ارجو من خبراء الميكانيكا الرد

**hatem4000** · 04-03-2009 02:32 PM

السلام عليكم كنت عند الميكانيكى بركب طنبور وتيل فرامل عربيتى اسكودا فليشيا المهم الميكانيكى رفع الجنب اليمين على الكوريك من ادام ولقيته راح مشغل العربيه ودايس بنزين وتقريبا معشق الفرامل اليدوى العجله المرفوعه لفت لكن الجنب الشمال لا كل ده العجل ادام عايز اعرف مش غلط انه خلى عجله تلف والتانيه لا مش المفروض العجلتين ادام مربوطين مع بعض لما تلف واحد تلف التانيه ولا كل واحده ممكن تلف لوحدها

**hatem4000** · 04-03-2009 02:33 PM

انتم فين يا خبراء

**shoudy2005** · 04-03-2009 03:16 PM

عادى جدآ كل عجلة مستقلة عن التانية

**samirayad** · 04-03-2009 03:30 PM

هو طبعا عندك حق......

_لأن خرج المحرك بيطلع من االدبرياش على الفتيس على العجل الأمامى (الأثنين مع بعض )

_بس هو عمل أيه .......بص ياسيدى

_رفع فرامل اليد فبقت العربيه ممسوكه من عند الفرد الخلفيه....

_ وعلشان هو رافع الفرده الأماميه يمين (هى اللى لفت قدامك وفيه فعلا عزم منقول للفرده الأماميه شمال ...بس مابتلفش)

**علشان العربيه متفرمله من وراء بفرامل اليد على الفردتين الخلفيتين...

....واللى بيأخذ عزم دوران المكنه هو الفرده الأماميه يمين علشان متعلقه فى الهواء أما زميلتها الشمال الأرض عامله معاها مقاومه ومنعاها من الحركه بسبب فرامل اليد اللى مكلبشه العربيه والتلت فرد اللى على الأرض(الخلفيتين والأماميه شمال) وعلشان كده اللى بيستفاد من عزم المكنه هى الفرده اللى مرفوعه................ياريت أكون عرفت أوضحلكم الصوره

**hatem4000** · 04-03-2009 03:57 PM

عايز اعرف هو فى غلط على العربيه من الى حصل ده

**aYaBooY** · 04-03-2009 04:01 PM

عـــــــــــــــــــادي خالص متتخضش اي عربية تعمل كدة في نفس الحالة

**samirayad** · 04-03-2009 04:07 PM

لا مفيش غلط ولا حاجه........

_ بس دى أختراع مصرى......واللى حصل على الفرده الشمال أن البليه بتاعة العجله (الظرف الداخلى اللى مشحوط على نهاية عمود الكبلن بتاعه هو اللى كان بيلف بالبلى على الظرف الخارجى اللى مشحوط فى طنبورة الفرده الشمال على أساس الفرده الشمال عليها حمل فرملى بسبب فرامل اليد)......والا كانت حصلة مشاكل كبيره لو مكانش الوضع مشى بالشكل ده

**Samir Elshahawy** · 04-03-2009 06:14 PM

المشاركة الأصلية كتبت بواسطة samirayad

لا مفيش غلط ولا حاجه........

_ بس دى أختراع مصرى......واللى حصل على الفرده الشمال أن البليه بتاعة العجله (الظرف الداخلى اللى مشحوط على نهاية عمود الكبلن بتاعه هو اللى كان بيلف بالبلى على الظرف الخارجى اللى مشحوط فى طنبورة الفرده الشمال على أساس الفرده الشمال عليها حمل فرملى بسبب فرامل اليد)......والا كانت حصلة مشاكل كبيره لو مكانش الوضع مشى بالشكل ده

أعتقد هو كان متصور ان الفردة اليمين لما تلف و الشمال ثابتة ممكن يحصل كسر للعمود اللي بيربط العجلتين الأماميتين , و طبعا ده شئ منطقي و بديهي

لكن الكلام اللي حضرتك قولته عن البلي وضح كل حاجة و أن مافيش مشكلة ممكن تحصل للعمود الا أذا البلية الشمال قفشت