الموضوع: الديسك والاسطوانه

معلش يا جماعة ياريت اللي عنده رد يقولوا أصل الموضوع قلقني قوي ومش عارف امشي بيها ولا ده يبقي خطر
وشكرا

طيب يا أستاذ محمد وده في خطر اني امشي بالعربية ؟؟؟؟ اصلي عايز اغيرهم في الشرقية وانا في مصر

المشاركة الأصلية كتبت بواسطة khaladsaef

أولا صباح الخير علي الجميع
عربيتي لانوس 2002 ، كان الميكيانيكي قالي ان الديسك والاسطوانه عايزن يتغيروا من حوالي شهر ، وانا بصراحه كسلت شوية وعليت دواسة الدبرياج (يعني بقي بيفصل عالي قوي ) وامبارح كنت مسافر بالعربية وانا راجع في الاخر سمعت صوت خشانة جامده قوي طالعة من عند الموتور كده ، ومش عارف الصوت ده منيين بالظبط؟؟؟؟

_ تعلية دواسة الدبرياش مبتخليش الدبرياش يكون معشق كويس وأنت رافع رجلك من على الدواسه (لأن المشوار بيزيد على ياي أو ورق التعشيق )....وبيحصل مايسمى بأنزلاق القابض أو الدبرياش (وتحس أن الصوت بتاع الدبرياش وأنت رافع رجلك (لأى الدبرياش معشق )بصوت زى الرحايه أو الخشانه صادره من عند منطقة الفتيس والدبرياش................

_ وكمان ممكن تقابلك صعوبه أثناء النقل بعصاية الفتيس.....والحل أنك توطى الدواسه شويه لحد ماتعمر الدبرياش.............

_ والسبب تفسيره أن مشوار أسطوانة الزيت العلويه (اللى وراء الدواسه مباشرة ) بيزيد شويه بسبب رفع الدواسه....وبالتالى ضغط الزيت اللى خارج منها بيبقى ضعيف وطبعا بينعكس هذا على الماستر السفلى بتاع الفصل والوصل وبيخلى العزم ضعيف فى فصل ووصل الدبرياش...

.

اولا شكرا يا جماعة علي الردود الفنية دي ، بس يا ريت أعرف في خطر علي الموتور لو سافرت بيها كده ، وهل لو وطيت الدبرياج الصوت الخشن ده هيروح

هى الأمور حتتحسن معاك شويه....وحتسلك معاك ..وحتكون أفضل من كون الدواسه عاليه.....بس لازم فى أسرع وقت تعمل الواجب نحو عمرة الدبرياش

_ وربنا يسترها معانا ومع السامعين وكل من يقرأ الموضوع (من قلبى والله )

الف شكر يا باشا علي ردك السريع ده ومساعدتك القيمة دي
وانشاء ابلغكوا بالجديد اللي هعملوا