لغز الدفعة الاخيرة!!

**za3bolla** · 02-09-2007 04:22 AM

محاولة مني لايجاد سبوبة رزق,قمت بشراء لانوس2007 لعمل اي مصلحة من تاجيرها سنة او سنتين و من ثم بيعها لانها اكيد هتتروق في التأجير..

ما علينا

بس الغريب انني لقيت هجوم رهييييييييب على شرائها بالرغم ان دي اخر دفعة منها!!
في اوروبا والدول المتقدمة يعف الناس عن شراء السيارات التي تلفظ انفاسها عند المصنعين نظرا لانها كده كفاية عليها و ايضا لان سعرها السوقي هيكون في النازل

بس احنا اكيد في مصر بلد العجائب!!!

اللي بيحصل انها لمما يوقف انتاجها استعملها سنتين و بيعها بخسارة 4000جنيه!!!
و انا شوفت الموقف ده مع صديق عمري اللي باع اكسنت2006 بعدما عمل عليها 30000كم في سنة واحدة و كان جايبها ب56000و بعها بعد سنة و المشاوير دي ب51000!!!!

فحذيت حذوه مع تاكدي من الاقبال الرهيب عليها ده ورا نفس السبب العجيب

لو حد يدر يفسر الظاهرة دي اكون شاكر جدا

مع العلم اني جبتها S ب70000!!!

**za3bolla** · 02-09-2007 03:40 PM

مفيش حد عنده تحليل واحد للموضوع ده؟؟
مش ده سايت عربيات برضه؟؟

**eng_elnaggar** · 02-09-2007 04:01 PM

التحليل الوحيد للموضوع ده ان من فات قديمه تاه واللي تعرفه احسن من اللي ما تعرفوش وخوف معظم الناس من المجازفة بالجديد والغير مجرب.. بس مالهاش تحليل غير كده

**محمد ابراهيم 1** · 02-09-2007 04:03 PM

تفسيره الوحيد هو الخوف دائما من الجديد والاحساس ان اللى نعرفه احسن من اللى منعرفوش بالاضافه الى جشع التجار
وده السبب اللى خلى لانسر 1300 الخليجى الشكل الحالى مش الجديد المانيوال توصل 90000 والكرولا الفاضيه 107

**Nader** · 02-09-2007 04:12 PM

اللانوس عربية محترمة ومناسبة للسوق المصري من حيث الاداء والسعر. كون ان دي اخر دفعة لها دة مش معناة انها خلاص مش هتشوفها تاني في الشوارع لأ في عربيات اتوقف انتاجها من عشرات السنين ولسة موجودة وقطع فيارها موجودة وترميها في اي وقت في السوق يلاقي ميت واحد شاري، واللانوس ماسيا في الخط دة.

وربنا يرزقك بالحلال.

**za3bolla** · 02-09-2007 04:51 PM

شكرا لاخوة الاعزاء على الردود
وانتظر المزيد

**Ahmed Anwer** · 04-09-2007 01:09 AM

ربنا يباركلك فيها
حكاية إقبال الناس علي الموديلات زي اللانوس و الفيرنا و اللادا و الشاهين رغم إنها موديلات قديمة مالوش سبب غير إنها أرخص عربيات يمكن الإعتماد عليها لأن مفيش حاجة في سعرها غير الصيني
أما حكاية إن المستعمل و كسر الزيرو ده مبيرخصش كتير، بصراحة لا يوجد لها أي تفسير منطقي دي عايزة خبير إقتصادي
بس اصحابي اللي جابوا كسر الزيرو كان وجهة نظرهم ‘ إنهم أولي ب 10000 أو 5000 جنيه الفرق و مش هتفرق في العربية كام ألف كيلو
:mrgreen: :mrgreen: و الإتنين طلع رأيهم غلط و كانوا جايبين لانوس برده واحد موديل 2004 و التاني موديل 2005 فرق سعرهم عن الزيروحوالي 10 الاف جنيه ، واحد عربية ولعت لوحدها ، اه والله كان نايم في البيت و البواب صحاه و قله العربية بتولع
و الثاني صرف الف جنيه عالصيانة الدورية بوجيهات و سيور و خلافه و الف جنيه نقل ملكية و إجراءات تسجيل ، و لما راح يضبط زوايا بتاع الزوايا قاله العفشة عايزة شغل ، ده غير إن الكاوتش عايز يتغير يعني العربية كان فيها مصاريف إجمالية بتاع خمستلاف جنية و برده مش هتبقي زي الزيرو

**محمدايهاب** · 04-09-2007 06:18 AM

حكاية إقبال الناس علي الموديلات زي اللانوس و الفيرنا و اللادا و الشاهين رغم إنها موديلات قديمة مالوش سبب غير إنها أرخص عربيات يمكن الإعتماد عليها لأن مفيش حاجة في سعرها غير الصيني

+10000000000000000000