الموضوع: البوز بيز (قاعدة ارمي بوزك)

المشاركة الأصلية كتبت بواسطة aamin

1- كان في واحد وحش أو مش متربي أو مش متعلم أو مش فاهم
كان بيحدف أو بيكسر أو بيرمو بوزو على الناس وهو بيسوق
2- وكان في واحد حلو أو متربي أو متعلم أو فاهم
بيسوق صح وبيراعي الناس
3- اتقبلوا الاثنين
والوحش كسر على الحلو وطار
الحلو قرر أن ده بلد زبالة ومينفعش فيها إلا كده
وبدأ يدخل غباوة ويكسر ويرمي بوزو
4- وكان في واحد حلو تاني أو متربي أو متعلم أو فاهم
بيسوق صح وبيراعي الناس
5- اتقبل الحلو (4) مع ال كان حلو (2) وكسر الكان حلو على الحلو
6- الحلو ظن ان الوحش ال كسر عليه ده مش متربي أو مش متعلم أو مش فاهم

الخلاصة:
تعالو نتفق اننا نسوق صح حتى لو قابلنا حد مش بيسوق صح منعملش ذيه بل نحاول نبتسم في وشه ونشاور له ان ده غلط ومينفعش

الدنيا هتتغير لو احنا اتغيرنا، وهتخرب لو احنا عملنا زيهم

فعلا هو ده اللى بيحصل يعنى انا كل مره بقول انا همشى هادى و مافيش غرز ولا اى حاجه الاقى كمية ناس بتكسر عليا واللى عمال يكلكسلى علشان اطير من فوق العربيات واعديه بقول فى نفسى ماشى اشربوا بقه وبقضيها غرز و تكسير بس بضايق فى الاخر والحاجه التانيه اللى بتخلينى اضيق فى الطريق الناس اللى بتبقى ماشيه بطىء جدااااااااااا وقدامها الطريق فاضى و يكون هو زاحم الطريق وراه ولما تيجى تعدى منه تلاقيه سخن وسبحان الله الروح ديت فى العربيه بتاعته وطلعت بتعرف تجرى طيب ما كان من الاول ولما تلاقى اللى قدامك وقف فجأه ومافيش بينك وبينه متر علشان واحد نده عليه من الناحيه التانيه وحاجات تانيه كتيييييير فالمشكله ان انت لما بتسوق سواقه هاديه وصح بتلاقى مليييييييييييون حاجه ترجعك للسواقه الهمجيه والغلط وديه المعادله اللى مش لاقيلها حل