سؤال فني معرفش اذا كان مكانه هنا او لا

**Samir Elshahawy** · 06-03-2009 02:22 AM

المشاركة الأصلية كتبت بواسطة mobitek

ده علشان بتكون عكس اتجاه الريح يا باشا
لان الميل مش كبير للدرجه دى
دى حاجه لا تذكر

لم نختلف المهم أن فيه مقاومة أو وسيلة دفع أضافية مش شرط يكون ميل الطريق فقط

**Thaer** · 07-03-2009 02:39 PM

متشكر جدا على الردود الجميلة

**MMamdouh** · 10-03-2009 01:01 PM

بص يا طاهر

اولا و انت نازل المنزل بسرعة 100 على الخامس حتبقى شايل رجلك من على البنزين و العربية حتنزل المنزل لوحدها بدون الحاجة لاى ضغط على البنزين

فى الحالة دى حيبقى الRPM فى حدود 2500 و بالتالى استهلاك البنزين حيبقى اكتر من الاستهلاك فى السلانسبة على RPM 850 نتيجة الزيادة فى عدد لفات الموتور...و طبعا الاستهلاك حيبقى اقل من السير على سرعة 100 كيلو فى طريق مستوى لانك فى المنزل بتبقى مش دايس بنزين و بالتالى البوابة مقفولة تماما و كمية الهواء اللى داخلة الموتور قليلة جدا و بيتناسب معاها كمية البنزين اللى بيستهلكها الموتور فى الحالة دى

الاهم من دة كلة انك متفكرش تمور فى المنزل خصوصا لو المنزل طويل لمحاولة ترشيد استهلاك البنزين لان لو عملت كدة حتضطر تحمل على الفرامل طول المنزل و دة حيسخن التيل و الطنابير و ممكن اوى على اخر المنزل متلاقيش معاك فرامل و تحصل حادثة

اكيد حياتك اهم من شوية البنزين اللى حتوفرهم فى الوضع دة

MMamdouh

**mummy_47** · 11-03-2009 10:09 AM

المشاركة الأصلية كتبت بواسطة MMamdouh

الاهم من دة كلة انك متفكرش تمور فى المنزل خصوصا لو المنزل طويل لمحاولة ترشيد استهلاك البنزين لان لو عملت كدة حتضطر تحمل على الفرامل طول المنزل و دة حيسخن التيل و الطنابير و ممكن اوى على اخر المنزل متلاقيش معاك فرامل و تحصل حادثة

اكيد حياتك اهم من شوية البنزين اللى حتوفرهم فى الوضع دة

MMamdouh

استاذي العزيز ممدوح بما ان الشئ بالشئ يذكر، انا بعد كل مشوار بتكون الطنابير سخنة، يعني من اسبوعين كنت رايح مطروح من القاهرة ورجعت في نفس اليوم ولما حطيت ايدي على الطنابير لقيتها مولعة خالص...فمش عارف هل كده طبيعي ام لا..رغم ان التيل مش قافش على الطنبورة وانا عارف اني بدوس على الفرامل كتير ...فما تعليقك على ذلك..
مع خالص شكري .

**MMamdouh** · 11-03-2009 10:17 AM

طالما بتدوس فرامل يبقى لازم الطنابير تسخن... الخطورة انها تسخن اوى لدرجة ان الفرامل تبقى ضعيفة و تبداء تشم ريحة التيل و هو بيتحرق من شدة الحرارة

MMamdouh