عينه من الفخاخ المرورية في الاسكندرية

**Islam_galal** · 04-03-2009 11:06 AM

السير عكس الاتجاه
من اقصي العقوبات المرورية حاليا و تصل عقوبته في اسكندرية لـ
- الحبس
- غرامة 1000 جم
- تأميم العربية في الحضانة و غرامة 1000 جم
- لا يوجد مصالحة فورية

نبص علي الخريطة كده ، ده شارع اسمه إدمون فرمون في سموحة - اسكندرية بدايته من عند ترعة المحمودية و نهايته عند ميدان علي ابن أبي طالب ويبلغ طوله 1.5 كم

[IMG][/IMG]

كل الشارع اتجاهين ( و لا توجد جزيرة أو حتي خطوط صفراء) و في آخر الشارع (آخر 70 متر) عند الدائرة الزرقاء يتحول الشارع فجأه لإتجاه واحد كما بالخريطة التالية

[IMG][/IMG]

و توجد إشارة صدأه علي الشمال الذي هو ناصية بين شارعين

من الصعب جدا ان تري هذه اليافطة و يتبع زبانية المرور التالي:

- ترك المرور كأنه اتجاهين دون اي مشاكل لفترة
- بعد فترة يقف ضابط و أمين شرطة في آخر الشارع و يطلعوا للناس : بخخخخخ ياللا عالقسم و هات 2000 مج
- و بعدين سيبوا الشارع شهر أو اتنين لغاية الناس ما تنسي و هكذا

أنا لا أتحامل علي الزبانية و لكن رجال المرور وظيفتهم حفظ الأمن و النظام و هو ما لا يحدث لأن الحلول كتيرة

- وضع علامات صفراء علي الارض
- يصرفوا شوية و يخللو يافطة ممنوع الدخول مضيئة
- يصرفوا أكتر شويه و يحطوا يافطة مضيئة بأسهم للشارع البديل

أما الموجودين فهم الزبانية الذين يسرقون الناس باسم الدولة
حسبي الله و نعم الوكيل فيهم و ربنا ينتقم منهم جميعا

**Mina W** · 04-03-2009 11:27 AM

شكرا على المعلومة رغم انى من اسكندرية الا انى معرفش الشارع ده و ممكن جدا اعدى و اقع فى الفخ.

فى اروبا المرور بيحترم الناس فتلاقى اشارة واضحة امامك رادار و السرعة المسموح بيها كذا، هنا المسألة مش حماية ارواح الناس هي جباية فلوس و خلاص

و الدليل انه بيعمل فخ زى ده او لجنه على طريق فاضى فحين لو حصلت حادثة متلاقيش عسكرى واحد يساعدك او يجيب حقك، لكن فى الغرامة تبقى فورى او حبس كمان

**samirayad** · 04-03-2009 11:44 AM

فعلا ياريت : فى أى مكان فى أرض المحروسه يتم وضع كل مايلزم من علامات أرشاديه مروريه بكل ماهو مطلوب من تعليمات .........واللى مايلتزمش يبقى يستاهل مايحدث له

*** مش نظام هو كده وخلاص.......يعنى يبقى فيه شوية منطق

**ehabradwan** · 04-03-2009 11:49 AM

شكرا يا باشا على المعلومة

**abou_ruqi** · 04-03-2009 11:50 AM

المشاركة الأصلية كتبت بواسطة Mina W

شكرا على المعلومة رغم انى من اسكندرية الا انى معرفش الشارع ده و ممكن جدا اعدى و اقع فى الفخ.

ده شارع ادمون فريمون في سموحة اللي "كان" بينزل علي ميدان البرت الاول اللي فيه جامع علي ابن ابي طالب

**Islam_galal** · 04-03-2009 11:50 AM

مينا باشا
شكرا لمرورك ، سعادتك كنت أول مشجع لي للسفر لشرم بالعربيه . . .فاكر

خللي بالك لما تحس ان المرور سخن شوية اركن العربية و خد تاكسيات أوفر

مش عارف حاسس ان احنا من المقاومة أيام الانجليز

**Islam_galal** · 04-03-2009 12:10 PM

المشاركة الأصلية كتبت بواسطة abou_ruqi

ده شارع ادمون فريمون في سموحة اللي "كان" بينزل علي ميدان البرت الاول اللي فيه جامع علي ابن ابي طالب

الشارع اسمه إدمون فيرمون و الميدان اسمه ميدان علي ابن ابي طالب

البرت الاول اسم شارع متفرع من الميدان و مميز بوجود مترو ماركت في آخره

**AHMEDCAR** · 04-03-2009 12:19 PM

اعرف ظابط شرطه فى المهندسين قعد 6 سعات من غير مايعمل ولا مخالفه و لما لقى ان الحكايه كده و ان المدير بتاعه هايظبطه قام فاتح شارع اتجاه واحد للناس و اول 8 عربيات دخلوا الشارع كان ليهم القسمه و النصيب

الحكايه دى انا سامعها منه هو شخصيا و حسبى الله و نعم الوكيل

**abou_ruqi** · 04-03-2009 12:24 PM

المشاركة الأصلية كتبت بواسطة Islam_galal

الشارع اسمه إدمون فيرمون و الميدان اسمه ميدان علي ابن ابي طالب

البرت الاول اسم شارع متفرع من الميدان و مميز بوجود مترو ماركت في آخره

اه ما انا صلحت اسم الشارع علي طول

**Islam_galal** · 04-03-2009 12:46 PM

آسف ياباشا
ملحقتش أشوف التصليح

الموضوع: عينه من الفخاخ المرورية في الاسكندرية

LinkBack

أدوات الموضوع

عرض

-

-

المواضيع المتشابهه

مين مراته مطلعه عينه بسبب فتكات

هههههههههه جوزه غصب عن عينه :)

عينه بسيطه من رجاله الجزائر "للرجال فقط"

هل منا من اغمض عينه قليلا؟؟؟؟!!!!!

الكلمات الدلالية لهذا الموضوع

المفضلات

المفضلات

ضوابط المشاركة