الموضوع: البلد فيها قـانــون برده !!

بصوا يا شباب لو حد فينا سافر بره ومش هاقول اوربا لأ لو ربنا كرمك ورحت عمره هتلاقى السواق لو فات منه اليو ترن بيمشى 60 كم لليو ترن اللى بعده ولا يمشيها عكسى وبرضه السواق مصرى
وتلاقى الشارع فاضى والعربيات واقفه عشان الاشاره حمراء

عارفين ليه؟؟
مش عشان هما ملتزمين لأ عشان قاطع الاشاره والمخالف لازم يتحبس وبيتعامل معامله زى الزفت وهاتكلم عن نفسى
اول مخالفه خدتها كانت الربط حزام والظابط كان برضه رخم جدا بس انا اديته الرخص من سكات واخدت الايصال من سكات ليه؟
عشان معترف انى غلطان او مخالف واديتوش فرصه يرخم عليا ولا يقللى ورينى الطفايه ولا شغلى الاشارات ولا امن ومتانه عشان خبطه فالرفرف كانت عندى وعلبال ما جبت الرخص كنت فعلا اتعلمت الدرس
انى محدش احسن منى عشان يوقفنى ويتنك عليا او يطلع عليا عقده النفسيه
دلوقتى اول حاجه بعملها لما اركب بربط الحزام مش علشان ده الصح لأ عشان مأخدش مخالفه
وصلت؟

انا بقي العكس...
انا فعلا بقيت حريص اربط الحزام علشان ده الصح.

المشاركة الأصلية كتبت بواسطة MoToRiZeR

معلش يا جماعة الناس اللي بتتطالب بالإلتزام .. بتتطلب الإلتزام بإيه بالضبط ؟

-الإلتزام بالقانون اللي لا يطبق إلا عند الحاجة لأموال المخالفات و الدليل الغابة اللي سايقين فيها
-الإلتزام بالسكوت اما تلاقي عربية مفيمة و معمول فيها البدع معدية من اللجنة بعد ما طلع الكارت ولا عمل المكالمة
-الإلتزام بحط لساننا جوة بقنا اما الضباط يتكلموا بقلة أدب ؟ انا غلطان و عامل مخالفة يبقي تتحصل مني بطريقة مهذبة مش الضابط و هو في اللجنة يحسسك إن المخالف ده حرامي غسيل هو ماسكه !
-الإلتزام بدفع الرشوة يا اما يطلعولك القطط الفطسانة في العربية ؟! اما العسكري يوقفك بدون سبب و الإبتسامة من الودن للودن و هو بيقولك صباح الفل يا بيه!

معلش و مع إحترامي .. مينفعش نطالب الناس بالفضيلة و الإلتزام في ظل غياب العدل .

غير كدة الراجل حاطط خطين عالكبوت مش حاطط أر بي جي و ماشي يقتل في الناس يعني .. هو إحنا مش بني أدمين و من حقنا عربياتنا شكلها يبقي علي كيفنا !؟ ولا خلاص الخطين اللي عالكبوت هما اللي موقفين الشارع ؟ قانون الملصقات ده أصلاَ ملوش أي معني .. يعني أبقي مشتري عربية و محظور عليا أعمل عليها أي حاجة في شكلها زي ما أكون مأجرها من المرور مش مشتريها من حر مالي .. مش كفاية الجمارك و القرف اللي قارفينا بيه و بنشتري العربيات بأضعاف تمنها! الرحمة يا عالم .

كلامك جميل بس لو مشينا بمبدأ اشمعنى فلان
يبقى عليه العوض فينا وعلى الدنيا السلامه
( ياسيدى الفاضل ابدأ بنفسك ثم الاخرين)
مش يمكن هما اللى يتكسفو على دمهم لما يلاقو فى ناس محترمين
وبعدين النوعيات اللى انت ذكرتها دى عندهم نقص
فى الشخصيه وعقد نفسيه كتير بيعوضوها فى السلطه
والمهم انه يعمل الغلط وخلاص بدافع السلطه
مش مهم اذا كان هيستفيد منه ولالا
لكن المهم انه يظهر قدام الناس انه بيخالف وماحدش يقدر يكلمه لكن الواقع ليا وليك انه مجرد بلطجى بقناع

المشاركة الأصلية كتبت بواسطة Terrible_DaRsH

يا باشا اذا كان الحكام فاسدين !
يبقي انت بتطلب من المحكومين الاعتدال ؟
على فكرة هما لو مش عايزين فلوس او نصب من الاخر .
كان ممكن يقولى شيل الخطين دول علشان متبقاش مخالف وانا والله كنت هشيل كل حاجة اساسا ..
لكن دول مُكلفين بجمع اموال بطريقة مشروعة او غير مشروعة فحضرتك متقولش ابدا بنفسك احنا محترمين الحمد لله ومش منتظرين شوية قوانين تخلينا نتعدل يعنى .
قانون الغابة بيقول البقاء للاقوى مش للاصلح !

معقوله يا درش ماهديتش لغايه دلوقتى؟؟؟؟
ياراجل روق كده وصلى على النبى
ماتخليش الموضوع يأثر على صحتك

واضح فعلا انك لسه متاثر جدا من الموضوع ده
على العموم انا كلامى كان بوجه عام وكلامك عن شخص بعينه حصل بينه وبينك موقف وانا كل اللى اقصده ان مش علشان فى فئه فاسده بتسنغل السلطه الوظيفيه يبقى كل الناس كده ولا كلنا نقول اشمعنا ده ولا ده
وربنا يهدينا جميعا للصالح
وروق ياباشا موقف وعدى والحمد لله ماتحرقش فى دمك علشان واحد مايستاهلش