هي الناس جرالها إيه

**ZALABANY** · 04-03-2009 01:30 PM

إمبارح نايم في أمان الله لقيت زوجتي بتصحيني الساعه 12 باليل وبتقولي كلم لموبايل نمره غريبه
المهم قمت من النوم لقيت واحد صعيدي مع كامل الإحترام للصعايده بس انا أقصد اللهجه وهو غالبا من الفيوم ما علينا
أنا بكلمه ولسه ما فوقتش من النوم لقيت الباشا بيقولي انت بتفتح وتجفل عليا ليه هو انت وائل جمعه
قلتله وائل مين ياعم النمره غلط
قالي ولما انت مش وائل بتقفل عليا ليه مش ترد عليا ولا انتوا لازم تتكبروا على الناس انا ممكن ما اخليكش تنام طول الليل على فكره واجرفك
قلتله ياعم اهدي بس في ايه وبدأت أفوق شويه
قلتله معلش اصل الشبكه فصلت
قالي ياعم انا ما اعرفش شبكة ايه وبتاع انت فتحت وجفلت عليه
سمعت صوت واحد جنبه بيقله اشتمه
المهم قلتله طيب معلش ياحاجه
قالي طيب خلاص سلامو عليكو
قفلت السماعة وانا مش قادر امسك نفسي من الضحك
عالم غريبه جدا يعني هو مش فاهم اني ممكن اقفل الموبايل بلاش اقفله افتح عليه واغرمه بس من الواضح ان الباشا كان شارب حاجه معليا معاه وجات فيا انا

**Terrible_DaRsH** · 04-03-2009 01:38 PM

يعنى انت مش وائل جمعة ؟ :)

**ZALABANY** · 04-03-2009 01:47 PM

لا أنا عصام الحضري

**sh23** · 04-03-2009 02:14 PM

المشاركة الأصلية كتبت بواسطة zalabany2007

لا أنا عصام الحضري

****

طيب إية اللي خلا واحد من الفيوم يتصل بيك في سويسرا

**M.Osman** · 04-03-2009 03:09 PM

حضرتك انا اعرف واحد فضل يتصل عليه شخص مجهول بيقوله انت بتتصل بيا لية ؟؟؟ و هو مش بيتصل بيه ولا يعرفه بس الظاهر اخينا كان شارب حاجة ... المهم انه قرف صاحبي كتيييييييييييير ..لحد ما صحبي ده راح لسنترال و قالهم الرقم دا الشريحة بتاعته ضاعت مني .. و عمل عقد جديد و كل حاجة عشان ياخد من الحيوان ده الرقم بتاعه ... و قد كان !

هاها

**Dr. Elsaadani** · 04-03-2009 03:26 PM

المشاركة الأصلية كتبت بواسطة SuccessCre8or

حضرتك انا اعرف واحد فضل يتصل عليه شخص مجهول بيقوله انت بتتصل بيا لية ؟؟؟ و هو مش بيتصل بيه ولا يعرفه بس الظاهر اخينا كان شارب حاجة ... المهم انه قرف صاحبي كتيييييييييييير ..لحد ما صحبي ده راح لسنترال و قالهم الرقم دا الشريحة بتاعته ضاعت مني .. و عمل عقد جديد و كل حاجة عشان ياخد من الحيوان ده الرقم بتاعه ... و قد كان !

هاها

وهو ينفع ان اى حد ياخد رقم اى حد؟!!!

**amr mokhtar** · 04-03-2009 03:33 PM

لازم تكون العلبة بتاعة الخط موجودة...إلا إذا كان الموضوع دلوقتى على البحرى

**M.Osman** · 04-03-2009 09:27 PM

المشاركة الأصلية كتبت بواسطة Mohamed_Elsaadani

وهو ينفع ان اى حد ياخد رقم اى حد؟!!!

اللي حصل ان صاحبي عارف واحد صاحب سنترال كبير ... بيعرف يتعامل ... و بيفرض ان الخط ضاع منه فعلا ... على اساس ان صاحب الرقم مش كاتب العقد زي ما معظم الناس بتعمل ..( بتشتري الخط و مبتكتبش العقد و اعتقد ان كان فى قانون بخصوص الحكاية دي من فترة )
...اثبت ان الرقم بتاعك ...
اعتقد حضرتك فاهم قصدي

**eng.octooo** · 04-03-2009 10:58 PM

هههههههههههه انا كدة هاقلب نص ارقام البلد

**pro_samir** · 05-03-2009 08:42 AM

هههههه

انا مرة بتصل بواحد صاحبى الساعة 7 الصبح

سلام عليكم
عليكم السلام (صوت غريب)
لو سمحت ياسر موجود ؟ (وانا مستغرب مين دة)
ياسر .!.!.!. تصدق انك ابن تيييييييييييت
طبعا قفلت و وشى جاب الوان
بس انا الغلطان طبعا ازاى اصحى الراجل الساعة 7 الصبح وفى الاخر النمرة تطلع غلط

بالنسبة بقى لموضوع النمر الغريبة فانا عامل حاجة لذيييييذة قوى

فى برنامج منزلة بيعمل بلوك لكل حاجة انت عايزة سواء مكامات او رسائل

وبتحدد يعمل اية ومع مين
يعنى مثلا الأكشن اللى عايز تعملها للكونتكاتس ولا للأرقام الغريبة ولا للكل ولا لنمر معينة

وعايز الأكشن تكون اية ؟ سايلنت وخلاص ولا يديلة مشغول ولا يفتح الخط ثانيتين اوتوماتيك ويقفل لوحدة ولا يفتح ويسيبة مفتوح

فلما حد بيقررفنى مرة والتانية بخلى التليفون يفتح علية اوتو ويقفل مع نفسة وخلية يعيش حياتة بقى

بجد دمااااااااااااااااااااااغ

الموضوع: هي الناس جرالها إيه

LinkBack

أدوات الموضوع

عرض

-

-

-

-

-

المواضيع المتشابهه

شوفو الناس المحترمة الى بتحترم انسانية الناس عندهم سحب جيتا 977

شفتوا الناس جرالها ايه؟

هى الاصحاب جرالها ايه ؟؟

الناس جرالها ايه فى رمضان

الكلمات الدلالية لهذا الموضوع

المفضلات

المفضلات

ضوابط المشاركة