربية ... بيفتح بأي مفتاح ... فرحت مرجعه للراجل و قلتله ده كده مايلزمنيش ... فرضي يرجعه و قالي أن قفل الأبواب المشرشر ده كويس و مش هايفتح غير بالمفتاح بتاعه فأحتفظت بقفل الأبواب في ورقته (ولسه ماركبتوش).
معني كلام الراجل كده أن أي شنطة 127 تتفتح بأي مفتاح ... طب ما هو اللي يفتح الشنطه كده يبقي فتح العربية ... ما كانو يعملوها بأكره وبلاها مفتاح ووجع قلب

مع العلم أن البايع ده المفترض انه محل كويس في قطع غيار الفيات و الشاهين وله سمعة ... محل له واجهه صغيرة كده في شارع السودان ، أسمه محل الحاج جلال .. بعد المحكمة بشوية وانت رايح ناحية ميدان الكيت كات

هل ياتري حد عنده فكرة عن حل لموضوع قفل الشنطة ده ...
و هل فيه نوع كويس للشنطة ؟؟ سواء بمفتاح منفصل أو بنفس مفتاح الأبواب ؟؟

أفيدونا يا أهل الخبرة

**lada2010** · 04-03-2009 01:31 PM

ما ترياح دماغك وتعمل سلك ويوصل الى كرسى السواقة تفتح منة زى العربيات الجديدة

**lada2010** · 04-03-2009 05:33 PM

بص انت لم بتتفح كبوت العربية مش بتشد الدارع علشان يفتح هتروح لبتاع بابين هيجيب لك سلك بدارع يوصل من جانب الكرسى بتاع السواقة الى الكوالين بتاع الشنطة ويركبة وتيجى تفتح الشنطة تشد اليد بتاعتها ورايح الدماغ