سلام عليكم,
إن شاء الله أنا نويت أغير المصابيح الأمامية للإبيزا 98. أنا مش لاقي في المحلات غير نوع تايواني. هل مصابيح ال Hella الأصلية موجودة؟ فين؟ و سعرها كام؟
و يا تري الأحسن أجيب إستيراد أصلي أم تايواني جديد؟
شكرا.
عرض للطباعة
سلام عليكم,
إن شاء الله أنا نويت أغير المصابيح الأمامية للإبيزا 98. أنا مش لاقي في المحلات غير نوع تايواني. هل مصابيح ال Hella الأصلية موجودة؟ فين؟ و سعرها كام؟
و يا تري الأحسن أجيب إستيراد أصلي أم تايواني جديد؟
شكرا.
وعليكم السلام
شوف يا أخ احمد انا سألت مرة عن بعض أسعار قطع غيار للإبيزا 98 أستيراد في الحرفيين وكان السعر كالتالي :
1- مصابيح أماميةhella أسباني الإتنين ب 225
2- مصابيح خلفية نفس النوع الإتنين ب 200
3- زجاج كهرباء كامل المكنتين بالأزرار والفيش والجزء اللي بتركب فيه الأزرار ب 500
3- فرش كامل داخلي للأبواب ب 300
وحاجات تانية كتييييييير طبعا كانت حالة الكشافات ممتازة وبتنقي اللي يعجبك في كل حاجه لو عايز أسماء محلات وناس هناك بتليفوناتهم انا في الخدمه
وكمان الأسعار دي مش غير فصال يعني هتنزل فيها كمان وانت وشطارتك
لكن جديد مش هتلاقي غير تايواني علي حد علمي وربنا يوفقك
ولو عايز اي حاجه انا تحت أمرك ويارب أكون أفدتك
أستيراد فقط لا غير
مفيش حد بيبيع الفوانيس الHella جديد.
الاحسن استيراد طبعا عشان الاصلى بتاعها, و دايما اتأكد من الباب اللى ورا راكب و ان القواعد كلها سليمة.
أنا رحت محل قطع غيار قلت أما أتفرج علي الفانوس التايواني دة. بصراحة شكله نظيف مش وحش خالص .
كنت بفكر أشتريه بصراحة أهو اسمه جديد برضه . بس لما عرفت منكم سعر الاستيراد هفكرمرة تانية. :)
بس لي سؤال, أنا عندي مفتاح رجلاش النور جوه في التابلوة , و شغال تمام علي الفوانيس الموجودة. هل لو غيرتهم المفتاح دة هيشتغل عادي علي طول؟
ممكن يا م/إيهاب تبعتلي أسماء و أرقام تجار الابيزا الموجودين في الحرفيين.
لكم جزيل الشكر.
يشتغل يا باشا, بس غالبا الفوانيس هتيجى من غير الموتورين الصغيرين اللى مسِِؤلين عن الموضوع دة فا فى الحالة دية تفكهم من القديم و مش هياخدوا 5 دقايق فك و تركيب.
أولا موضوع مفتاح رجلاش النور رد عليك فيه ابيزا باشا
ثانيا اسماء وأرقام الناس اللي في الحرفيين هي كالتالي :-
1- محل اسمه السراج ورقم موبايل سراج صاحبه هو 0105379240 في شارع تبارك بلوك 8 عمارة 69 وده هو اللي اسعاره اللي انا كتبها
2- مجدي البيومي وده في نزلة الريحاني وأرقامهم 0109330726 - 0126936665
واللي تروحله فاصل معاه وابقي قلنا عملت ايه وجبتهم بكام حتي تعم الفائدة
واحنا تحت أمرك في اي خدمه نقدر نقدمها
أنا سألت امس بالتليفون بس للأسف مفيش حد عنده طقم المصابيح الأمامية.
السراج قاللي احتمال يجيله شغل كمان أسبوع تقريبا , بس مش هيقدر يديني المصابيح بس, و قاللي لو جاله حاجة لابيزا 98 هتبقي العربية متقسمة أرباع و عايز يديني الربع الأمامي علي بعضه ب 2000 جنيه!!!!!!!!
روح توكيل Hella في المهندسين.. إسمها الشركة الهندسية
عارف منزل كوبري 6 أكتوبر عند المهندسين؟ إنزل نازلة البطل أحمد عبد العزيز الأولى الي تحت الكوبري وخلي عز العرب على يمينك وبعدين خش يمين وخليك موازي للبطل أحمد عبد العزيز حتلاقيها بعد شوية على اليمين.. مفروض تلاقي عندهم ولو مفيش ممكن هما يجيبوهوم ودول توكيل Hella مش ضرب.
بالنسبة للفوانيس التايواني أو الصيني، بتصفر بسرعة والقمرة بتاعة الفنوس بتووص وشكل الفانوس حيبقى قذر وحتندم على الفلوس الي انت دفعتها.