يحيا العدل!

**OlaOsman** · 04-03-2009 10:54 PM

الإعدام لعشرة متهمين والسجن 15 سنة لصبي خطفوا فتاة وتناوبوا الاعتداء عليها بالقوة

خاص - مصراوي - أصدرت محكمة جنايات كفر الشيخ حكماً بإعدام عشرة متهمين بعد إحالة أوارقهم إلى فضيلة المفتي وتأييد الحكم منهم 8 متهمين حضورياً ومتهمان غيابياً والحبس 15 عاماً لحدث، وذلك لقيامهم باختطاف سيدة من منزلها عنوة واغتصابها.

ترجع وقائع القضية إلى سنة 2006 حيث كان 4 من المتهمين مدعوين على حفل زفاف بقرية الحمراوي بكفر الشيخ وشاهدوا فتاة تقف في شرفة المنزل المقابل لحفل الزفاف.

فأشار المتهمون إلى المجني عليها للنزول إلى أسفل المنزل وعندما تأخرت قام المتهمين بالصعود إلى منزلها وإقتادوا الفتاة تحت تهديد السلاح وأخذوها في ميكروباص إلى منطقة زراعية وتنابوا الاعتداء عليها.

وعندما قام بعض الأهالي بمحاولة إنقاذ المجني عليها أطلق المتهمون النار عليهم .

وقام المتهمون الأربعة بعد ذلك بالاتصال بـ 6 من أصدقائهم وحضروا للإعتداء على المجني عليها تحت تهديد السلاح، وقام أحد المتهمين بإبلاغ أسرة المجني عليها.

وتمكنت أجهزة الأمن من ضبط المتهمين .

وتم ترحيل المتهمين وهم السيد عطالله مداح نقاش وعلي عطية عطيان فران وأحمد طه السيد رجب فران وحمادة محمد الدسوقي وفاروق عزيز إبراهيم وفاروق عزيز إبراهيم ومحمد جمعة يوسف ومحمد جابر طه وفوزي أحمد عبد الرحمن ورامي السيد أبو عوض وصلاح عباس الدفرانى والحدث علي طارق أحمد زنقل .

وكانت محكمة جنايات كفرالشيخ قد سبق أن أصدرت قرارها بإحالة أوراق المتهمين إلى فضيلة المفتي والذي صدق على الحكم، حسبما ذكرت وكالة أنباء الشرق الأوسط.

**algeneral** · 04-03-2009 10:58 PM

ربنا يهدي كل عاصي

**OlaOsman** · 04-03-2009 11:02 PM

القاضي استضافوه في العاشرة مساء و كان بيحكي و هو متألم أوي تفاصيل الجريمة و ازاي انهم أخدوا الست من بيتها تحت تهديد السنج و السيوف و تحت أعين أهالي المنطقة و هي كمان كانت لسه والدة ما بقالهاش شهرين. بيقول كمان ان الحادثة دي كانت عاملة حالة رعب في كفر الشيخ و ان البلطجية دول كانت سطوتهم فايقة الحدود.

ربنا يغفر لنا جميعا.

**kliken** · 04-03-2009 11:04 PM

ان شاء الله يكونوا عظه لاى حد يفكر انه يغتصب او يفكر فى موضوع الاغتصاب
ربنا يرحمنا يا رب

**badry** · 05-03-2009 12:59 AM

بسم الله الرحمن الرحيم

(و لكم فى القصاص حياة يا أولى الألباب)

لا حول و لاقوة الا بالله....
اللى حصل ده لازم يطبق عليه حد الحرابة فى الأسلام...و هو الصلب و قطع الأيدى و الأرجل ثم القصاص...و يكون على رؤوس الأشهاد للعبرة و العظة.......

**bemocarlo** · 05-03-2009 01:10 AM

10 افراد؟يا ولاد ال***!اللهم ارحمنا برحمتك
bemo,ire

**Sameh** · 05-03-2009 01:45 AM

يستاهلوا طبعاً

بس أنا عايز أفهم إيه القانون العاقل ده اللى يعتبر واحد إغتصب واحدة على إنه قاصر ؟ كدة لسة قاصر ؟؟؟؟ ده ممكن يبقى عنده 18 سنة وحسب قانون الطفل الجديد يعتبر حدث مش كدة - أنا شايف إن جريمته لا تقل عن الآخرين وبالتالى العقوبة كذلك + كمان الحكم إتأخر أوى إزاى قضية زى دى من 2006 ويتحكم فيها دلوقتى

**dr.nemo** · 05-03-2009 02:18 AM

ده اقل واجب معاهم
لان الناس بقتت تجتريء الجرائم لما العقوبة بتبقى مش مغلظة
وعلشان كده احسن وافضل عقوبة هي اللي حددها الشرع
الله هو اللي خلقنا وعارف ايه اللي يردعنا عن الجريمة

**Rembrandt** · 05-03-2009 02:46 AM

اللهم استر عوراتنا وآمن مـن روعاتنا
لا حول ولا قوة الا بالله

hh · 05-03-2009 12:31 PM

المشاركة الأصلية كتبت بواسطة Sameh

يستاهلوا طبعاً

بس أنا عايز أفهم إيه القانون العاقل ده اللى يعتبر واحد إغتصب واحدة على إنه قاصر ؟ كدة لسة قاصر ؟؟؟؟ ده ممكن يبقى عنده 18 سنة وحسب قانون الطفل الجديد يعتبر حدث مش كدة - أنا شايف إن جريمته لا تقل عن الآخرين وبالتالى العقوبة كذلك + كمان الحكم إتأخر أوى إزاى قضية زى دى من 2006 ويتحكم فيها دلوقتى

في القانون الأمريكي لما حجم الجريمة بيكون كبير, قتل مثلا ,. اغتصاب بالشكل المروع ده.........الخ, الادعاء بيطلب محامة المتهم كراشد حتى لو تحت السن, و في كتير من الاحيان القاضي بيوافق بعد دراسة الموضوع.