الموضوع: هل فعلا سيتوقف انتاج لانسر الشكل القديم (بومة) في 2010؟

أنا معلوماتي ان هوندا سيتي الـ 1300 كان آخر انتاج ليها عام 2008 وكانت في أواخر الثمانينات أعتقد (أفتكر كانت بـ 88 ألف جنيه أو حاجة في الحدود دي)، يعني كانت ممكنة للي معاهم المبلغ ده، لكن السنة دي 2009 مبقاش خلاص فيه سيتي بموتور 1300 وأصبحت السيتي الجديدة بموتور 1500 وطبعا بشكل جديد احلي مع اضافات تانية اكتر واحسن طبعا من القديمة (أعتقد زودوا كمان فرامل Abs & Ebd) ومبقاش خلاص فيه الـ 1300.
طبعا بالمواصفات دي سعرها طلع جدا ومبقاش يمت للثمانينات بصلة، أفتكر سعر السيتي الجديدة فوق 125 ألف، وبالتالي فيه شريحة من الافراد كانت ممكن تدفع حاجة وتمانين ويبقي معاها هوندا لكن دلوقتي طبعا الشريحة دي هتقل.
وبالتالي أعتقد انه الوضع ده هيبقي هو هو بالنسبة للانسر. الشارك هتحل محل الشكل القديم وبمواصفات وشكل طبعا احسن واعلي بس معتقدش السعر هينزل، وبالتالي هيكون برده فيه شريحة من الناس اللي كانت تقدر تدفع حاجة وتسعين مثلا وتجيب لانسردلوقتي مش هتقدر تدفع مبلغ يعدي الـ 120 ولا ايه؟

بجد انا بستعجب من اللى بيشترى عربيه اول موديل ليها كان 2003 او 2004
سنه 2010 بسعر معدى ال 100 الف جنيه

والله خبر يستاهل الواحد يوزع شربات على جميع أعضاء المنتدى

يارب يوقفوها
وياريت يسحبوا إللي ماشيين في الشارع كمان
والله زهقت من منظرها
وهى على فكرة ناجحة فى مصر عشان المصريين بيقلدوا بعض وخلاص
ولو لقيت البومة ماشية فى الشارع في أي دولة عربية بيكون 90% إللى راكبها مصري شغال هناك

وفعلا زي ماالأخ قال من شوية بستعجب على اللي بيشتري عربية أول موديل ليها 2003 أو 2004

ربنا يشفي المصريين من مرض اللانسريزم

طبعا هيتوقف انتاجها.. كفاية بومة يا ناااااس, دي بقت تاكسي ابيض و اسود, ايه تااااني.. و الخبر ده اكيييييد من مصرية نفسها....

خسارة دي عربية تحفة

انا بس عايز اقول للناس اوقات الاختيار بيكون محصور في شوية نقط بتحكم .
انا عمري مافكرت فحياتي اني هركب العربية دي
بس الي يتلدغ من الكوري ياخد الياباني بالحضن